2018/19

Como ven sendo habitual dende hai oito anos, baixo a dirección da profesora de música Carmela Cobo, celebróuse o acto de graduación da promoción 2013-2019, con entrega de becas, orla, con emotivos discursos, por unha banda da directora do centro Pilar Tobar e por outra do profesor de historia Amancio Pampín que despediu ao alumnado. Colaboraron o resto de profesores/as nas diferentes tarefas do acto.

Pódense ver fotos na seguinte ligazón Fotos

Comezamos a viaxe de estudos a Londres o venres 10 de maio en Lavacolla. Sobre as 15h da tarde chegamos a Londres, ao Este: Whitechapel, xunto en fronte da famosa Whitechapel Gallery e á beira dunha mesquita ateigada en pleno Ramadán. Aproveitamos esa tarde camiñando pola City de Londres e por espazos senlleiros da cidade como a London Tower, Tower Bridge ou St. Kaharine Docks. Animados pola boa tarde atravesamos o Támesis e baixamos pola banda de Southwark Cathedral, Borough Market e The Globe ata a Tate e, por suposto, ata o London Eye desde o que apreciamos o Big Ben en obras.

Ao día seguinte dirixímonos cara a plataforma 9 e 3/4 de King's Cross St Pancrass. Vaia fila para arrebolar a bufanda! Dende aquí iniciamos a nosa primeira viaxe en metro: a liña negra ata Camdem Town onde pasamos parte do día; a outra parte do día recorrendo as famosas Oxford St., Regent's St. ou Piccadilly.

O conselleiro do Medio Rural, José González, o director da Axencia Galega da Calidade Alimentaria (Agacal), Manuel Rodríguez, e o director xeral de Educación, FP e Innovación Educativa, Manuel Corredoira, participaron nun acto celebrado no noso centro dentro do programa escolar Fai eco do lóxico, este programa promove hábitos de vida saudables e o consumo de produtos ecolóxicos entre os máis novos, explicando os seus beneficios tanto para a saúde como para o medio ambiente.

O alumnado de 1.º ESO visitou a biblioteca de Facultade de Xeografía e Historia da USC, ademais realizaron un traballo nos laboratorios de arqueoloxía.

Pódense ver fotos na seguinte ligazón Fotos

03/05/2019

Dez estudantes do colexio Miguel Hernández, de Moscova, coas profesoras Zhanna Vershinina e Tatiana Baliabina, realizan un intercambio con alumnado e docentes do IES Xelmírez II, que lles visitaron o mes pasado. Onte recibíronlles no Concello e no Parlamento de Galicia, onde fixeron de cicerones os profesores Manuel Amor e Amancio Pampín; visitaron o Gaiás e realizaron un tramo do Camiño. Xa estiveron na Casa Museo de Rosalía, en Padrón; e na de Manuel Antonio, en Rianxo; hoxe teñen programado un concerto didáctico con música tradicional galega a cargo de Pablo Carpinteiro no propio centro.

Ler a nova en La Voz de Galicia

O pasado 3 de maio, e grazas á colaboración da Fundación Paideia, tivemos a sorte de ter no noso centro a dous dos músicos e investigadores da nosa tradición musical que gozan de maior relevo: Rosa Sánchez e Pablo Carpintero. Cargados de instrumentos e músicas fixéronnos unha exposición maxistral sobre a nosa música e tradición ante a atenta mirada e oído do noso alumnado e mais do alumnado do Instituto Español Miguel Hernández de Moscova, de intercambio no centro. Aquí vos deixamos un pequeno resumo.

O día 30 de abril o departamento de música co apoio do departamento de educación fisica acompañaron os alumnos de 2º da ESO ( 60 ) a un concerto didáctico no auditorio de Galicia, titulado“ Las matemáticas de los malabares “. Foi interpretado pola banda de música de Santiago que acompañaba en todo momento as piruetas dos  malabarístas. O obxectivo  principal era que os alumnos descubríran o modelo matemático ( Siteswap ) que explica os patróns que realizan os obxetos no aire nesta ocasión obedecendo o ritmo musical das obras interpretadas.

O día 12 de abril o departamento de Bioloxía e Xeoloxía organizou para o alumnado de 3.º de ESO uns obradoiros sobre educación afectivo-sexual que teñen por obxectivos:

• Reforzar ass habilidades pafra aprender a distinguir a que gusta e o que non en relación coas demais persoas.
• Promover a vivencia da sexualidade do xeito máis pracenteiro, responsable e satisfactoio posible.
• Reflexionar sobre as relacións afectivas
• Promover o dia´logo, a asertividade e a empatía nas relacións de parella.
• Traballar os límites e a responsabilidade persoal.