Skip to Content

Así brilla o Nadal

O 20 de decembro celebramos o fin do trimestre cun feiticeiro festival de Nadal: Contos e cantos, danzas, teatro e moito máis. Na seguinte presentación podedes ver unha selección de imaxes entrañables.

Gracias por celebrar con nós e Feliz Aninovo!

Festival de Nadal 2019

NadalInvitámosvos ao Festival de Nadal que terá lugar o próximo venres día 20 de decembro ás 11 da mañá.
 
Música, baile, teatro... emoción, ilusión e moitas ganas de facelo ben e sorprendervos. Gustaríanos que compartísedes con todos nós esta celebración, o programa é o seguinte: 
 
Educación Infantil
3 anos: MasterClass para inaugurar o Nadal
4 anos: "Corre, corre cabaciña"
5 anos: "A cebra Camila"
Educación Primaria
1º e 2º: "Buscando unha estrela" do disco    "O Quiquiriqui"
"Romance das noitiñas de Nadal"
3º: A Bailar! Jingle Bells.
Carta aos Reis Magos.
Panxoliña: "O meu caraveliño"
4º: No teatro, "Unha consulta accidentada"
5º: Panxoliña instrumental: O tamborileiro.
6º: The First Noel.
                 

Nadal SOStible

#TempoDeActuar COP25

CEIP Vistahermosa, Decembro de 2019

Estes son os compromisos, consignas e accións que imos levar a cabo, na escola e na casa, para loitar contra o Cambio Climático.

-Regala agasallos que non sexan destrutivos para o planeta: Invitacións para ir ao cine, a dar un paseo ou a coñecer o teu pobo; un vale por un abrazo, para unha clase de algo ou unha tarde de amig@s. 

-Compra produtos locais: artesanía creativa, cousas feitas con amor. Se o fas ti mesma/o, terá máis valor. En envoltorios ecolóxicos, sen bolsas!  

Propoñer ás/aos dirixentes do concello as seguintes accións para encarar a emerxencia climática que con leva a degradación ambiental, a perda de Biodiversidade, maiores desigualdades: pobreza enerxética, fame, escaseza de auga... Na nosa cidade poderíase:

- Restrinxir a circulación de automóbiles na cidade, creando zonas de aparcamentos ás entradas e contando con boa comunicación de transportes públicos.

- Aproveitar a enerxía xeotérmica das augas termais para o uso de calefacción das escolas da zona, entre as que nos atoparíamos nós.

- Manter limpos os montes, aproveitando os residuos forestais como combustible,  biomasa, para a calefacción de moitos fogares. Os beneficios ambientais e sociais serían moitos: reduciríase a contaminación por transporte de combustible, evitaríanse incendios e crearíase emprego.

- Por máquinas que recollan envases a cambio de diñeiro.

- Re utilizar as augas grises que proveñen dos fogares e da chuvia para limpar as rúas, regar e incluso para reusar directamente nos váteres.

- Repoboar os bosques queimados con especies autóctonas coma o carballo, a sobreira e o castiñeiro, protexéndoos de especies invasoras que os danan.

- Promover a colocación de paneis solares nas vivendas.

Acordamos remitir unha carta ao alcalde coas nosas propostas para lograr unha cidade máis ecolóxica e sostible. CARTA AO ALCALDE

FASE COMARCAL DE CAMPO A TRAVÉS ESCOLAR

Xornada organizada pola Secretaría Xeral para o Deporte que contou coa participación de 13 centros educativos. O CEIP Vistahermosa foi representado por 39 rapazas e rapaces.

Mañá chea de nervios, medos, emocións, convivencia e deportividade.

Destacar o grandísimo esforzo das nenas e nenos debido á esixencia desta proba e en moitos casos a ser a primeira vez que participabamos nalgo parecido.

Con este tipo de actividades preténdese achegar ao alumnado novas experiencias deportivas e motivalo á práctica das mesmas.

Noraboa a todas e a todos

 

Exposición de Portais de Belén

Exposición de Portais de Belén realizados polo alumnado de relixión de 1º curso  de educación primaria.

exposición

AbalarMóbil

 

 

Estimadas familias:

      O CEIP Vistahermosa, coa finalidade de aumentar o acercamento entre o profesorado e as familias, quere dar un pulo á aplicación AbalarMóbil. Trátase dunha aplicación que permite ás familias consultar a información dos seus fillos/as a través do teléfono móbil de  forma inmediata.

As familias que descarguen abalarMóbil disporán entre outras das seguintes funcionalidades: 

 

•Consultar e xustificar as faltas de asistencia.

• Solicitar unha cita de titoría.

•Consultar os avisos ou notificacións por parte do profesorado ou do centro educativo.

 

 

A descarga desta aplicación faise dende Apple store (se o sistema operativo é IOS) ou dende Play Store (se o sistema operativo é Android). Pode capturar os seguintes códigos QR para levar a cabo a descarga.

 

       

 

 

 Descarga a guía para as familias

premendo na seguinte ligazón

 

https://www.edu.xunta.es/espazoAbalar/sites/espazoAbalar/files/guia_familias_-_novo_espazoabalar_galegov2.2.pdf

 

Se xa estades a usar AbalarMóbil non é necesario facer nada mais. Pode darse de alta como pai/nai/titor legal. Nigún outro parentesco é válido.

Para calquera dúbida e/ou problema coa descarga da App poden dirixirse ao centro onde serán solventadas todas as incidencias. 

 

 

 

 

 

Que ninguén che corte as ás

#25 N Día Internacional contra a Violencia de Xénero

Todo o colexio, desde infantil a primaria asistiu por sesións organizadas á Biblioteca para xogar cos escornabots nos taboleiros da Igualdade.
Xogos e actividades que invitan á reflexión para romper con estereotipos e camiñar cara a IGUALDADE.Que ninguén che corte as ás

25N Día internacional contra a violencia de xénero

Que ninguén che corte as ás

Actividades escornabóticas para derribar roles e estereotipos. 

* Nivel Infantil e Primaria

Tras ver o vídeo de “O libro dos porcos” propóñenselle varios xogos a partir do taboleiro: identificar situacións que aparecen no conto, ordenar a historia, realizar diferentes itinerarios polo taboleiro.  

* Nivel Primaria

Necesitades un escornabot, un dado, e tantas fichas como xogadores/equipos xoguen.
contos igualdade

 

Antes de xogar: Ler a selección de contos  con temática inclusiva e de igualdade propostos. Pídeselle ao alumnado que escriba unha pequena reseña sobre cada un. 

 

Como se xoga? Repártense as tarxetas das reseñas e cada xogador/a terá que identificar o libro e levar o escornabot a cela correspondente

 * Nivel 4º, 5º e 6º de Primaria

A OCA DA IGUALDADE 

Este taboleiro xógase ao estilo xogo da oca. As respostas son abertas, as  opinións contan, agás na cela 5 que só ten unha resposta correcta. Se non acertades, retrocederedes ao principio. Para gañar teredes que caer na cela 11 e responder a pregunta quen é Malala? Se non o sabedes volveredes á saída.

Instrucións

oca da igualdade

Blog da biblio: A sombra do érbedo. 

Día Mundial da Infancia. A importancia da educación

#20 N, DÍA MUNDIAL DA INFANCIA

 

As Alumnas/os de 6º de primaria, distribuíronse en grupos para lerlles o discurso de Malala Yousafzai ás nenas/os de primaria. 

Que as aulas baleiras, a infancia perdida ou o potencial desperdiciado, se acaben connosco.

Que sexa a última vez que unha nena ou un neno pase a súa nenez nunha fábrica.

Que sexa a última vez que unha nena se vexa forzada a un matrimonio temperán.

Que sexa a última vez que unha nena/o inocente perda a vida nunha guerra.

Que sexa a última vez que unha aula quede baleira.

Que sexa a última vez que se lle diga a unha nena que a educación é un delito e non un dereito.

Malala Yousafzai

No vídeo,  Uxía, Zoe, Aarón e Héctor, lenlles  ás rapazas e rapaces de 1º EP.  “Un neno/a, un mestre/a, unha pluma e un libro, poden cambiar o mundo”.  

Discurso de Malala Yousafzai 

Distribuir contido


by Dr. Radut