Visita aos Túneles do Castro (2/10/23)

 O pasado luns 2/10/23 os grupos de 1º ESO A+B realizaron unha saída didáctica ata o Monte do Castro, onde puideron coñecer os túneles de defensa que se agochan baixo da Fortaleza de Santa María do Castro, construída no século XVII. Ademais, nesta mesma visita organizada polo Departamento de Lingua Galega, o alumnado puido descubrir tamén os vestixios do poboado castrexo ocupado arredor de 600 anos, desde o séc. III aC ata o III dC, e que é a orixe da cidade de Vigo.