Skip to Content

VISITA: "HORTO URBÁN"

Os alumnos/as de 6º de infantil visitaron o "Horto Urbán", para participar na actividade programada polo concello de Ourense: Cultivando alimentos.

Este horto está ubicado na zona de Mariñamansa,  onde cultivan os veciños/as. Estivemos moi atentos/as ás explicacións da monitora sobre: Plantas mediciñais, como se traballa un horto e que plantar no horto. Despois realizamos un taller de plantación.

Pasamos unha maña divertida en faena agrícola. 

                              

Obxectos Perdidos

 

Ponse en marcha unha nova sección na nosa web; obxectos perdidos. Clicando na icona da barra lateral esquerda da nosa web poderá acceder aos obxectos perdidos que se atopan na conserxería do colexio.

 

Obxectos Perdidos

Relación de obxectos perdidos durante o curso 2018/2019 e principios do 2019/2020.

Unha vez recoñecido o obxecto que lles pertenza terán que pasar pola conserxería do centro para recuperalo.

 

 

Biólogos por unha mañá

Este martes 3 de xuño o alumnado de terceiro acudiu á Aula da Natureza de Oira para participar na actividade “Caderno de campo”, da man de Stella Estrada, da Concellaría de educación de Ourense.

O primeiro que fixeron foi aprender a distinguir entre ver e mirar, co obxectivo de facer un estudio polo miúdo dunha árbore autóctona: o carballo ou Quercus robur, como di a comunidade científica.

Descubriron que era aquilo das familias das árbores, analizaron as súas particulariedades e puxeron en acción todo o aprendido no propio bosque forestal de Oira.

Foi unha xornada moi motivante  que os deixou con gañas de seguir investigando! Aula da natureza

Axudas libros de texto curso 2019/2020

 A Orde do 3 de maio de 2019 regula a participación no fondo solidario de libros de texto e convoca axudas para adquirir libros de texto e material escolar destinadas ao alumnado matriculado en Educación Primaria para o curso escolar 2019/2020.

Este curso só recibirá vales de axuda para libros de texto o alumnado de 1 º e 2º de Educación Primaria.

O alumnado de 3º, 4º, 5º e 6º de Educación Primaria terá que solicitar libros dos que existan nos fondos do colexio.

 

Prazo para presentar as solicitudes


  • O prazo para presentar solicitudes rematará o día 21 de xuño de 2019 (incluído).

 As ordes e a documentación:

 


LISTAXE PROVISIONAL DE ADXUDICACIÓN DO FONDO DE LIBROS 2019/20


  • Listaxe provisional de nº de libros adxudicados ao alumnado.
  • Listaxe provisional de solicitudes excluídas. 

LISTAXE DEFINITIVA DE ADXUDICACIÓN DO FONDO DE LIBROS 2019/20


  •  Listaxe definitiva premendo aquí.
  • Relación de alumnado excluído. 

Nos seguintes documentos pdf poderedes descargar a lista de libros para o curso 2018/2019.


 Relación de libros de texto para o curso 2019/2020 en pdf. 

  • Relación de libros de texto para o curso 2019/2020. A relación será publicada o 15 de xuño.
  • Relación de material para a aula. 

Antón Fraguas. Letras Galegas 2019

Acto das Letras Galegas.

  • Lectura sobre a vida  e traxectoria de Antón Fraguas Fraguas.
  • Interpretación por parte dos alumnos/as de 5º de infantil a lenda  "O Grúfalo" de Julia Donaldson.
  • Canción "Vai sair o tren" de Xoán Curiel. Canta, Miña Pedra, Canta. Homenaxe a Antón Fraguas.
  • "Casamento da pulga".
  • O Himno Galego.

VISITA Á GRANXA KIRIKO

O alumnado de Educación Infantil, xunto coas súas profes, foron de excursión a esta granxa escola situada en Fornelos de Montes (Pontevedra). Co fin de fomentar o contacto coa natureza, disfrutar das actividades programadas como o acercamento aos animais, visita ó horto , plantación de sementes, taller de cociña para facer galletas e xantar nun entorno natural moi agradable

 

Exposición "Leonardo da Vinci: Os rostros do xenio"

Leonardo da Vinci, os rostros do xenio no Pazo das Alfaias en Madrid

Exposición conmemorativa do V centenario do seu falecemento.

De visita cultural:  O martes, día 14 de maio, os rapaces e rapazas de 6º, tiñamos unha cita con Leonardo; unha oportunidade para coñecer ao pintor, escultor, inventor, en definitiva, un home adiantado ao seu tempo.

A parte das súas obras máis coñecidas como son  os cadros de A Adoración dos Magos, Mona Lisa, A Última Cea..., ou O Home de Vitruvio, un estudo sobre a proporción humana;  sorprendéronnos os seus cadernos, cheos de investigacións sobre mecánica, anatomía (debuxos que semellan radiografías do corpo humano), enxeñería militar, topografía, hidráulica...

As páxinas están escritas de dereita a esquerda e en espello "escritura especular",  cheas de debuxos e notas  nas que se aprecia o seu esforzo por entender o funcionamento da natureza e do corpo humano.

Tamén ideou unha serie de inventos como máquinas voadoras (o ornitóptero), o paracaídas, o primeiro traxe de buzo, a hélice, un tambor mecánico... 

No noso percorrido polas distintas salas, atopámonos con Christian Gálvez, comisario da exposición e membro do Leonardo DNA Project como experto mundial na figura de Leonardo da Vinci

Esta actividade pecha o proxecto Viaxamos a Italia, desenvolvido dende a biblioteca do centro durante o 1º trimestre.

Radio Escolar. Antón Fraguas

Podcast dedicado a Antonio Fraguas

durante a gravación

bibliotecas escolares - radio na biblioEsta é a nosa humilde homenaxe a Antón Fraguasescritor, etnógrafo, historiador..., e tamén colaborador da Unión Radio Galicia que é recoñecido este 2019 no Día das Letras Galegas.

Os alumnos/as de 5º EP realizaron un traballo de investigación sobre os Tesouros ocultos de Ourense en relación á auga, ditos, lendas e personaxes máxicos que as habitan.

Coa información recollida elaboramos a escaleta ou guión.

Proxecto colaborativo enfocado a salientar a riqueza do patrimonio material e inmaterial do contorno: traballo de investigación sobre as termas e os personaxes máxicos que habitan os ríos.

Con este arquivo sonoro participamos na Convocatoria do I Concurso de Podcasts - Radio na biblio convocado pola Dirección Xeral de Centros e Recursos Humanos en colaboración coa Radio galega (CRTVG), no contexto do PLAN LIA de Bibliotecas Escolares (Lectura, Información e Aprendizaxe).

Escoita tamén o Podcast sobre NATUREZA E CAMBIO CLIMÁTICO

Fontes consultadas:

http://primaveradasletras.gal/category/fichas-didacticas/

Admisión Alumnado para o vindeiro curso 2019/2020

 

 

 

LISTADO PROVISIONAL DE ADMITIDOS

 

 Todas as solicitudes de admisión presentadas no CEIP Vistahermosa foron admitidas.

PREMA NA LIGAZÓN PARA ACCEDER AO LISTADO

 

Distribuir contido


by Dr. Radut