Outras actividades

Graduación 6ºEI e 6ºEP

Ven, 2024-06-21 00:00 — cris

O pasado venres 21 celebrouse no noso cole a graduación dos maiores das dúas etapas educativas.

Unha xornada moi emocionante onde non faltaros antigos mestres, familiares, amigos, agasallos, música, globos e bailes.

O pasado 5 de abril o alumnado de 4º de Primaria recibiu a visita do hixienista dental do noso centro de saúde de referencia para realizar un OBRADOIRO DE HIXIENE BUCODENTAL, onde aprenderon sobre os bos hábitos e o coidado dos seus dentes.

Charlas Educación Civico Tributaria

Xov, 2024-02-22 14:40 — cris

Onte recibimos a visita do persoal da Axencia Estatal da Administración Tributaria que impartiu unha pequena charla sobre o que son os impostos e para que serven. Todo adaptado ao nivel das nenas e nenos e ambientado nun conto.

Consistiu nunha sesión de educación cívico tributaria na que puido participar o alumnado de 3º, 4º,5º e 6º de Primaria.

OBRADOIRO DE XOGOS POPULARES

Mér, 2024-02-07 12:13 — cris

O luns as rapazas e rapaces de 6º puideron disfrutar do XIX Obradoiro de Xogos Populares e Tradicionais ofertado polo CCP Xaquín Lourenzo e a Deputación de Ourense.

Unha actividade na que xa imos participando dende hai anos e que nunca defrauda.

Este ano practicaron con aros, zancos, peóns e outros xogos tradicionais da cultura galega.

TOCA NA IMAXE PARA VER MÁIS FOTOS

"Garavanciño come saniño"

Ven, 2024-01-26 17:46 — cris

O mércores 24 de xaneiro ás rapazas e rapaces de 1º de Primaria recibiron a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.

O RELOXO SINCOPADO

Mar, 2024-01-23 15:08 — salial

O mundo é grande. Canción para o día da Paz

A música é de Leroy Anderson "O reloxo sincopado" e a letra de Tomi López

Proposta didáctica:

Estrutura da canción: AA'BCAA'

PARTE A: Sentados en círculo, cunha goma na man dereita, pasala á compañeira/o que está á esquerda.

PARTE A': Cambiar a goma de man e pasar a pelota a quen estea sentado á nosa dereita.

PARTE B: Coller a goma e cambiala de man.

PARTE C- instrumental. Acompañar a canción con instrumentos de percusión de metal. Diferenciar os sons longos e curtos.

MÚSICA E MOVEMENTO: XOGAMOS CO PARACAÍDAS

Alumnado de 5º de Educación Infantil

Campionato provincial de cros escolar

Dom, 2023-12-17 00:39 — cris

Hoxe fómonos a Ribadavia para competir na fase provincial de cros escolar.

Tres foron os nosos representantes, Laura González (5º), Míkel Hernádez (5º) e Saúl Rubín (4º), que non o puideron facer millor, estupendas marcas para os tres.

Unha xornada fría e con moita néboa que souberon combater con gran esforzo, ánimo e actitude.

NORABOA AOS TRES!!!

Moitas grazas ás familias pola vosa axuda e interés.

A próxima cita será o 13 de xaneiro no campionato galego para o q se clasificou Laura.