Actividade concello

XOGOS, RITMOS E DANZAS NA PRAZA MAIOR

Mér, 2024-05-29 17:50 — salial

A maxia de aprender xogando

Este mércores o alumnado de 4º de EP participou nunha Xornada divertida compartindo con outros colexios da provincia música, ritmos e diversión.

Arredor de 200 nenas e nenos desfrutaron de dúas horas de xogos musicais, de percusión e danzas organizadas polas súas mestras e mestres de música. Estes son algúns fragmentos con diferentes propostas rítmicas da xornada:

Xornada Musical

Batucada

Can Can de Offenbach

Danza Rusa de Tchaikovsky

Galería de Imaxes da xornada

Esta actividade estivo organizada e dinamizada polo profesorado de música participante no Seminario de FP sobre recursos musicais, subvencionada polo Centro de Formación e Recursos e contou coa colaboración da Área de Educación do Concello.

Acto das Letras Galegas

Xov, 2024-05-16 12:12 — cris

Hoxe o alumnado de 3º, 4º, 5º e 6º desprazouse ata a Praza Maior de Ourense para celebrar un acto do día das Letras Galegas organizado polo Concello de Ourense.

Centros como o Mestre Vide, Couto, Luis Vives, Albino Núñez, San Pío, Padre Feijóo e Vistahermosa asistiron a esta actividade.

Un festival na praza Maior onde cada cole cantou, bailou, recitou e interpretou distintas pezas en homenaxe a Luísa Villata. As nosas actuacións:

Presentación de Luísa Villalta

Os Zocos son pra andare. Blues do país

Millo Verde

Muiñeira Armadanzas

Grazas ao Concello de Ourense pola invitación e organización.

VERBATECA- LABORATORIO DE PALABRAS

Xov, 2024-04-18 13:57 — cris

Esta actividade forma parte do programa educativo do concello de Ourense, realizada no noso centro para nenos/as de infantil.

Xogando, traballouse a observación, memoria, expresión oral e corporal, coordinación e coñecemento de palabras da nosa lingua sobre diferentes temáticas...

Esta actividade ten como obxectivos:

Potenciar o traballo en equipo.

Aumentar o vocabulario.

Crear unha comunicación afectiva e directa na que os alumnos e alumnas participen activamente.

Manter unha boa actitude de escoita.

Motivar á lectura por medio da oralidade.

Fomentar a imaxinación e a creatividade.

VISITA Á BIBLIOTECA DO NOSO ENTORNO

Mar, 2024-04-02 18:22 — cris

O alumnado de 2º de primaria , visitou a biblioteca municipal da Ponte.

A bibliotecaria, explicoulles como identificar os libros dos andeis, despois a cativada participou nunha animación á lectura e tamén desfrutaron dun tempo libre de lectura.

ANIMACIÓN Á LECTURA E SENSIBILIZACIÓN MEDIOAMBIENTAL

Lun, 2024-03-04 12:11 — cris

Actividade ofertada polo concello de Ourense: "Conta coa natureza, incendios forestais".

Esta temática foi tratada por unha monitora medioambiental a través do conto teatralizado: "Xela, a superheroína da aldea" de Inma Soto.

Un conto sobre a nosa natureza, que pon en valor os nosos recursos e busca que os nenos/as coiden o entorno natural.

Coa finalidade tamén de animar ao alumnado o interesarse por lecturas desta temática.

Educación viaria

Mar, 2024-02-20 11:33 — cris

Onte as nenas e nenos de Educación Infantil desfrutaron coa actividade "Alavín Alaván, O tranvía da Educación Viaria" organizada polo Concello de Ourense.

Convertíronse en pequenos coches, peóns responsables e incluso policías.

Unha sesión moi interesante onde practicaron e aprenderon normas importantes para a súa vida diaria.

ENCONTROS CO AUTOR

Xov, 2024-02-01 14:54 — cris

O alumnado de 6º de Primaria participou hoxe na actividade "Encontros co autor" pertencente ao Programa de animación á Lectura dinamizado polo Concello de Ourense.

As nenas e nenos leron nestas últimas semanas a obra "Segredos Soterrados" de Xabier Domínguez e Alba de Evan, a quen puideron coñecer hoxe e aprender máis sobre o seu traballo.

Tocade na imaxe para ampliar.

Visita residencia "As Salinas"

Mér, 2023-12-13 13:55 — cris

Hoxe o alumnado de 6º de Primaria desprazouse ata a residencia "As Salinas" no Viso para realizar diversas actividades interxeracionais cos maiores. Cantaron panxoliñas, realizaron talleres, tarxetas de Nadal, xogaron...

Bonita actividade que favorece a responsabilidade, os valores e o respeto cara os maiores.

Grazas á residencia por darnos a oportunidade.

CONCILIA DE NADAL. CONCELLO DE OURENSE

Lun, 2023-12-04 10:29 — cris

Hoxe ábrese o prazo para a inscrición nas actividades de conciliación para alumnado de Educación Primaria, durante as vacacións de Nadal na Aula da Natureza.

Toca na imaxe para máis información