Saídas

XOGANDO CO ATLETISMO

Xov, 2022-11-24 18:33 — cris

Hoxe as nenas e nenos de 4º foron á Expourense a disfrutar da actividade XOGANDO CO ATLETISMO, organizada pola Secretaría Xeral para o Deporte coa colaboración da ADE As Burgas.

Pero non estiveron sós, tamén participaron os atletas dos colexios de A Ponte, Curros Enríquez, Divino Maestro, Guillelme Brown, Inmaculada, Irmáns Villar, Luis Vives, Manuel Sueiro, O Couto, San Pío X, Santo Ángel, Seixalbo e Virxe de Covadonga.

Unha xornada de convivencia, experimentación, esforzo e diversión, onde practicaron carreiras de relevos, lanzamentos, salto horizontal, salto lateral, carreira de obstáculos, etc

PREME NESTA ÚLTIMA

EXCURSIÓN LODOSELO 1º E 2º DE PRIMARIA

Lun, 2022-06-06 23:14 — cris

E ao fin chegaron as desexadas saídas...ben merecidas cas tiñamos!!

Hoxe foron as rapazas e os rapaces de 1º e 2º os que marcharon a Lodoselo: fixeron pan, plantaron unha árbore, pasearon en carro, coidaron animais, visitaron o xardín dos sentidos, contacontos....

ACTIVIDADES NO RÍO LONIA

Xov, 2022-03-24 16:19 — salial

Actividade "Gústame o meu río: ensíname a coidalo"

Promovida pola Confederación Hidrográfica do Miño-Sil (CHMS)

Alumn@s e mestres desprazámonos ata o río para participar nunha clase medioambiental totalmente práctica: Convertémonos en investigadores e investigadoras arredor de 4 mesas de traballo colocadas á beira do río Loña, nas que repasamos o ciclo da auga, a fotosíntese e a evapotranspiración de xeito práctico. Medimos os niveis de PH, Temperatura, Turbiedade e de osíxeno da auga. E recoñecemos pegadas da fauna e macroinvertebrados presentes na auga e nas proximidades.

Estas actividades promoven o contacto co entorno natural e fomentan actitudes respectuosas co medio ambiente e en especial coa auga e cos ecosistemas fluviais.

actividade gústame o río

- MÁIS FOTOS NA GALERÍA DE IMAXES

As maiores e os maiores do cole marcharon de excursión a Manzaneda.

Disfrutaron do parque de aventura, practicaron tiro con arco, construíron vivacs, xogaron e pasaron unha xornada de convivencia das que xa fai tempo que non nos deixaban ter.

Pena que a climatoloxía non acompañara, pero mereceu a pena.

As nenas e nenos de 2º marcharon de excursión a Lodoselo e aproveitaron moi ben a xornada.

Fixeron pan, contáronlles un conto e plantaron un pradairo (arce galego), pasearon no burro Fariñeiro, colleron ovos de pitas de diferentes partes do mundo, déronlle de comer ás ovellas autóctonas e aos coellos, estiveron nun xardín sensorial con diversas texturas e materiais, rodeados de cultivos da horta, xogaron, cantaron e pasárono xenial con todos os seus compañeiros.

A tormenta deixoulles disfrutar da estupenda saída. Un premio ben merecido polo esforzo realizado durante todo este ano tan atípico.

Visita das nenas e nenos de 5º de Primaria ao Club Náutico de Castrelo de Miño.

Mañá chea de actividades: kayak, pedaletas, paddle surf e moitos chapuzóns!

Saída das nenas e nenos de 6º ao Pavillón dos Remedios para iniciarse na modalidade de escalada. Actividade coordinada a través do programa Xogade e Deporte Escolar de Ourense.

Xornada moi entretida na que todas e todos puidemos experimetar esta práctica deportiva, cada un ao seu nivel e ata onde o vértigo o permitía.

Grazas por esa magnífica organización, material e monitores pertencentertes a ASESOU ( Asociación de Escaladores Ourensáns).

O pasado xoves 13 de xuño foi un día especial para todo o alumnado de 3º e 4º. Tivemos a sorte de facer unha visita guiada á Illa de San Simón. Fixemos unha viaxe en barco pola ría de Vigo, coa ponte de Rande de fondo; coñecimos toda a historia que agocha o illote e incluso tivemos que atopar un tesouro agochado (que finalmente tiña forma de moeda e sabor a chocolate); e xa de volta, para comer, visitamos a Praia do Vao en Vigo, onde probamos a auga e xogamos na area.

Foi un día moi divertido e intenso!

Fotos da excursión en Drive

Deixámosvos na galería de imaxes un resumo en fotos de como foi o día.

Leonardo da Vinci, os rostros do xenio no Pazo das Alfaias en Madrid

Exposición conmemorativa do V centenario do seu falecemento.

De visita cultural: O martes, día 14 de maio, os rapaces e rapazas de 6º, tiñamos unha cita con Leonardo; unha oportunidade para coñecer ao pintor, escultor, inventor, en definitiva, un home adiantado ao seu tempo.

A parte das súas obras máis coñecidas como son os cadros de A Adoración dos Magos, Mona Lisa, A Última Cea..., ou O Home de Vitruvio, un estudo sobre a proporción humana; sorprendéronnos os seus cadernos, cheos de investigacións sobre mecánica, anatomía (debuxos que semellan radiografías do corpo humano), enxeñería militar, topografía, hidráulica...


As páxinas están escritas de dereita a esquerda e en espello "escritura especular", cheas de debuxos e notas nas que se aprecia o seu esforzo por entender o funcionamento da natureza e do corpo humano.

Tamén ideou unha serie de inventos como máquinas voadoras (o ornitóptero), o paracaídas, o primeiro traxe de buzo, a hélice, un tambor mecánico...

No noso percorrido polas distintas salas, atopámonos con Christian Gálvez, comisario da exposición e membro do Leonardo DNA Project como experto mundial na figura de Leonardo da Vinci

Fotos da excursión en Drive

Galería de imaxes

Esta actividade pecha o proxecto Viaxamos a Italia, desenvolvido dende a biblioteca do centro durante o 1º trimestre.

Actividade interdisciplinar Lingua Inglesa, música, plástica e robótica

Todo comenzou con Greta Thunberg, a moza sueca de 16 años, símbolo das protestas polo clima. "Non deberiamos ter que faltar a clase por loitar contra o cambio climático"

O xoves, 11 de abril, acudimos á chamada do CEIP O Couto, para unirnos a unha manifestación pola defensa do planeta e contra o cambio climático.

Na Praza Maior compartimos os nosos cantos e peticións cos colexios de O Couto, Irmáns Villar, Curros Enríquez, As Mercedes e Mestre Vide. Uns 500 rapaces e rapazas coas súas pancartas en prol dun desenvolvemento sostible e sobre todo cantando coa ilusión de axudar a reverter a situación do planeta.

ExpokNews QUE PODEMOS FACER NÓS PARA PREVIR OU REVERTER O CAMBIO CLIMÁTICO?

Moitos slogans, escritos en galego e inglés, con boas prácticas para conseguir un desenvolvemento sostible. Todas e todos podemos:

Reducir a cantidade de lixo, reusar e reciclar.

Evitar o uso de bolsas de plástico e produtos sobreenvasados.

Usar a bici e camiñar máis.

Consumir produtos locais e de tempada...

Todo comeza cunha canción: “CANTA POLO CLIMA” coa música de "Bella ciao" manifestamos a nosa preocupación polo quentamento global e polo destino do planeta.