Skip to Content

Matemáticas

Programacións didácticas. Curso 2022-23

Lun, 19/12/2022 - 01:13

1.º ESO

3.º ESO

1.º BAC. Académicas

1.º BAC. Aplicadas

2.º ESO, 4.º ESO e 2.º BAC

Programación didáctica Curso 2021-2022

Mér, 29/09/2021 - 16:13

XV Concurso de Fotografía Matemática

Lun, 06/03/2023 - 19:52

Concurso de fotografía

A Asociación Galega do Profesorado de Educación Matemática (AGAPEMA) da zona da Coruña convoca para estudantes e adultos o XV Concurso de Fotografía Matemática. Para facilitar a participación do alumnado do noso centro, o departamento de Matemáticas organiza unha fase de centro que se rexerá polas seguintes bases.

Transnational meeting en Plovdiv

Lun, 31/10/2022 - 01:00

O pasado 10 de setembro dous profesores do centro, José Luis Martín Iglesias e Moisés Iglesias González, viaxaron a Bulgaria para asistir ao segundo Transnational meeting do proxecto BYOD. A reunión tivo lugar en Plovdiv, a segunda cidade máis importante de Bulgaria, próxima a Sofia, e tratáronse aspectos relacionados coa evolución do proxecto e co desenvolvemento dos obxectivos do mesmo. Foi unha experiencia moi fructífera e moi interesante, tanto pola ubicación da xuntanza, Plovdiv é unha cidade do tamaño de Santiago e cun grande patrimonio histórico, coma por volver ver aos participantes de novo.

TPM Plovdiv

Transnational meeting en Cracovia

Sáb, 25/06/2022 - 00:00

O pasado 28 de febreiro e 1 de marzo dous profesores do centro, Pilar Tobar Quintanar e Moisés Iglesias González, viaxaron a Polonia para asistir ao segundo Transnational meeting do proxecto BYOD. A reunión tivo lugar en Cracovia, e foi a primeira reunión presencial entre os membros do proxecto. Tratáronse aspectos organizativos e de xestión do mesmo, así como relacionados co desenvolvemento dos obxectivos do mesmo. Foi unha experiencia moi fructífera e moi interesante, tanto pola ubicación da xuntanza, Cracovia, coma por desvirtualizar aos compoñentes do grupo.

TPM Krakov

Concurso de fotografía: "Matemáticas en un clic"

Mar, 12/01/2021 - 17:10

Matemáticas nun clic

"Matemáticas en un clic" é un concurso estatal de fotografía matemática dirixido a estudantes da Ensinanza Secundaria Obrigatoria de todo o Estado español. Está organizado pola rede de divulgación Dima en colaboración con distintas asociacións de matemáticas e empresas, co apoio e colaboración de gran parte da comunidade matemática española. Para facilitar a participación do alumnado do noso centro, o departamento de Matemáticas organiza unha fase de centro.

Bases do concurso

Programación didáctica Curso 2020-2021

Lun, 09/11/2020 - 14:23

Aliméntate ben. Matemáticas

Dom, 28/06/2020 - 16:38

Na área de Matemáticas os alumnos despois de traballar os contidos que debe levar unha etiqueta alimentaria, e aprender  a facer representacións  mediante diagramas de sectores, tiveron que buscar etiquetas dos produtos que se consumían nos seus fogares, extraer a información nutricional , e con esa información elaboraron un gráfico de sectores que mostraba o equilibrio nutricional.  Deste xeito comparárono co equilibrio desexado, xa que a O.M.S. fai unha recomendación sobre as proporcións de cada tipo de alimento na alimentación dos adolescentes. Finalmente os grupos presentan os datos obtidos. 

 

As matemáticas do coronavirus

Xov, 12/03/2020 - 23:54

 19/03/2020

 

O seguinte vídeo está en inglés, se non dominas este idioma, activa os subtítulos en castelán 

12/03/2020

Se estás pensando en que vas estar dúas semanas de vacacións le o seguinte artigo:

¿Cómo se compara el coronavirus con la gripe? Los números dicen que es peor

Se tomamos como índice reproductivo da gripe 1,45 o número total de enfermos na fase n sería 10·1,45^n e se tomamos o do coronavirus como 2,7 o número total de enfermos na fase n sería 10·2,7^n. O índice do coronavirus é aproximadamente o dobre do da gripe pero ao ser unha función exponencial, o número de enfermos por coronavirus aumentaría moitisísimo máis que por gripe.

Ainda que a taxa de mortalidade do coronavirus sexa menor que o da gripe, o número de mortos absoluto sería moito maior porque haberá moitos máis enfermos.

Sesións STEM: Matemáticas

Xov, 19/12/2019 - 20:24

17/10/2019: Matemáticas Que? e Para que?. Linguaxe matemática

Na primeira parte da sesión reflexionamos sobre o qué entendemos por coñecemento matemático, sobre cómo se interpretaron as matemáticas ao longo da historia, sobre as súas aportacións a outros campos da ciencia e da cultura e sobre a súa utilidade no progreso e no avance da sociedade. Tamén comentamos algúns artículos de prensa e outras publicacións que nos mostran en qué se aplican as matemáticas na actualidade e en qué traballan hoxe os matemáticos. Finalmente, proponse como actividade realizar un comentario crítico dalgunha das lecturas complementarias (impacto da investigación matemática na economía española, papel das matemáticas en investigacións médicas ou ciencia e sociedade)

A segunda parte da sesión adicámola á linguaxe matemática e aos distintos tipos de demostración en matemáticas, resolvendo exercicios...

28/11/2019: Cálculo numérico

Charla sobre métodos iterativos de cálculo numérico, que permiten obter a solución dun problema mediante aproximacións sucesivas, a través do uso de números e operacións matemáticas simples. 

MATERIAS PENDENTES DE CURSOS ANTERIORES

Dom, 03/11/2019 - 21:30

PROGRAMACIÓN DIDÁCTICA DEPARTAMENTO DE MATEMÁTICAS CURSO 2019-2020

Dom, 03/11/2019 - 21:14

Mención especial no “IX Concurso Incubadora de Sondaxes e Experimentos”

Mar, 18/06/2019 - 19:12

Un grupo de catro alumnos e alumnas de 2º da ESO do noso centro acaba de recibir unha MENCIÓN ESPECIAL no “IX Concurso Incubadora de Sondaxes e Experimentos” organizado pola Sociedade Galega para a Promoción da Estatística e Investigación de Operacións (SGAPEIO) na Categoría: 1º- 2º da ESO.

A nosa participación foi cun proxecto chamado: “Hai violencia ou acoso escolar no meu instituto?”

O martes 18 de xuño fomos á entrega de premios que tivo lugar na facultade de Matemáticas da Universidade de Santiago (USC), onde disfrutamos da exposición dos traballos finalistas, dun pequeno ágape e compartimos sensacións cos demáis premiados.

Pódense ver fotos na seguinte ligazón Fotos

Ligazón ao facebook de SGAPEIO

Árbore pitagórica - ΠΥƟATOPIKÓN ΔÉNAPON

Lun, 03/06/2019 - 17:00

O alumnado de 1º ESO traballou o teorema de Pitágoras construíndo unha árbore Pitagórica.

A Árbore de Pitágoras é un plano fractal construido a partires de cadrados inventado polo profesor Albert E. Bosman en 1942. Leva o nome do matemático grego Pitágoras xa que en cada unión de 3 cadrados, fórmase un triángulo rectángulo nunha configuración tradicional utilizada para representar o teorema de Pitágoras.

A construcción da árbore de Pitágoras comeza cun cadrado, sobre este cadrado constrúense dous cadrados, cada un reducido á metade do anterior de forma que as esquinas dos cadrados coincidan dous a dous.

Desta forma, vemos que o cadrado maior ten como área a suma das áreas dos dous cadrados pequenos, así que pódese ver claramente que: h² = a² + b²

Aliméntate Ben. Materia Matemáticas

Mar, 30/04/2019 - 18:52

Na área de Matemáticas os alumnos "despois de repasar os principais grupos de alimentos e as súas propiedades, nunha ficha os rapaces atopan as recomendacións da OMS sobre das proporcións de cada tipo de alimento na alimentación dos adolescentes, e nunha listaxe aparecen unha variedade de alimentos e os seus aportes principais.

Pódense ver fotos na seguinte ligazón Fotos

A primeira parte da tarefa consiste en apuntar no cadro superior a merenda que toman nun dos recreos, e desglosar os aportes en gramos e porcentaxes da cantidade diaria recomendada.

Distribuir contido


by Dr. Radut