CEIP VISTAHERMOSA | Benvidos á páxina web do centro.

Coidando o noso pequeno horto

Xov, 2024-06-13 19:57 — cris

E coa chegada do bo tempo púxose en marcha o noso horto: Malas herbas arrincadas, tomates estacados, todo regado e primeiras colleitas.

SAÍDA PRAIA DE SAMIL, infantil

Xov, 2024-06-13 11:12 — isa

Os nenos e nenas de infaltil, desfrutaron coma nunca dun día na praia facendo o que máis lles gusta: xogar coa area e a auga.

Tamén demostráronnos que van crecendo na súa autonomía porque necesitaron moi pouca axuda para as accións cotiás tan importantes como: vestirse, desvestirse, sacar-gardar as cousas na mochila...

Parabens!!

Saída Lodoselo 1º e 2º

Mar, 2024-06-11 22:00 — cris

Hoxe o alumnado de 1º e 2º de Primaria marchou ao Pobo Escola Lodoselo a desfrutar das actividades propostas polo grupo de monitores do CDR O Viso.

Deron de comer aos animais, levaron ás ovellas, visitaron o xardín dos sentidos, fixeron pan, escoitaron contacontos, plantaron a súa arboriña, practicaron xogos populares, pasearon en carro....ademáis de ter unha incrible xornada de convivencia na que comeron e merendaron xuntos.

Un recordo máis para as nenas e nenos do cole que marcharon entusiasmados e voltaron felices cargados de novas experiencias, un bolo de pan e unha pequena arboriña.

FESTA ANPA

Mar, 2024-06-11 12:00 — cris

O ALUMNADO DO COLE BAILA COS DO IES O COUTO

Dom, 2024-06-09 13:58 — salial

O alumnado de primaria do CEIP VISTAHERMOSA, fai un cameo nesta gravación musical co IES O Couto.

A letra é do alumnado de 3º da ESO, a coordinación do proxecto e a montaxe do vídeo é de Olalla Núñez Deza, profesora de música do instituto.

Resulta entrañable e motivador ver no vídeo a distintas xeracións bailando xuntxs.

Música: Cruisin' for a Bruisin' Ross Lynch, Jason Evigan, Grace Phipps

SAÍDA CASTRELO 5º

Mar, 2024-06-04 17:18 — cris

Hoxe o alumnado de 5º marchou de excursión de fin de curso a Castrelo de Miño.

Practicaron diferentes actividades acuáticas: Hidropedal, barco dragón, paddle surf.... comeron xuntos e desfrutaron con diferentes xogos.

Un día completo que esperamos que quede no recordo das rapazas e rapaces.

CONCILIA VERÁN CONCELLO DE OURENSE

Lun, 2024-06-03 14:53 — cris

MÁIS INFORMACIÓN NOS ARQUIVOS ADXUNTOS OU NA PÁXINA DE EDUCACIÓN DO CONCELLO DE OURENSE

MENÚ MES DE XUÑO

Ven, 2024-05-31 14:16 — cris

XOGOS, RITMOS E DANZAS NA PRAZA MAIOR

Mér, 2024-05-29 17:50 — salial

A maxia de aprender xogando

Este mércores o alumnado de 4º de EP participou nunha Xornada divertida compartindo con outros colexios da provincia música, ritmos e diversión.

Arredor de 200 nenas e nenos desfrutaron de dúas horas de xogos musicais, de percusión e danzas organizadas polas súas mestras e mestres de música. Estes son algúns fragmentos con diferentes propostas rítmicas da xornada:

Xornada Musical

Batucada

Can Can de Offenbach

Danza Rusa de Tchaikovsky

Galería de Imaxes da xornada

Esta actividade estivo organizada e dinamizada polo profesorado de música participante no Seminario de FP sobre recursos musicais, subvencionada polo Centro de Formación e Recursos e contou coa colaboración da Área de Educación do Concello.

VISITA AOS MUSEOS DA CORUÑA

Mér, 2024-05-22 14:24 — cris

Hoxe o alumnado de 5º e 6º de Primaria marchou á primeira hora da mañá á Coruña para visitar a Casa das Ciencias, o Planetario, o Acuario e a Torre de Hércules.

Aprendemos unha chea de cousas: que os dinosaurios non se extinguiron, experimentamos coa física sobre todo cos péndulos, co son, descubrimos o electromagnetismo. No acuario desfrutamos enormemente e descubrimos moitas cousas sobre as focas, os tiburóns, o ajolote, as anémonas, as sepias...