O CFR de Pontevedra e o Concello de Marín organizan 2 charlas para as familias interesadas. Contan con servizo de ludoteca gratuíto.

En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado de 4.º curso de educación primaria e 2.º curso de educación secundaria obrigatoria. No caso de Galicia, terán lugar os próximos días 10 e 11 de abril.
Pode atopar máis información no seguinte documento dirixido ás familias.

O IES Chan do Monte Organiza un curso de capacitación dixital para adultos. O curso é totalmente gratuíto. Podedes atopar a información aquí. 

O CIM do Concello de Marín organiza o seguinte scape room:

Unha experiencia de escapismo onde as mulleres máis apaixonantes da historia son as protagonistas". Dirixido a toda a cidadanía, especialmente familias e mocidade. Equipos de entre 4 e 6 persoas, Inscricións desde o 26/02 ao 27/03 en info@territorio-comanche.com indicando nome de equipo e nome, apelidos e idade dos seus integrantes.

Información para ás familias en relación coa captación de imaxes realizada polas nais, pais e outros familiares con motivo da celebración de eventos no centro

Conforme ao disposto na normativa vixente en materia de protección de datos persoais, as persoas asistentes ao Entroido do CEIP Sequelo-Marín poderán gravar imaxes do evento exclusivamente para o seu uso persoal e doméstico. A difusión das imaxes captadas polas familias e demais asistentes fóra do ámbito privado, familiar ou de amizade, por exemplo, mediante a súa publicación na Internet accesible en aberto, será responsabilidade única daqueles que leven a cabo a devandita comunicación, que requiriría o consentimento de todas as persoas afectadas.

Graciñas por acomparños, pola vosa colaboración cos soborosos postres e desexámosvos un bo Entroido.

Orde de 4 de xaneiro de 2024 da Consellería de Cultura, Educación, Formación Profesional e Universidades sobre o uso dos teléfonos móbiles e dispositivos electrónicos nos centros educativos.

No noso centro, o 14 de novembro de 2023 foi aprobada, en Consello Escolar, a seguinte norma que se recolle nas Normas de organización e funcionamento do centro: 

ASUNTO: Normativa para regular o uso dos dispositivos telefónicos e electrónicos que poidan captar, gravar ou compartir imaxes e sons

Dende o CEIP Sequelo- Marín recomendamos non acudir ao centro con dispositivos telefónicos ou electrónicos que poidan captar, gravar ou compartir imaxes e sons, pero comprendemos que para algunhas familias son considerados como elementos de seguridade, polo que o alumnado poderá acudir ao centro cos dispositivos mencionados, sempre e cando os manteñan apagados. En caso de detectarse o seu uso dentro do recinto escolar, o aparato será requisado e gardado pola dirección do centro, que avisará ás familias para que veñan a recollelos.

O centro non se responsabilizará da perda, roubo ou deterioro dos dispositivos telefónicos ou electrónicos que poidan captar, gravar ou compatir imaxes e sons cos que acudan ao centro.

No caso das saídas complementarias, estes dispositivos non estarán permitidos, debendo quedar custodiados no centro.

Os dispositivos tecnolóxicos que se empreguen de forma pedagóxica sempre serán aportados polo centro.

Terase en conta a seguinte normativa:

Lei 3/2018 do 5 de decembro, De Protección de datos persoais e garantías dos dereitos dixitais

Decreto 8/2015, do 8 de xaneiro, polo que se desenvolve a lei de convivencia.

O Concello de Marín, xunto coas ONGs organizar unha recollida de alimentos non perecederos, produtos de Nadal e produtos de hixiene e limpeza.

A campaña consistirá en que durante a semana do 11 ao 15 de decembro, o alumnado e as familias poidan aportar algún produto, e os días 18 e 19, unha persoa do Concello pasará a recollelo para xuntalo e que as ONGs fagan o reparto, tendo en conta o número de familias ás que axuda cada ONG (COMEDOR BENÉFICO, CÁRITAS, CÁRITAS SANTOMÉ, AYUDA EN ACCIÓN SOR ELVIRA e AMENAC).

Achegamos a información aportada dende o Concello de Marín: 

A Xefatura Territorial declara non lectivos para o CEIP Sequelo- Marín os días 13/10/23 e 20/05/24 de acordo co calendario laboral.

O Plan de traballo recollido na ORDE do 23 de agosto de 2023 pola que se establece a figura da persoa coordinadora de benestar e convivencia nos centros docentes de Galicia poderedes consultalo aquí.

Aquí poderedes consultar o Proxecto Lingüístico de centro

Achegamos a PXA aprobada no Consello Escolar celebrado o día 3 e outubro de 2023.

De acordo coa ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a Ordenación e o Currículo da Educación Primaria na Comunidade Autónoma de Galicia e se regula a avaliación nesa etapa educativa.

O procedemento de revisión no centro é o seguinte: 

As nais, os pais ou as persoas titoras legais do alumno que non estean de acordo coas cualificacións finais ou decisións de promoción adoptadas na avaliación final, poderán solicitar cantas aclaracións consideren precisas á persoa titora ou ao profesorado. Segundo o recollido neste documento. 

No caso de que persista o desacordo poderán solicitar por escrito á dirección do centro  a revisión da devantida cualificación ou decisión, no prazo de dous días hábiles contados a partir do día seguinte a aquel en que se produciu a súa comunicación.

REVISIÓN CUALIFICACIÓN FINAL 

As nais, os pais ou as persoas titoras legais do alumno que non estean de acordo coas cualificacións finais poderán presentar reclamación por escrito ante dirección, quen lla derivará ao titor ou titora que o comunicará ao equipo docente. 

No prazo máximo de dous días hábiles dende a finalización do prazo de presentación de reclamacións, o equipo docente, nunha sesión extraordinaria, analizará as reclamacións presentadas e elaborará un informe no que se recolla a descrición dos feitos e as actuacións previas, así como a decisión adoptada de ratificar ou modificar a cualificación final obxecto de revisión.

O equipo docente analizará o informe elaborado pola persoa docente que impartiu a área obxecto de revisión e contrastará as actuacións seguidas no proceso de avaliación da alumna ou do alumno co establecido na programación didáctica. Estas actuacións deberán recollerse nun informe con especial referencia aos seguinte aspectos:  

- Adecuación dos contidos e criterios de avaliación.

- Adecuación dos procedementos e instrumentos de avaliación.

- Correcta aplicación dos criterios de cualificación establecidos na programación didáctica.

- Decisión motivada da ratificación ou modificación da cualificación final obxecto da revisión.

O equipo docente trasladará á dirección do centro o informe quen emitirá resolución coa decisión razoada. Esta resolución comunicarase por escrito ao pai, á nai ou á persoa titora legal no prazo máximo do día lectivo/hábil seguinte. Esta decisión porá fin ao procedemento de revisión das cualificacións finais.

REVISIÓN DA PROMOCIÓN

Cando a solicitude re revisión teña por obxecto a decisión da promoción ou titulación adoptada para un alumno ou alumna, celebrarase unha reunión extraordinaria no prazo máximo de dous días lectivos/ hábiles, dende a finalización do período de solicitude de revisión. Na reunión revisarase o proceso de adopción de dita medida, tendo en conta as alegacións realizadas.

A acta da sesión extraordinaria recollerá a descrición dos feitos e actuacións previstas.

O equipo docente trasladará á dirección do centro o informe quen emitirá resolución coa decisión razoada. Esta resolución comunicarase por escrito ao pai, á nai ou á persoa titora legal no prazo máximo do día lectivo/hábil seguinte. Esta decisión porá fin ao procedemento de revisión da decisión de promoción.

No caso de que esta revisión dese lugar á modificación dalgunha cualificación ou decisión, a persoa titular da secretaría, co visto bo da dirección do centro, anotará nas actas de avaliación, e no seu caso, no expediente e historial académico, a oportuna dilixencia.

Os interesados teñen dereito a unha copia do expediente de revisión, que se lle remitirá, preferentemente, en formato dixital. De persistir o desacordo poden presentar a solicitude de reclamación ante a xefatura territorial.

A continuación poden atopar as programacións didácticas dos diferentes cursos do CEIP Sequelo- Marín. Aparecen clasificadas por etapas, niveis e materias. 

ETAPA EDUCACIÓN INFANTIL

ETAPA EDUCACIÓN PRIMARIA

Dende o CEIP de Seixo e O CEIP de Ardán invítannos a participar na IX Feira do Libro Usado. Os nenos e nenas poden traer ao colexio, cando queiran, os libros que desexen canxear por un vale (1 libro= 1 vale). Estes vales poderán ser empregados o sábado 17 para  intercambiar, por outros libros,  nos diferentes postos que estarán instalados na alameda. 

Os Palleiros de Ruth PT