Skip to Content

Primavera poética

O 21 de marzo celebramos o día da poesía. 

primavera poetica. Sombradoérbedo

Primavera Poética recolle os versos de  Manuel María e Antonio García Teijeiro, que os alumnos/as escribiron nas folliñas da roseira que decora a nosa biblioteca.

Eliximos a Manuel María en homenaxe ao cincuenta aniversario do  seu libro de poesía infantil: "Soños na Gaiola"  e a  Manuel García Teijeiro, por obter  o premio Nacional de Literatura infantil e xuvenil pola obra: "Poemar o mar"

primavera poética

Alumnos/as de 6º de primaria, 4º e 6º de infantil

Alumnos/as de 5º e 1º de primaria

Alumnos/as de 4º de infantil e 4º de primaria

Alumnos de 3º e 2º de primaria  

Actividade completa no blog da Biblioteca escolar A sombra do érbedo.

Enquisas Sociolingüísticas

     Enquisas sociolingüísticas 2017/2018  

Esta é unha enquisa para coñecer a situación da lingua galega no colexio e contorna. As contestacións son confidenciais, non se recompilan datos individuais.
Pedimos un esforzo de sinceridade nas respostas.
Procuramos que a linguaxe empregada non sexa sexista polo que, menos onde se indique xénero, nos referiremos a PERSOAS. Así mesmo, nos referimos a "persoas proxenitoras" en lugar do clásico nai/pai de acordo coa normativa (Orde JUS/568/2006, de 8 de febreiro).
MOITAS GRAZAS

logo cole

 

 

Mulleres

Mulleres brillantes

Mural con biografías e retratos dalgunhas mulleres que teñen e/ou tiveron un papel relevante nas artes, na ciencia, nos medios, no deporte...  

Os alumnos/as de 6º de EP realizaron esta actividade de xeito interdisciplinar nas áreas de CCNN, LG, Música e Plástica con motivo do día da 0 discriminación (1 de marzo) e do día Internacional da muller (8 de marzo)

Colaboracións->  Equipo Biblioteca e alumnos/as de 4º e de 2º EP

Debuxo portada: Belén Forneiro

Blog da biblioteca escolar - A SOMBRA DO ERBEDO - Día Internacional da Muller

Fontes consultadas:

A Voz de Galicia. As 100 mulleres galegas que deberías coñecer

Huffpost. Tendencias. Nove inventos que non sabías que eran de mulleres. Cuns debuxos moi interesantes.

E se neva... que neve!

neve collage

 

Hoxe o día agasallounos cunhas poucas folerpas, que revolucionaron a clase de infantil.

Foi tal o éxito, que queremos compartir esta actividade con todos vós.

 Titorial para construír un auténtico boneco de neve: 

1. Necesítase neve

Esta vez a cantidade era escasa, pero todo é adaptarse.

2. Hai que experimentar con ela:

Está moooi fría, case que facían falla unhas manoplas! 

Anotade aí: Olor, cor, sabor... Profe, profe, pódese probar???

Ups!! Parece que se derrete...

3. Poñámonos a darlle forma canto antes!

4. Que máis imos a necesitarrrr?

A vasoira nunca pode faltar

Un sombreiro e unha bufanda para que non pase frío.

Ah!! Temos que porlle un nariz de cenoria e tamén uns ollos. 

Isto hai que inmortalizalo!

neve 1

neve 2

 

 

Rosalía

Buscas a Rosalía? Agárdate na entrada do cole, quere agasallarte con debuxos, poemas, cantigas, caligramas... 

Atentos/as aos mandadiños do meco ;-)

Atentos/as que é acumulativo

meco

Luns día 5: Gafas de sol

Martes día 6: Gafas de sol e algo na cabeza

Mércores día 7: Gafas de sol, algo na cabeza e no pescozo.

Xoves día 8: Gafas de sol, algo na cabeza e no pescozo e un mandil na cintura.

Venres día 9: Disfraz libre

Dálle voz á Paz

Hoxe, día  Escolar da Paz e da Non violencia, reunímonos todos/as para darlle Voz á Paz. 

Dálle VOZ á Paz from Ceip Vistafermosa on Vimeo.

Este é o Manifesto que escribiron os rapaces e rapazas de 6º no Obradoiro de escritura creativa en Lingua Galega. 

Dálle cor á Paz

mural da paz

 Este é o mural colaborativo que montamos na entrada do cole.

Romero Britto

 

Animábanos a ir engadindo teselas, para que seguise medrando e enchéndose de cor.

 Só había un requisito: "Intentar manter o estilo de Romero Britto"

Romero Britto É un pintor e escultor brasileño que combina o graffiti, elementos do cubismo e da arte pop.

 

 

mBotrato

Polos Camiños da Paz.

Proxecto: mBotrato

Para conmemorar este día baixamos aos nosos pequenos mBots á entrada do cole para que de xeito incansable percorreran os camiños da paz. Déronnos moi bo exemplo, aínda que algún desorientábase por momentos e había que axudarlle un chisquiño. Como a vida mesma!!

 

Reto: Programar o mBot para que  seguise unha liña  branca, entoase o Himno da  Alegría de Beethoven e mostrase na patalla de LED diversos textos e/ou expresións.

Construímos o circuíto sobre un fondo negro con cinta illante branca.

mBotrato from Ceip Vistafermosa on Vimeo.

Curso de Robótica e Programación: Aula Virtual do CEIP VISTAHERMOSA

Viaxamos a Xapón

Este proxecto parte da biblioteca escolar co obxectivo de achegarlle aos rapaces a cultura xaponesa. 

Cada pobo, cada cultura ten as súas tradicións e manifestacións literarias. Algunhas son comúns a todos os pobos do mundo, como os contos, as lendas, os arrolos,...; outras son propias dun lugar concreto.

Un haiku é un poema breve de orixe xaponesa que emprega unha linguaxe sensorial e trata de evocar no lector, unha imaxe ou un sentimento. 

Métrica: ten tres versos sen rima de 5, 7, 5 sílabas.

A temática: a natureza, un momento especial, as estacións, unha experiencia marabillosa...

 

Fontes consultadas:

http://asombradoerbedo.blogspot.com.es/2017/12/viaxamos-xapon.html

Lingua 6. Ed Anaya Dixital

https://es.wikihow.com/escribir-haiku

Distribuir contido


by Dr. Radut