NOVEMBRO, MES DA CIENCIA
A AVESPA AUTÓCTONA
As avespas son, posiblemente, un dos insectos máis temidos polos seus zunidos furiosos e polas picaduras que nos dán cando se sinten ameazadas. Imos coñecelas mellor para ter unha idea máis real da importancia destes insectos que poden vivir de xeito solitario ou en sociedades.
- Constrúen os niños mastigando fibras de madeira que mesturadas coa saliva converten nunha pasta de celulosa, como o papel maché.
- As avespas poden picar repetidas veces. Só as femias teñen aguillón, que son en realidade órganos de ovulación modificados.
- Xogan un papel importantísimo como controladoras de plagas, son un insecticida ecolóxico, sobre todo para protexer os cultivos.
- Poden cazar durante o voo ou en reposo.
- Son un elemento esencial na cadea alimentaria do ecosistema, xa que serven de alimento a outras especies e son polinizadoras.
A AVESPA ASIÁTICA
A avespa asiática, é unha das especies máis invasoras do mundo, chegou a España no 2010 e estase a converter nunha plaga que supón unha ameaza para a biodiversidade, a saúde e a apicultura.
NIÑO DE AVESPA ASIÁTICA NO CEIP VISTAHERMOSA
O venres, Aitana trouxo un niño retirado da zona do Seminario en moi bo estado. Puidemos ver o traballo de enxeñería destes insectos, á vez que descubriamos información relevante sobre esta especie invasora.
Buscamos información na internet, elaboramos unha ficha con datos relevantes e realizamos traballos de investigación sobre este insecto: características físicas, reprodución, dieta, perigosidade, depredadores...
Traballos presentados polo alumnado de 6º EP:
- A avespa velutina. Uxía V.V.
- Fungos para combater a avespa asiática. Martín R.P.
- Caracterísiticas das avespas asiáticas. Aitana F.G.
- Avespa asiática vs avespa galega. Uxía G.L.
- As avespas velutinas. A raíña. Aitor F.I.
- A avespa asiática. Alimentación, Reprodución e hábitat. Aldara D.
- Cartaz Vespa Velutina. Uxía L.
- Avespas asiáticas. Zoe I.M.
Fontes consultadas