Skip to Content

Saídas

Excursión á Illa de San Simón

 
O pasado xoves 13 de xuño foi un día especial para todo o alumnado de 3º e 4º. Tivemos a sorte de facer unha visita guiada á Illa de San Simón. Fixemos unha viaxe en barco pola ría de Vigo, coa ponte de Rande de fondo; coñecimos toda a historia que agocha o illote e incluso tivemos que atopar un tesouro agochado (que finalmente tiña forma de moeda e sabor a chocolate); e xa de volta, para comer, visitamos a Praia do Vao en Vigo, onde probamos a auga e xogamos na area.

Exposición "Leonardo da Vinci: Os rostros do xenio"

Leonardo da Vinci, os rostros do xenio no Pazo das Alfaias en Madrid

Exposición conmemorativa do V centenario do seu falecemento.

De visita cultural:  O martes, día 14 de maio, os rapaces e rapazas de 6º, tiñamos unha cita con Leonardo; unha oportunidade para coñecer ao pintor, escultor, inventor, en definitiva, un home adiantado ao seu tempo.

A parte das súas obras máis coñecidas como son  os cadros de A Adoración dos Magos, Mona Lisa, A Última Cea..., ou O Home de Vitruvio, un estudo sobre a proporción humana;  sorprendéronnos os seus cadernos, cheos de investigacións sobre mecánica, anatomía (debuxos que semellan radiografías do corpo humano), enxeñería militar, topografía, hidráulica...

As páxinas están escritas de dereita a esquerda e en espello "escritura especular",  cheas de debuxos e notas  nas que se aprecia o seu esforzo por entender o funcionamento da natureza e do corpo humano.

Tamén ideou unha serie de inventos como máquinas voadoras (o ornitóptero), o paracaídas, o primeiro traxe de buzo, a hélice, un tambor mecánico... 

No noso percorrido polas distintas salas, atopámonos con Christian Gálvez, comisario da exposición e membro do Leonardo DNA Project como experto mundial na figura de Leonardo da Vinci

Esta actividade pecha o proxecto Viaxamos a Italia, desenvolvido dende a biblioteca do centro durante o 1º trimestre.

Sing for the Climate

Actividade interdisciplinar Lingua Inglesa, música, plástica e robótica

Todo comenzou con Greta Thunberg, a moza sueca de 16 años, símbolo das protestas polo clima. "Non deberiamos ter que faltar a clase por loitar contra o cambio climático"

O xoves, 11 de abril, acudimos á chamada do CEIP O Couto, para unirnos a unha manifestación pola defensa do planeta e contra o cambio climático.

Na Praza Maior compartimos os nosos cantos e peticións cos colexios de O Couto, Irmáns Villar, Curros Enríquez, As Mercedes e Mestre Vide.  Uns 500 rapaces e rapazas coas súas pancartas en prol dun desenvolvemento sostible e sobre todo cantando coa ilusión de axudar a reverter a situación do planeta.

ExpokNewsQUE PODEMOS FACER NÓS PARA PREVIR OU REVERTER O CAMBIO CLIMÁTICO?

Moitos slogans, escritos en galego e inglés, con boas prácticas para conseguir un desenvolvemento sostible. Todas e todos podemos:

Reducir a cantidade de lixo, reusar e reciclar.

Evitar o uso de bolsas de plástico e produtos sobreenvasados.

Usar a bici e camiñar máis.

Consumir produtos locais e de tempada...

 

 Todo comeza cunha canción: “CANTA POLO CLIMA” coa música de "Bella ciao"  manifestamos a nosa preocupación polo quentamento global e polo destino do planeta.

Sing for the Climate from Ceip Vistafermosa on Vimeo.

Outras das actividades foi a gravación deste podcast que trata sobre medio ambiente e cambio climático

Tarzán

Face 2 Face Theatre Co.

O martes, o alumnado de 5º e 6º tivo a oportunidade de asistir á representación en inglés de Tarzán, no auditorio da nosa cidade.
Foi un espectáculo moi divertido, no que rimos, cantamos e bailamos; ou, mellor dito: we laughed, sang and danced all the time!

No auditorio

Teatro de actor. Face 2 Face Theatre Co. Actividade ofertada por A Fundación Obra Social ABANCA.

 

Imos á Neveeeeeee!!!!!!!!!

Con esta actividade preténdese achegar o esquí aos rapaces e rapazas da provincia de Ourense. Para iso, o programa ESQUIOU ofrece un completo programa de actividades nas instalacións da estación Oca Nova Manzaneda. Alí estiveron os alumnos e alumnas de sexto curso do noso colexio acompañadas polos profes Alonso e Montse. 

 

‘Mumo’, un camión transformer, se convertirá en museo de arte en el colegio Vistahermosa.

El lunes de la próxima semana el colegio de Vistahermosa acoge un enorme camión que lleva el arte contemporáneo a un montón de niños en diferentes partes del mundo, el  MUMO.

Este museo nómada para niños es un proyecto francés (musée mobile) con el que colaboran artistas como Paul McCarthy y Miquel Barceló quien ha creado una obra inédita para la gira de MuMo en España y que se suma a la exposición del museo. El camión se despliega como un muñeco transformer y se convierte en un museo con cuatro espacios diferenciados: la pintura, la escultura, la instalación, el vídeo o el diseño. Mumo estará la calle Francisco Añón Paz el día 26 de enero donde niños de entre 6 y 12 años podrán disfrutar de 45 minutos de descubrimiento. Una mediadora especializada en público joven y arte contemporáneo está al cargo del conjunto de la visita, realizándose seis pases al día. 

Algunos artistas que han colaborado en este proyecto de origen francés son Paul McCarthy, Daniel Buren, Maurizio Cattelan, James Turrell, Sébastien Cordoleani, Nari Ward, John Baldessari, Ghada Amer, Florence Doléac, Eija-Liisa Ahtila, Pierre Huyghe, Farhad Moshiri, Roman Signer.

El español Miquel Barceló, ha creado una obra inédita para la gira de MuMo en España que se suma a la exposición del museo.

La misión de MuMo es sensibilizar a los niños que normalmente no tienen acceso a la cultura, a través del arte contemporáneo para aprender a mirar con la imaginación y entenderlo como algo cercano.

 

 

Homenaxe a Ponte nas Ondas!

                   Os nenos e nenas de sexto curso do noso colexio, participaron onte xunto con 400 escolares máis na celebración do 20 cumpreanos de  PONTE NAS ONDAS!

                Con esta idea de fondo, celebrouse a gravación dun programa de radio "moi visual" e en falso directo no que actuaron escolares de diferentes centros da cidade.

               Durante case dúas horas, os rapaces escoitaron e participaron moi activamente dunha festa que quixo reproducir o espírito que moveu estes vinte anos a Ponte... nas ondas!, centrado en promover, divulgar e protexer o patrimonio, especialmente o patrimonio inmaterial e cultural galego e o que nos une aos veciños lusos. Xa pola tarde, Xurxo Souto foi o encargado de tomar o relevo a Rocío Pereira e guiar un programa no que o público pasou a estar composto por maiores, universitarios e público en xeral e no que unha vez máis a maxia que uniu a Ponte... nas ondas! durante dúas décadas volveu a saír a escena. do Centro de Cultura Popular Xaquín Lorenzo; estudantes do IES O Couto tocaron a gaita e contaron lendas de diferentes lugares; un grupo do CEIP Manuel Luís Acuña cantou “janeiras” portuguesas e rapazas da Universidade Laboral explicaron o traballo que realizan de recuperación da tradición, entre outras moitas actuacións.

             Con eles tamén estiveron portadores da cultura tradicional, como Florencio de Arboiro, que lle ensinou en directo aos asistentes como funciona unha roda de afiar e a tradición deste oficio; Lois Pardo, que falou dos xogos populares; María do Ceo, que cantou varias cancións lusas; O Carrabouxo, que falou en clave de humor, e David Rodríguez, alcalde de Manzaneda, que comentou a tradición dos folións no Entroido ourensán acompañado por un deles. 

               Tocaron a gaita e a pandeireta, cantaron cancións tradicionais galegas e portuguesas, contaron lendas, falaron do Entroido ourensán e moito máis. Os arredor de 400 escolares que este mércores pola mañá encheron a salón Marie Curie do campus de Ourense foron os auténticos protagonistas dunha homenaxe aos vinte anos da iniciativa educativa Ponte nas… ondas! organizada no marco das X Xornadas Interxeracionais. Xuntando portadores da cultura de onte, de hoxe e de mañá, a iniciativa converteu esta cita nunha auténtica festa na que a tradición cultural amosou o ben que se pode levar coas novas xeracións.

Distribuir contido


by Dr. Radut