Skip to Content

Espazo familias

Convocatorias oficiáis( Concello, Goberno Autonómico, Goberno Central)

Estimadas familias:

Facémonos eco das convocatorias publicadas nas últimas datas polas entidades locais, autonómicas e estatais  e que poden resultar do seu interés.

 

O CONCELLO DE OURENSE AGASALLA CUN LIBRO

O Concello de Ourense comezará o vindeiro mércores, 1 de xullo, a campaña 'Un libro desconfina a túa imaxinación' para agasallar cun libro a todos os ourensáns nados entre o 1/1/2002 e o 31/12/2016. Esta acción pretende fomentar a lectura entre a mocidade á vez que axudar o comercio local e, concretamente, o sector libreiro, especialmente afectado polo peche decretado polo estado de alarma.

Acceda a toda a información premendo na imaxe.

 

 

ACTIVIDADES VERÁN DO CONCELLO DE OURENSE

Acceda a toda a información premendo na imaxe.

 

 

NUEVO BONO CUIDADO PARA FAMILIAS CON NIÑOS HASTA 12 AÑOS Y DEPENDIENTES

“La Xunta de Galicia acaba de anunciar cómo será elnuevo Bono Cuidado que atenderá a familias con niños de hasta 12 años y personas mayores o con discapacidad que eran usuarias de un centro de día u ocupacional.

Ligazóns: Prema AQUÍ AQUÍ NOTA DE PRENSA

 

INGRESO MÍNIMO VITAL

(Convocatooria estatal)

Se trata de una prestación por hogar que se pagará mes a mes y garantiza una renta de entre 462 y 1.015 euros en función de los miembros. El ingreso no será fijo, sino que complementará las rentas de las unidades familiares hasta llegar a esa cantidad.

Se podrá pedir a partir del 15 de junio. En las peticiones de los primeros tres meses se cobrarán con efecto retroactivo a 1 de junio.

Prema AQUÍ para descargar o documento informativo coas canles de solicitude.

Prema AQUÍ para consultar as preguntas frecuentes(FAQs)

Prema na imaxe e acceda a toda a información.

 

 

 

INSTRUCIÓNS TERCEIRO TRIMESTRE

Estimadas familias:

 En primeiro lugar, desexar que todos esteades moi ben! nenos, nenas, familias, avoas, avós, amizades, veciñanza…; facemos chegar dende aquí as nosas apertas e os nosos ánimos.  

Como saberán a través de anteriores comunicacións, dende a comparecencia da Ministra de educación, mediado o mes de abril, e as posteriores indicacións e instrucións da nosa Consellería, sucedéronse numerosas informacións e contrainformacións que botaron unha enorme incerteza dentro da comunidade escolar. Máis tarde, o 27 de abril, chegaba a publicación das instrucións definitivas por parte da Consellería de Educación galega.

Naquel momento, os mestres e mestras do CEIP Vistahermosa, tomamos a decisión de non publicar nada, pois consideramos que evitar confusións e malas interpretacións era o máis sensato.

Agora, atopámonos nun escenario ben diferente, e podemos dicir que logo das aclaracións, dúbidas e debate que xeraron as devanditas instrucións podemos, a día de hoxe, trasladar a todas as familias do noso centro un documento claro e conciso coas instrucións que rexerán o remate deste curso escolar, en especial no referido á avaliación e cualificación do noso alumnado.

Nos vindeiros días esta información completarase coa publicación nesta mesma páxina das diferentes modificacións das programacións didácticas por cursos e materias. 

FAGA CLIC NA IMAXE PARA ACCEDER ÁS INTRUCIÓNS

Comunicación Importante

 

Estimadas familias:  

Como en anteriores ocasións, as primeiras liñas levan sempre as nosas apertas e os nosos ánimos, desexando que toda a comunidade do CEIP Vistahermosa se atope nas mellores condicións posibles dentro da anómala situación que todos estamos a vivir.

Como xa saberán, dende a comparecencia da Ministra de Educación o pasado mércores, día 15 de abril, tanto os medios de comunicación como as redes sociais, convertéronse nun fervedoiro de informacións, contrainformacións e novas, cunha veracidade non contrastada e que, lonxe de aclarar a situación, non fixeron máis que engadir incerteza e intranquilidade sobre toda a comunidade escolar.

Tendo en conta o anterior, a dirección deste centro acordou co resto do claustro, no contribuír ao desconcerto evitando publicar ningún tipo de información ata contar cun comunicado oficial da Consellería de educación da Xunta de Galicia.

  Onte pola tarde, a Xunta enviounos unhas ORIENTACIÓNS PROVISIONAIS para o desenvolvemento do terceiro trimestre do curso 2019/2020.

Tendo en conta que falamos aínda de algo provisional NON as publicaremos ata que a Xunta as transforme en definitivas para procurar evitar confusións, malas interpretacións e ter que engadir, posteriormente, hipotéticos cambios a nivel estatal.

Na vindeira semana recibiremos as indicacións precisas da Consellería de Educación, Universidade e Formación Profesional as cales lles faremos chegar urxentemente.

 Noutro orden de cousas, tamén lles informamos que xunto co  Concello de Ourense estamos artellando a posibilidade de facer unha entrega do material escolar que os alumnos puideran ter deixado nas aulas antes do seu peche. Dita posibilidade, de momento no é factible, debido á imposición do estado de confinamento actual e a inseguridade sanitaria que conlevaría. No momento en que contemos co amparo legal e a autorización das autoridades competentes serán convenientemente informados.

 

Recibide das mestras e mestres as nosas máis sinceras apertas.

 

TODO VAI SAÍR BEN!

 

Comunicación Familias

Estimadas familias:

Esperamos que todo vaia ben! 

Como saberán o terceiro trimestre deu comezo hoxe, día 14 de abril. A pesar disto, todos os centros educativos estamos agardando instrucións por parte das autoridades educativas para poñelo en marcha.  

Mañá, o conxunto de comunidades autónomas manterán unha reunión co Ministerio de Educación na que se tomarán os posibles acordos ao respecto. É posible que na propia tarde de mañá mércores, ou, o xoves, podamos dirixirnos a vostedes con información máis concreta. 

Lamentamos non poder ser máis precisos pero estamos todos na mesma situación; en espera.

Recibide as nosas máis sinceras apertas.   

FELICES "VACACIÓNS"

Estimadas familias:

 

Antes de nada, desexar que todos esteades BEN! MOI BEN! estas primeiras liñas levan de novo as nosas apertas e os nosos ánimos, agardamos, que como días atrás,  cheguen ata cada un dos vosos fogares; vendo como están as cousas a única noticia importante é que esteamos todos, e todos ben.

Tal e como sabedes, mañá, día 4 de abril, dan comezo as vacacións de Semana Santa, que abranguen ata o vindeiro luns día 13 de abril (ambos incluídos). Por desgraza para todas e todos, xa sabemos que serán unhas vacacións confinadas e que teremos que deixar para mellor ocasión todos os nosos plans e as nosas ansias de “liberdade”; polo de agora, non é posible. Aínda así, si que é o momento de parar, de botar o freo, de descansar, de tomar uns días lonxe da actividade “escolar”.  

Ata o de agora, podemos dicir, que dentro da excepcionalidade na que estamos, a comunidade educativa do CEIP Vistahermosa (mestras e mestres, alumnado, familias, ANPA, persoal de servizos…) goza dunha situación privilexiada en relación a outros escenarios; mantense unha boa comunicación coas familias, a meirande parte delas poden acceder ás plataformas creadas, estase a seguir en contacto coa escola e as aprendizaxes…e, en xeral estamos acometendo a situación con relativa soltura.

Pero tampouco nos imos enganar, a pesar do anterior, esta situación non é fácil para ninguén; dificultades dalgunhas familias, imposibilidade de chegar a todos con éxito, dificultades cos medios técnicos… sabiámolo ao comezar e seguimos a ser plenamente conscientes disto pois estámolo a vivir tamén na nosa actividade docente, pero, intentamos, e seguiremos a intentar que os atrancos sexan reducidos ao mínimo, corrixindo todo aquilo que poidamos mellorar.

Dende o Claustro seguiremos a traballar para un incerto terceiro trimestre; gustaríanos poder dicir que vai pasar e como vai ser a situación pero lamentablemente non o sabemos. A incerteza que tedes vós, témola nós.

 Despedímonos ata o martes día 14 de abril, ata entón, as plataformas dixitais (AbalarMóbil, Web, Aula Virtual, blogues,…) seguirán sendo accesibles aínda que cunha actividade máis baixa.

 Lembrade que o obxectivo final segue a ser o mesmo, deixar atrás este mal soño canto antes,  e ese obxectivo ÍMOLO LOGRAR!

  

Recibide das mestras e mestres as nosas máis sinceras apertas!

COMUNICACIÓN ÁS FAMILIAS. SEGUNDA AVALIACIÓN

 

Estimadas familias: 

Segundo o recollido nas “Instrucións do 27 de marzo de 2020 dirixidas ás direccións dos centros educativos...” A segunda avaliación dáse por pechada dende o momento da suspensión da actividade lectiva pola declaración do estado de alarma o pasado día 13 de marzo.

Os contidos a avaliar  corresponderán polo tanto, ata o traballado ese día, sen incluír as actividades realizadas de xeito telemático dende a entrada en vigor do mencionado estado.

Polo que, dando cumprimento ás devanditas instrucións as notas do segundo trimestre publicaranse o vindeiro venres, día 3 de abril.  

Para acceder ao boletín informativo das vosas fillas e fillos tedes que ter descargada a aplicación AbalarMóbil. Será a única forma de acceder aos boletíns de cualificacións.

 Agardando que todos e todas esteades ben, recibide un cordial saúdo.

 

As familias que aínda non a teñan descargada poden facelo seguindo as instrucións que se recollen na seguinte ligazón: 

 

FELIZ CUMPREANOS!

ESTE VIRUS NON NOS VAI DEIXAR SEN FESTA. HOXE ESTÁ DE CUMPREANOS...

 

Rubén Ogando Fernández(5ºPrim.)

y

Saray Expósito Seara(3º Prim.) 

 

 

 

   FELICIDADES AOS DOUS! 

SE COÑECES AO PROTAGONISTA NON TE ESQUEZAS DE DEIXARLLE OS TEUS PARABENS NOS COMENTARIOS.

 

COMUNICACIÓN ÁS FAMILIAS

Estimadas familias:

Chegados ao final desta primeira semana de suspensión de clases, desde o CEIP Vistahermosa queremos facer chegar a todos as seguintes reflexións:

En primeiro lugar, e antes de nada, desexar que todos esteades BEN! MOI BEN!, nenos, nenas, familias, avoas, avós, amizades, veciñanza…; estas primeiras liñas levan as nosas apertas e os nosos ánimos, que aínda sendo virtuais, agardamos cheguen ata cada un dos vosos fogares.

En segundo lugar, o claustro do CEIP Vistahermosa é perfectamente consciente do anómalo da situación que todos estamos a vivir e por iso, queremos mandar unha mensaxe de calma e tranquilidade, tanto ao alumnado como ás súas familias.

As mestras e mestres sabemos que non é sinxelo adaptarse a unha situación sobrevida nun espazo tan corto de tempo e somos conscientes, porque así nolo estades facendo chegar a través das vosas mensaxes, das inquedanzas, dificultades e temores en relación á situación “académica” das vosas fillas e fillos. Pois ben, desde aquí recordamos, e insistiremos as veces que faga falta, no seguinte:       

As actividades enviadas polo profesorado están pensadas para realizar de xeito gradual e ao ritmo que cada alumno sexa quen de levar; sen présas, sen prazos, sen presións. Non son clases presenciais, nin sequera son clases a distancia, non podemos pretender, nin nós, nin vós, que os alumnos leven o ritmo das cinco horas que pasaban no colexio. Non! E non o pretendemos porque temos en conta que non todas as alumnas e os alumnos poden acceder nas mesmas condicións e cos mesmos recursos á tecnoloxía, que non todas as familias están a vivir o día a día do mesmo xeito, que cada un de nós e de vós afronta esta situación desde posicións ben diferentes…

As actividades non son avaliables, ninguén vai quedar atrás por non facer este ou aqueloutro exercicio de lingua, ninguén vai levar nota por facer máis ou menos problemas de matemáticas, non se vai acabar o mundo por no ter feito un mapa de sociais… Non queremos que vos sintades presionados por estas cuestións académicas nestes días tan complexos. Non hai motivo.  

As actividades enviadas tédelas que tomar como unha forma de manter o contacto coa escola, de manterse activos, de seguir, dalgún xeito, conectados coa realidade que deixamos fai uns días. Non vos sintades agobiados pola súa cantidade e diversidade, ese é o obxectivo; tentar chegar a todas as realidades e cubrir todas as necesidades do mellor xeito posible. Hai, e haberá, actividades e propostas de todo tipo, non só académicas. Por favor, tomádeas como o que son; máis unha axuda que unha obriga, máis unha guía que un plan pechado a seguir.     

Tamén queremos lembrar que hai actividades que serven para calquera materia e que ademais non dependen de medios tecnolóxicos: a lectura, a música, o cine, os xogos de mesa, a conversa coa familia, etc. Todas elas son actividades formativas de gran valor; ao igual que as tarefas relacionadas coa autonomía persoal e o fogar: estamos ante unha oportunidade de que as nosas alumnas e os noso alumnos, se non o fan xa, colaboren activamente na cociña, limpeza e orde da casa, da roupa (lavadora e pasar o ferro), etc.

E xa por último, desexamos saír desta situación o antes posible e volver á normalidade, por iso animámosvos a todas e a todos a cumprir coas normas das autoridades sanitarias, esto si é imprescindible, si é unha obriga de todos, porque só entre todos o poderemos lograr.

Recibide das mestras e mestres as nosas máis sinceras apertas!

ÁNIMO!

#EUQUEDONACASA  #QUEDANACASA

CIRCULAR INFORMATIVA COVID-19 (actualizada 14:52 horas)

CIRCULAR INFORMATIVA COVID-19

SUSPENSIÓN DE TODAS AS ACTIVIDADES LECTIVAS E EXTRAESCOLARES NOS PRÓXIMOS CATORCE DÍAS. SE É POSIBLE A PARTIR DE MAÑÁ.

Estimadas familias:

A Xunta de Galicia ven de anunciar a suspensión da actividade lectiva en todos os centros educativos da comunidade autónoma galega. 

Mañá, día 13 de marzo, os centros ainda permanecerán abertos pero, recoméndase ás familias non levar aos alumnos e alumnas. Dende o vindeiro luns, día 16 de marzo, os centros pecharán as súas portas durante catorce días.

As actividades extraescolares de hoxe seguirán o mesmo criterio do día de mañá: o centro permanecerá aberto e os monitores e profesorado de garda en activo pero, a asistencia do alumnado quedará a criterio das familias.

Mañá, día 13 de marzo, o servizo de trasnporte realizará a súa ruta habitual. 

 

Mantéñanse informados das novidades que vaian xurdindo a través da paxina web do centro, da aplicación AbalarMobil ou ben da nosa páxina en Facebook. 

Información Coronavirus

Con calma e sen alarmar, fala cos nenos e nenas sobre o coronavirus e lémbralle estas pautas sinxelas de hixiene:

  • Lavar as mans frecuentemente con xabón.
  • Cubrir a boca e o nariz ao toser co antebrazo.
  • Empregar panos desechables.


Se precisas máis información acode ás canles oficiais.

https://www.mscbs.gob.es/

https://www.sergas.es/

 

 

Distribuir contido


by Dr. Radut