Skip to Content

Ciencias da Natureza

Observación dos órganos do aparato respiratorio e do circulatorio dun cordeiro

Con esta actividade as rapazas e rapaces de 6º observarán

  • Os órganos do aparato respiratorio: tráquea, bronquios, bronquíolos, lóbulos dos pulmóns.
  • A anatomía externa e interna do corazón (cavidades, grosor das paredes) e vasos sanguíneos.

disección de pulmóns e corazón

Desenvolvemento da actividade na Aula Virtual: Disección de pulmóns e do corazón

 

Disección dun peixe

Con esta experiencia coñeceremos mellor a anatomía externa e interna dun peixe. Neste caso dunha lubina.
Actividade publicada na Aula Virtual:
 

A ciencia de facerse preguntas

Obradoiro de ciencias con experimentos fáciles e divertidos na clase de 6º de EP.

Buscamos as respostas na ciencia con estes experimentos sinxelos que deronn respostas á: 

mes de novembro, mes da ciencia

1. Alessandro Volta, creou a primeira pila

Como se xenera a electricidade?

2. A tensións superficial da auga

Cantas gotas de auga caben nunha moeda?

3. A  Presión atmosférica

Por que non cae a auga?

4. A densidade non só depende do peso

Hai que pesar pouco para flotar?

 5. A solubilidade da auga segundo a súa temperatura

Corre, corre que te queimas!

7. Fluído non newtoniano

Sólido ou líquido? 

9. O volume dos gases

Canto espazo ocupa o osíxeno dun vaso?

   

6. O Xabón rompe a tensión superficial

Como limpa o xabón?

8. Electricidade estática

Que gañan e que perden?

10.Lámpada de lava

Burbullas de cores con moita marcha

  

Libro guía: "Experimentos. Os segredos da auga" Ed. SM

Curso Práctico de Primeiros Auxilios

CIENCIA E SAÚDE

mes da cienciaÉ importante ter uns coñecementos básicos en primeiros auxilios para actuar con rapidez e con eficacia para poder salvar unha vida.


O alumnado de 4º curso pon en práctica diferentes protocolos de actuación para axudar a un accidentado/a nas situacións de emerxencia máis habituais.

Aprendices de científicas/os

Experimentos de ciencias en 3º curso

-Identificamos as características dos seres vivos mediante a observación directa utilizando distintas claves de clasificación.

-Plantamos distintas sementes, con situacións ambientais diferentes, con luz e auga en algodóns ou envoltas sen en papel húmido dentro dun paquetiño de papel albal. Todas as sementes xerminaron e fixemos unha plantación na clase.

-O ciclo da auga. Puidemos observar o camiño da auga nunha botella e sacamos conclusións moi interesantes da auga evaporada e despois condensada que cae en forma de gotiñas na terra e rega a planta.

Nadal SOStible

#TempoDeActuar COP25

CEIP Vistahermosa, Decembro de 2019

Estes son os compromisos, consignas e accións que imos levar a cabo, na escola e na casa, para loitar contra o Cambio Climático.

-Regala agasallos que non sexan destrutivos para o planeta: Invitacións para ir ao cine, a dar un paseo ou a coñecer o teu pobo; un vale por un abrazo, para unha clase de algo ou unha tarde de amig@s. 

-Compra produtos locais: artesanía creativa, cousas feitas con amor. Se o fas ti mesma/o, terá máis valor. En envoltorios ecolóxicos, sen bolsas!  

Propoñer ás/aos dirixentes do concello as seguintes accións para encarar a emerxencia climática que con leva a degradación ambiental, a perda de Biodiversidade, maiores desigualdades: pobreza enerxética, fame, escaseza de auga... Na nosa cidade poderíase:

- Restrinxir a circulación de automóbiles na cidade, creando zonas de aparcamentos ás entradas e contando con boa comunicación de transportes públicos.

- Aproveitar a enerxía xeotérmica das augas termais para o uso de calefacción das escolas da zona, entre as que nos atoparíamos nós.

- Manter limpos os montes, aproveitando os residuos forestais como combustible,  biomasa, para a calefacción de moitos fogares. Os beneficios ambientais e sociais serían moitos: reduciríase a contaminación por transporte de combustible, evitaríanse incendios e crearíase emprego.

- Por máquinas que recollan envases a cambio de diñeiro.

- Re utilizar as augas grises que proveñen dos fogares e da chuvia para limpar as rúas, regar e incluso para reusar directamente nos váteres.

- Repoboar os bosques queimados con especies autóctonas coma o carballo, a sobreira e o castiñeiro, protexéndoos de especies invasoras que os danan.

- Promover a colocación de paneis solares nas vivendas.

Acordamos remitir unha carta ao alcalde coas nosas propostas para lograr unha cidade máis ecolóxica e sostible. CARTA AO ALCALDE

A carricanta, un insecto que canta

Temos a clase de 6º motivada co proxecto dos animais. Cando atopan un animaliño, preguntan se o poden traer e presentalo na clase. Como requisito pídeselle que elaboren unha ficha científica do animal e que a presenten na clase. 

carricanta

Hoxe vimos unha chicharra de preto. Laura, trouxo á clase unha carricanta, cantariña, chicharra, cigarra, catarresa...

mes da ciencia en galegoAxudouse dunha ficha que traía elaborada no Google docs, Ficha descritiva da Chicharra, para facela presenación. Mentres, As compañeiras/os ían observando o insecto, tomaban nota e facían debuxos. 

Trala presentación observámola cunha lupa binocular.

Creo recordar un dito popular que se lle dicía a chicharra mentres cantaba nos calorosos días de verán: "catarresa pon a mesa, que está o pan na artesa"

Disección dunha dourada

mes da ciencia

NOVEMBRO, MES DA CIENCIA

Vemos peixes na peixería, no prato, no mar e no río, nos acuario, nas páxinas dos libros, en internet... Pero poucas veces temos a oportunidade de coñecer de preto a súa anatomía. Hoxe na clase de CCNN de 6º de primaria descubrimos con todo detalle unha dourada. 

A dourada é un peixe con esqueleto interno formado por óso, pertence ao grupo de peixes óseos.

En 6º traballamos estes contidos e hoxe ímolos reforzar diseccionando un peixe. 

A Dourada é prateada pero ten unha unha franxa dourada na parte superior dos ollos, de aí o nome.

 Fotos: Aitana F.

Animais sorprendentes: As avespas

NOVEMBRO, MES DA CIENCIA

A AVESPA AUTÓCTONA

wikipedia

As avespas son, posiblemente, un dos insectos máis temidos polos seus zunidos furiosos e polas picaduras que nos dán cando se sinten ameazadas. Imos coñecelas mellor para ter unha idea máis real da importancia destes insectos que poden vivir de xeito solitario ou en sociedades. 

  • Constrúen os niños mastigando fibras de madeira que mesturadas coa saliva converten nunha pasta de celulosa, como o papel maché.

  • As avespas poden picar repetidas veces. Só as femias teñen aguillón, que son en realidade órganos de ovulación modificados. 
  • Xogan un papel importantísimo como controladoras de plagas, son un insecticida ecolóxico, sobre todo para protexer os cultivos.
  • Poden cazar durante o voo ou en reposo.
  • Son un elemento esencial na cadea alimentaria do ecosistema, xa que serven de alimento a outras especies e son polinizadoras.

A AVESPA ASIÁTICA

A avespa asiática, é unha das especies máis invasoras do mundo, chegou a España no 2010 e estase a converter nunha plaga que supón unha ameaza para a biodiversidade, a saúde e a apicultura. 

 niño velutinaNIÑO DE AVESPA ASIÁTICA NO CEIP VISTAHERMOSA

O venres, Aitana trouxo un niño retirado da zona do Seminario en moi bo estado. Puidemos ver o traballo de enxeñería destes insectos, á vez que descubriamos información relevante sobre esta especie invasora.

Buscamos información na internet, elaboramos unha ficha con datos relevantes e realizamos traballos de investigación sobre este insecto: características físicas, reprodución, dieta, perigosidade, depredadores...

Traballos presentados polo alumnado de 6º EP:

niño de velutina

Fontes consultadas

https://www.nationalgeographic.es/animales/avispas

Aprendizaxe cooperativa: os mofos

mes da cienciaNOVEMBRO, MES DA CIENCIA

Na clase de 5º estudamos a clasificación de seres vivos en 5 reinos. Observamos seres unicelulares que viven nunha gota de auga encharcada protozoos e algas.

E Tamén os fungos, vivimos rodeados de fungos, seres vivos descompoñedores. Usámolos na fabricación de alimentos, como alimento, na preparación de antibióticos. Hainos parasitos, velenosos ou que provocan enfermidades ou destrución de colleitas.

Ante tanta variedade fixémonos unha idea da importancia dos fungos nas nosas vidas e na biosfera e o alumnado trouxo á clase mofos, liques... para observalos.

Delia R. sorprendeunos co seu mofo. Trouxo queixo azul, un alimento que está feito cun tipo de fungo. Moitos rapaces non o coñecían nin o uliran e varios non o probaran nunca.

Despois de asegurarnos que non había alerxias alimentarias, fixemos unha cata de queixo. Puxemos todos os nosos sentidos a proba. Non todos quixeron probar, pero si cheirar e ver a cor e a textura. As  fotos mostran o éxito da experiencia...

Delia trouxo tamén unhas rebandas de pan para facer uns pinchiños ben saborosos.cata de queixo azul

Investigamos e descubrimos que o queixo azul faise grazas ao mofo Penicillium roqueforti que pertence a unha variedade de mofo, do que se obtén o antibiótico penicilina. 

A diferenza doutros mofos este non é perigoso para o ser humano, a industria alimentaria emprégao dende hai varios séculos para producir queixos azuis, sendo o responsable da súa cor, olor e sabor. 

Distribuir contido


by Dr. Radut