Novembro 2018
Gala OPROCHEF no CEP Sequelo
Enviado por xose o Mar, 27/11/2018 - 18:45O venres 23 de novembro celebrouse a gala de Oprochef no CEP Sequelo. Esta festa está patrocinada por OPROMAR, a Organización de Produtores de Pesca Fresca do Porto de Marín, e ten por obxectivo promocionar o consumo de peixe fresco entre a poboación.
O noso alumnado foi invitado a participar nun concurso onde presentaron recetas orixinais de peixe fresco. Dez recetas pasaron á gran final, para seren elaboradas e degustadas por un xurado para elixir as mellores. Houbo grandes premios!
A noticia publicouse na prensa galega. Noticia no Faro de Vigo
E tamén en La Voz de Galicia
Día contra a Violencia de Xénero
Enviado por Anónimo o Lun, 26/11/2018 - 23:20Unha excursión moi chula
Enviado por Anónimo o Lun, 26/11/2018 - 13:58( Equipo 3 de redacción: Roi, Breixo S., Roberto e Breixo V. )
O mércores 21 de novembro, os nenos de 3º e 4º cursos de primaria fomos ao Café Moderno a visitar unha exposición de grabados de Francisco de Goya e Salvador Dalí. Antes fixemos un grabado coa técnica da punta seca. Esta técnica consiste en raiar cun punzón unha superficie lisa, pintala con pintura, sacar a pintura agás a que está nos buratos e estampalo contra un cartón, papel... Así queda o debuxo pintado no cartón.
A continuación fomos mirar os grabados de Goya e Dalí. Ensináronnnos dúas caixas, unha de Dalí e outra de Goya. Tamén nos ensinaron unha caixa atrapafantasmas coa que atrapamos tres monstros.
Despois fomos ao Auditorio de Afundación a mirar unha obra musical titulada " O máxico planeta dos instrumentos insólitos". Trataba de dous señores que creaban e tocaban instrumentos. Chamábanse Diego e Jorge e tocaron: o serrucho musical, o brick de leite con cordas, a guitarra caldeiro, o recolledor frauta, a basoira frauta, a silla de camping frauta, o acordeón, o violín, a frauta feita cun óso, a culler coa sartén, as dous culleres, a frauta traveseira, a bandurria, o theremín...
Breixo Sanjorge tocou o theremín. Pasámolo xenial!
Concerto didáctico "El mágico planeta de los instrumentos insólitos"
Enviado por Anónimo o Sáb, 24/11/2018 - 18:44OS CORTICEIROS DO MEL
Enviado por josean o Xov, 22/11/2018 - 01:56Os corticeiros antigamente usábanse para facer o mel. Facíase coa árbore corticeira, e podían ser redondos ou cadrados. Pousábanse enriba dunha pedra e poñíanselle catro paus, dous en forma de cruz da metade para abaixo e dous da metade para arriba. Facíase tamén un burato nun lateral para que entrasen as abellas.
As abellas poñían a cera de pau a pau e logo o mel enriba da cera. Cando ían sacar o mel, a xente dáballe fume ao redor da corticeira para parvear ás abellas.
As abellas facían catro paneis e sacábanse só tres para que a cuarta a tivesen de comida para o inverno.
Damián Otero Villanueva 6º B
Os Seres Vivos do río Lameira
Enviado por Menchi o Mar, 20/11/2018 - 14:52O martes 13 de novembro os alumnos de terceiro fixemos unha pequena saída para ver o río Lameira. Estamos estudando os seres vivos e a súa clasificación en plantas, animais, algas, bacterias e fungos. Estivemos de exploradores buscando fungos polas árbores e a herba, porque sabemos que se alimentan dos restos de seres vivos e que algúns son velenosos. Moito coidado!!!
Redacción: Noelia Moreira Gonzalez 3º B
Construímos con Lego
Enviado por xose o Lun, 19/11/2018 - 14:27Contamos con 6 kits Lego de construción de máquinas sinxelas, dentro da ampliación do proxecto de robótica que desenvolvemos no centro.
Na web de Robotec atopamos un pdf de 112 páxinas, co paquete de actividades para o set máquinas sinxelas, que inclúe guía do profesor e fichas de actividades para o alumnado.
Na web de Lego Education atopamos dúas unidades didácticas para traballar con estes materiais, como por exemplo, o Tiovivo ou os Trompos, incluídas no anterior pdf.
Aprendemos a programar
Enviado por xose o Lun, 19/11/2018 - 13:52Achegamos un recurso onde os nenos/as poden dar os seus primeiros pasos para aprender a programar. Atópase na web code.org.
Nesta web atopamos varias seccións, unha delas dirixidos ao alumnado a partir do 1º curso de primaria, onde poderán realizar uns cursos básicos.
Outra sección está dirixida ao profesorado, onde poderá crear un aula con alumnos/as e seguir a evolución dos cursos que se lles asignen.
Carreira de cross escolar no CEP Sequelo
Enviado por Anónimo o Xov, 15/11/2018 - 11:24Este mércores 14 de novembro celebrouse nos arredores do noso colexio un cross escolar encadrado dentro da actividade de Campo a través do Programa Xogade da Xunta de Galicia.
O CEP Sequelo participamos con preto de 90 escolares dende a categoría benxamín (2º e 3º de primaria) ata a categoría infantil (6º de primaria).
Ademais da gran participación temos que destacar os excelentes resultados obtidos nas categorías benxamín e alevín especialmente.
As nenas estiveron moi inspiradas copando o podio en benxamíns e tendo moita presenza nel en alevíns e tamén entre os dez primeiros clasificados.
Agardamos xa con moitas ganas a seguinte carreira de campo a través!!
Os Monstros do Río Lameira
Enviado por Menchi o Mar, 13/11/2018 - 10:38Os alumnos de 3º B escribimos un poema sobre o samaín e os animais que viven no río Lameira, para facer unha historia de medo onde os animais disfrázanse para disfrutar un samaín terrorífico.
- 1
- 2
- 3
- seguinte ›
- última »