CFR Ferrol | Page 29 | Consellería de Cultura, Educación e Universidade

Descarga o programa aquí:

V1402001: I Xornadas de Pedagoxía Musical

Enviado por sinfonia40 a Mér, 18/06/2014 - 14:32

Summary:

Os días 26 e 27 de setembro, terán lugar no Conservatorio Superior de Música de Vigo, as I Xornadas de Pedagoxía Musical, para profesorado de música de todos os niveis educativos e ensinanzas especiais.

Idioma Gallego

Os días 26 e 27 de setembro, terán lugar no Conservatorio Superior de Música de Vigo, as I Xornadas de Pedagoxía Musical, para profesorado de música de todos os niveis educativos e ensinanzas especiais.

I Xornadas de Pedagoxía Musical

Plans de formación permanente do profesorado que se van implantar en centros educativos públicos dependentes desta consellería no curso 2014/2015

Enviado por portalcafi a Mér, 18/06/2014 - 10:44

Summary:

O prazo de preinscrición é ata o 30 de xuño de 2014. O prazo de presentación de solicitudes remata o 29 de setembro de 2014.

Idioma Gallego

Xúntase a Resolución do 6 de xuño de 2014, da Dirección Xeral de Educación, Formación Profesional e Innovación Educativa, pola que se convoca a selección de plans de formación permanente do profesorado que se van implantar en centros educativos públicos dependentes desta consellería no curso 2014/15.

O prazo de preinscrición é ata o 30 de xuño de 2014.
O prazo de presentación de solicitudes remata o 29 de setembro de 2014.

Que son?

Plans específicos de formación permanente que, partindo dunha avaliación das necesidades do centro, permitan deseñar accións formativas destinadas á actualización e o perfeccionamento das competencias profesionais do profesorado para a mellora da calidade da educación e dos resultados escolares.

Destinatarios

Centros educativos públicos dependentes da Consellería de Cultura, Educación e Ordenación Universitaria. Cada centro pode solicitar un único plan. Varios centros con necesidades comúns e proximidade xeográfica poderán presentar un plan conxunto.

Características

Os plans estarán integrados por un ou dous itinerarios formativos, que atenderán a algunha das liñas de actuación propostas.
Cada itinerario formativo constará, como norma xeral, de dúas ou tres actividades formativas (curso, grupo de traballo, seminario).
As actividades deberán estar integradas e secuenciadas nun proceso que inclúa a análise e elaboración de propostas didácticas, así como a súa aplicación á aula ou ao centro, e a reflexión e avaliación dos resultados.
Os plans presentados terán unha planificación mínima de dous cursos escolares e máxima de catro.
Debe participar máis do 40% do Claustro. Cada profesor/a pode integrarse como mínimo nun dos itinerarios que forman o plan.

Liñas de traballo

Os plans de formación tratarán, de xeito prioritario, a seguinte liña de actuación:

Programación, desenvolvemento e avaliación de competencias clave segundo os novos currículos.

Ademais, poderán tratar algunha das seguintes liñas:

Planificación estratéxica das linguas no centro.
Integración didáctica das TIC, e no uso para o traballo cooperativo en rede a través de espazos virtuais. Educación dixital.
Atención á diversidade e cambios metodolóxicos asociados.
Convivencia escolar e clima da aula. Relacións coas familias.
Mellora do desempeño profesional docente e actualización científica e didáctica do profesorado.
Mellora da xestión dos centros (con especial atención á xestión directiva) e dos procesos de calidade.
Programas europeos e internacionais: accións e plans de promoción e desenvolvemento.
Biblioteca escolar, alfabetizacións múltiples e aprendizaxe por proxectos.

Máis información

a) As seguintes páxinas web

- Consellería: www.edu.xunta.es

- CAFI: www.edu.xunta.gal/portal/cafi (apartado FORMACIÓN)

- CFR: A Coruña www.edu.xunta.gal/portal/cfrcoruna. Ferrol: www.edu.xunta.gal/portal/cfrferrol. Lugo: www.edu.xunta.gal/portal/cfrlugo. Ourense: www.edu.xunta.gal/portal/cfrourense. Pontevedra: www.edu.xunta.gal/portal/cfrpontevedra. Vigo: www.edu.xunta.gal/portal/cfrvigo.

b) Os seguintes teléfonos

CAFI: 981522411.

CFR: A Coruña: 981274221. Ferrol: 981370541. Lugo: 982251068. Ourense: 988241533. Pontevedra: 986872888. Vigo: 986202370.

Dirección Xeral de Educación, Formación Profesional e Innovación Educativa: 981546513

c) Os seguintes enderezos electrónicos

CAFI: cafi@edu.xunta.es

CFR: A Coruña: cfr.coruna@edu.xunta.es. Ferrol: cfr.ferrol@edu.xunta.es Lugo: cfr.lugo@edu.xunta.es. Ourense: cfr.ourense@edu.xunta.es. Pontevedra: cfr.pontevedra@edu.xunta.es. Vigo: cfr.vigo@edu.xunta.es.

PFPP

Infantil e Primaria

Linguas

Linguas estranxeiras

ACCESO DIRECTO AO PLAN 2014/15

Plan anual de formación do profesorado 2014/2015

Enviado por portalcafi a Lun, 16/06/2014 - 13:20

Summary:

A Consellería de Cultura, Educación e Ordenación Universitaria presenta o Plan Anual de Formación do Profesorado para o curso 2014/2015. Este documento integra a oferta de actividades de formación e responde ás necesidades e demandas do profesorado ao que vai dirixido, así como ás estratexias, plans e programas que a Consellería de Cultura, Educación e Ordenación Universitaria prioriza.

Idioma Gallego

A Consellería de Cultura, Educación e Ordenación Universitaria presenta o Plan Anual de Formación do Profesorado para o curso 2014/2015. Este documento integra a oferta de actividades de formación e responde ás necesidades e demandas do profesorado ao que vai dirixido, así como ás estratexias, plans e programas que a Consellería de Cultura, Educación e Ordenación Universitaria prioriza.

Formación Profesional

Plan Anual de Formación do profesorado

Cultura e Educación centra o Plan de Formación do Profesorado do vindeiro curso nas actividades que faciliten a implantación dos novos currículos de primaria e FP Básica da LOMCE

A Consellería promoverá as accións de reforzo da autonomía dos centros, das competencias clave e as dirixidas aos docentes da Formación Profesional

Para o 14/15 increméntase, inicialmente, nun 12,3% o número de prazas dispoñibles en accións formativas

O Plan multiplicou case por 6 o número de actividades no presente curso respecto das que se ofertaran ao inicio do mesmo

O 52,2% do total das realizadas no 13/14 enmarcáronse nos Plans de Formación en Centros, unha formación adecuada ás demandas e necesidades de cada realidade educativa

Idioma Gallego

Xesús Vázquez Abad presentou o Plan Formación Profesorado

A Consellería de Cultura, Educación e Ordenación Universitaria vai centrar o seu Plan de Formación do Profesorado do curso 2014/2015 nas actividades que faciliten a implantación dos novos currículos de educación Primaria e de FP Básica da Lei Orgánica de Mellora da Calidade Educativa (LOMCE). Así o explicou esta mañá o conselleiro, nun acto de presentación no que reafirmou o compromiso do seu departamento co apoio necesario para que o profesorado afronte o cambio metodolóxico que supón a nova lei “cara a un ensino integrado, facendo fincapé nas competencias clave e reforzando a autonomía dos centros”.

Xesús Vázquez Abad cualificou o Plan como un “organismo vivo, que se vai enriquecendo e multiplicando ao longo do curso escolar”. Como dato para ilustralo, explicou que, en total, o plan executado do 13/14 –respecto do plan base presentado antes do inicio de curso- multiplicouse case por 6 no número de actividades (ata 2.155), por 3’2 no número de prazas (ata as 55.428) e por 4’2 no número de horas de formación (ata as 63.066).

Plan base e actividades engadidas

No relativo ao plan base para o 14/15, salientou que xa nesta previsión inicial se incrementan nun 12,3% o número de prazas respecto das do presente curso. Así, a estrutura básica do Plan do curso que vén está conformada por 19.275 prazas, 359 actividades e 11.500 horas de formación.

Esta previsión inicial do Plan incrementarase fundamentalmente a través de 3 modalidades de formación: da convocatoria (xa publicada) de 500 meses de licenzas dirixidas a ata 423 docentes de carreira; dos Plans de Formación en Centros; e de todas as actividades formativas coas que a Consellería acompaña e apoia ao profesorado na implantación dos seus plans estratéxicos, como o Proxecta, o Plan LÍA de Bibliotecas Escolares, ou os Contratos-Programa, entre outros.

Plans de Formación en Centros

Entre os puntos fundamentais que se reforzarán para facilitar a implantación da LOMCE o conselleiro salientou as competencias clave e a autonomía dos centros, que se potenciarán a través dos Plans de Formación en Centros, que cada centro deseña en función das súas necesidades.

Neste sentido anunciou que a nova convocatoria - que se publicará o día 18- vai incorporar 2 novas liñas, ata sumar un total de 9. Así, aos plans ata agora existentes arredor da mellora da convivencia, da atención á diversidade, ou da educación dixital, engadirase unha liña de acompañamento curricular centrada na formación en competencias clave, e outra arredor das Bibliotecas Escolares e Programas Europeos, dando resposta ás demandas dos centros nestes eidos.

Vázquez Abad salientou esta iniciativa como “unha clara aposta pola autonomía dos centros que chega este ano á súa terceira convocatoria, e coa que podemos considerar que a Consellería se adiantou preparando ao profesorado nesa clara liña de futuro do ensino, e na que agora se dá un paso máis coas dúas horas de libre configuración das que os centros van dispoñer en Primaria”. “Estamos a ofrecer cada vez máis - dixo- unha formación ‘personalizada’, ‘ad hoc’, na que o centro, en base á súa autonomía, nos demanda determinadas actividades axustadas a aquelas áreas que queren reforzar ou nas que se queren especializar”.

Non en balde, cómpre salientar que no curso 2013/2014 realizáronse 1.126 actividades no marco dos Plans de Formación que funcionaron en 197 centros, o que supón que o 52,2% do total de todas as actividades de formación do profesorado realizadas no curso realizáronse no propio centro educativo dando resposta ás súas necesidades particulares, e ás propias demandas do profesorado.

FP Básica

O terceiro dos puntos fundamentais que a Consellería quere reforzar o curso que vén no marco da posta en marcha da LOMCE é a formación para o profesorado da FP, que se estrutura como unha parte específica do plan base. Co reforzo destas actuacións procúrase dar cobertura ás necesidades que se formulen a raíz da implantación da FP Básica, mellorar a orientación profesional do alumnado de formación profesional, fomentar a promoción do emprendemento e promover as estadías formativas nacionais e transnacionais de profesorado en empresas, en particular coas máis implicadas en sectores clave da economía galega e as relacionadas cos sectores emerxentes.

“O feito de que os ciclos formativos teñan como obrigatorio e avaliable un período de formación en centros de traballo - sinalou o conselleiro- fai necesario que o profesorado teña previamente un coñecemento directo dos procesos produtivos que se desenvolven nas empresas, que é a finalidade destas actuacións”.

A Rede de Formación máis valorada

Vázquez Abad agradeceu o traballo da Rede de Formación do Profesorado – conformada polo Centro Autonómico de Formación e Innovación e polos 7 Centros de Formación e Recursos- , “sen os que non sería posible hoxe presentar este plan”. Neste sentido, salientou que Galicia é unha das poucas Comunidades Autónomas que mantén unha forte e cohesionada Rede de Formación do Profesorado, “cuxo apoio é ademais o máis valorado de entre todas as CCAA polos directores dos centros, tal e como queda recollido no informe PISA da OCDE. De feito - engadiu- no CAFI son conscientes do prestixio da Rede, que notan no alto número de visitas que reciben de outras Comunidades Autónomas e mesmo de outros países, hai unhas semanas de Lituania, para coñecer o modelo de formación do profesorado de Galicia”.

O titular do departamento educativo da Xunta de Galicia salientou igualmente o labor dos docentes, dos que valorou o seu “xeneroso esforzo por mellorar a súa competencia profesional”, e aos que asegurou que a Consellería continuará a apoiar a través “da mellor ferramenta nestes tempos de cambio no ensino, a formación permanente que lles permita continuar exercendo o labor docente coa máxima calidade e guiando ao alumnado, de acordo coas necesidades específicas de cada un, cara á excelencia”.

Tema:

Ensinanza:

Educación primaria

Formación Profesional inicial

Departamento:

Consellería de Educación, Ciencia, Universidades e Formación Profesional

Dirección Xeral de Formación Profesional

Colectivo:

Sección:

Cursos de verán organizados polo INTEF

Enviado por portalcafi a Mér, 04/06/2014 - 10:02

Summary:

Cursos de verán de xullo a setembro

Idioma Gallego

Durante os meses de xullo e setembro de 2014, o Ministerio de Educación, Cultura e Deporte, en convenio coa Universidade Internacional Menéndez Pelayo (UIMP), organiza doce cursos de verán dirixidos ao profesorado e aos centros educativos de todo o territorio nacional.
Para consultar a información:

Enlace ao post do INTEF coa información sobre os cursos de verán

http://blog.educalab.es/intef/2014/05/21/cursos-de-verano-2014/

Enlace á convocatoria do BOE

http://www.boe.es/boe/dias/2014/05/24/pdfs/BOE-A-2014-5479.pdf

Enlace á sede electrónica

http://www.mecd.gob.es/educacion-mecd/areas-educacion/profesorado/formacion/formacion-permanente/cursos-congresos/cursos/cursos-de-verano.html

Formación Profesional

Infantil e Primaria

Linguas estranxeiras

Lingüística e social

Orde do 12 de maio de 2014: Reintegro individual de gastos por asistencia a actividades de formación do profesorado (DOG)

Procedemento para o reintegro individual de gastos por asistencia a actividades de formación do profesorado non universitario para o ano 2014

Enviado por rhc a Lun, 26/05/2014 - 08:29

Summary:

Xúntase a Orde do 12 de maio de 2014 pola que se regula o procedemento para o reintegro individual de gastos por asistencia a actividades de formación do profesorado non universitario para o ano 2014.

Idioma Gallego

O prazo de presentación de solicitudes será de polo menos 20 días de antelación con respecto á data de comezo da actividade. Para as actividades formativas que comezaron a partir do 1 de xaneiro, así como para aquelas que comecen a partir do día da publicación desta orde e que non poidan cumprir o prazo de solicitude de 20 días de antelación, a solicitude entenderase en prazo sempre que sexa presentada dentro dos 15 días naturais a partir do día seguinte da publicación da presente orde no DOG.

Destinatarios e requisitos:

O persoal docente de carreira que pertenza aos corpos que imparten ensinanzas das establecidas na Lei orgánica 2/2006, do 3 de maio, con destino en centros docentes públicos en que exerza docencia directa co alumnado, equipos de orientación específicos, postos de asesoría dentro da estrutura administrativa da Consellería de Cultura, Educación e Ordenación Universitaria e na Inspección Educativa.

Os solicitantes non poderán percibir outro tipo de axudas para a asistencia á actividade solicitada e non poden ter recibido reintegro individual nas dúas últimas convocatorias (anos 2012 e 2013).

Documentación necesaria

Solicitude segundo modelo do anexo I da convocatoria.
Orixinal ou fotocopia da convocatoria da actividade para a cal se solicita o reintegro.
Certificación da dirección do centro na cal se xustifique que a persoa solicitante exerce actualmente nel e se especifique a disciplina, área, ciclo ou especialidade que imparte.
Orzamento dos gastos de matrícula e desprazamento. En ningún caso se farán constar gastos de mantenza e aloxamento.
Memoria explicativa dos motivos polos cales se desexa asistir á actividade e repercusión da asistencia a esta na función docente.

Máis información

Mail: reintegros.fprofe@edu.xunta.es
Tl.: 981 546.515/ 981.546.513
Servizo de Formación do Profesorado
Dirección Xeral de Educación, Formación Profesional e Innovación Educativa
Consellería de Cultura, Educación e Ordenación Universitaria

Corrección de erros (DOG)

Formación Profesional

Infantil e Primaria

Linguas

Xornada de presentación de proxectos educativos educAcción

Enviado por portalcafi a Mér, 21/05/2014 - 12:20

Summary:

Últimos días para inscribirse. 28/Maio (Vigo)

Idioma Gallego

Es profe nun centro educativo galego? Gustaríache coñecer proxectos didácticos innovadores que se levan a cabo noutros colexios? Tes un proxecto, mais non sabes ben como poder implementalo no teu centro e noutros? Esta é a túa oportunidade!... Reserva xa a túa praza na I Edición de educAcción, unha xornada na que os profesores seredes os protagonistas e na que, dunha forma amena e divulgativa, descubrirás os proxectos premiados na convocatoria de proxectos educativos educaBarrié, así como outros proxectos propios nos que xa participan máis de unha centena de centros educativos da nosa comunidade.

Inscrición: Completar o formulario online clicando en "Apuntarse nesta actividade".

Data: mércores 28 de maio de 2014

Hora: de 17.30 a 20.30 horas

Lugar: Fundación Barrié, sede de Vigo

Ao longo da Xornada e a través de breves presentacións de 10 minutos, irás coñecendo os nosos proxectos máis salientables, da man dos seus protagonistas: os profesores que os coordinan e os alumnos que neles participan.

Proxectos do ámbito artístico, social, literario, científico, todos eles unidos por unha vocación interdisciplinar e co claro obxectivo de axudar a definir un novo modelo educativo enfocado á investigación, á experimentación e á diversión como chave para a ensinanza.

Convidámoste a que te relaxes, abras ben os ollos, deixes libre a túa mente e viaxes connosco a unha nova dimensión educativa, onde a innovación, a ilusión e a paixón guían a aprendizaxe.

Ven e constrúe connosco a educación que imaxinas.

INSCRIBIRSE

File:

programa da actividade

Triptico concurso geomática2014

5º Concurso Geomática Valencia 2014

Enviado por portalcafi a Ven, 16/05/2014 - 09:51

Summary:

Por quinto ano consecutivo a Escola Técnica Superior de Ingeniería Geodésica, Cartográfica e Topográfica (ETSIGCT) da Universitat Politècnica de València (UPV) convoca GEOMÁTICA VALENCIA 2014, o concurso sobre Topografía e Cartografía para estudantes de ensinos medios.

Idioma Gallego

O obxectivo deste concurso é dar a coñecer e divulgar entre os estudantes de ensinos medios as diversas fontes de información cartográfica existentes así como os organismos produtores desta información, tanto a nivel autonómico como a nivel nacional. Tamén se pretende que os estudantes teñan unha primeira aproximación á nova titulación de Grado de Ingeniería en Geomática e Topografía, así como ás súas competencias laborais e futuro profesional. Esta titulación comezou a impartirse no curso 2010-2011 na Escola Técnica Superior de Ingeniería Geodésica, Cartográfica e Topográfica (ETSIGCT) da Universidade Politécnica de Valencia (UPV).

Poden participar todos os alumnos que estean matriculados no curso 2013-14 en terceiro ou cuarto curso ESO, en Bacharelato ou en Ciclos Formativos. Non existe limitación no número de alumnos que se presenten por cada Centro.

O concurso consiste en :

1. Responder un sinxelo cuestionario sobre a Geomática e o novo Grado de Ingeniería Geomática e Topografía a partir dunhas pistas que se proporcionarán.

2. Enviar unha fotografía propia relacionada coa Geomática ou disciplinas relacionadas: Topografía, Cartografía, Geodesia, Fotogrametría, Teledetección, etc. Un xurado elixirá a ganadora entre as fotografías que acaden máis me gusta en facebook. Valorarase o enxeño, o aspecto artístico e o científico.

O concurso finalizará o 8 de xuño de 2014.

Premios para estudantes

Entre os estudantes que respondan correctamente un maior número de preguntas sortearanse 4 ordenadores portátiles.

Ademais, un xurado seleccionará o gañador entre as 10 fotografías máis votadas e ao seu autor entregaráselle un ordenador portátil.

Premios para profesores

Entre os 5 profesores de colexios ou institutos que máis fomentaran a participación dos seus alumnos sortearase un ordenador portátil.

Premios para centros

A cada un dos dous centros cun maior número de participantes regalaráselles un ordenador portátil.

Na dirección geomaticavalencia@gmail.com responderanse ás dúbidas xurdidas respecto ao concurso.

File:

Cartel concurso geomática 2014