Maio 2019
Visita a Vigo cos alumnos e alumnas de 5º curso
Enviado por Belen o Ven, 31/05/2019 - 07:10Coñecemos as partes do estadio de Balaídos. Repuxemos forzas no parque do Castro e fixemos unha ruta, aguantando a calor!
Os nenos de 4º fomos aos museos da Coruña
Enviado por Anónimo o Xov, 30/05/2019 - 14:03( Equipo 5 de redacción: Sara e Alexandra)
O martes, dia 28 de maio, os nenos de 4º de primaria fomos á Casa das Ciencias, ao Domus e ao Acuario.
Pasámolo moi ben. O primeiro lugar que visitamos foi a Casa Das Ciencias. No baixo había un péndulo xigante que mostra a rotación da Terra, unha incubadora con pitiños... Na segunda planta había experiencias como unha ilusión óptica, un canón de aire cun globo flotando, unha creadora de pompas de xabón enormes, a simulación de vento no deserto e outra de auga na Terra. Na 2ª planta había unha exposición temporal de péndulos con columpios, un metrónomo... A terceira planta estaba adicada á astronomía con moita información sobre o espacio, as constelacións... e cunha cabina na que podías ver algo parecido a un extraterrestre. Por último visitamos o planetario, no que nos puxeron unha minipelícula na que un vampiro chamado Von Siro, que era astrónomo, quería ver a luz do Sol sen convertirse en polvo. O seu axudante, Dagoberto inventou unha máquina coa que podías verte en calquera sitio como na Lúa, en Saturno...
O segundo lugar que visitamos foi a Domus, na que vimos a evolución humana e os seus cranios, un xogo simulando a caza no que tiñas que tirar pelotas nuns buratos con forma de bisontes, unha máquina que medía a lonxitude do teu corpo, e do tu fémur e úmero. Na entrada había unha foto da Mona Lisa feita con fotos de caras de persoas, unha torre de libros...
Despois de comer fomos ao acuario. Alí vimos peixes moi raros que nunca viramos e un que tiña branquias e pulmóns. O que máis nos gustou foi ver cando lle deron de comer ás focas.
Taller de Robótica e Programación
Enviado por josean o Xov, 30/05/2019 - 10:02Imaxes do Taller de Robótica e Programación que desenvolvimos no IES Mestre Landín, con alumnos do mesmo centro e alumnos do CEIP do Carballal. O ano que vén moitos deles serán compañeiros de Damián, Adrián, Samuel e Bryan.
Recursos para boas prácticas
Enviado por xose o Mar, 28/05/2019 - 21:30Aprendizaxe Cooperativa na aula. Programa CA/AC. (Exemplos de unidades didácticas)
Viaxamos polo mundo (6º curso, CEIP O Hío)
Competencias básicas en educación
Leo, leo... que les? PFAC sobre a mellora da comprensión lectora CEIP A RÚA 2011-2012
Disfrutando do Fútbol Sala cos adestradores do Ancoradouro!
Enviado por Belen o Lun, 27/05/2019 - 23:11Os profesionais do Ancoradouro viñeron ao noso pavillón a ensinarnos algúns xogos e valores que ten este deporte, destacando a figura do árbitro.
Os nenos e nenas de 1° a 3° curso pasámolo xenial, aprendemos moito!!
Celebración do Día das Letras Galegas 2019
Enviado por Anónimo o Sáb, 25/05/2019 - 22:32Alumnos de 2º recitan cantigas de Cotobade.
Enviado por Anónimo o Sáb, 25/05/2019 - 02:48Os alumnos de 2ºquixemos participar no FESTIVAL DAS LETRAS GALEGAS 2019 que tivo lugar onte venres no noso colexio. Escollemos unhas poucas cantigas sacadas do libro Aportacións ao cancioneiro de Cotobade , de ANTONIO FRAGUAS; ensaiámolas un chisco e velaquí o resultado. Nós pasámolo moi ben decindo poemas en galego. Esperamos que vos guste!
Falamos de Antonio Fraguas?
Enviado por Anónimo o Ven, 24/05/2019 - 11:34Co gallo da celebración do Día das Letras Galegas, este ano adicado a Antonio Fraguas Fraguas, catro alumnos de quinto e sexto prepararon, para o alumnado de 1º e 2º, a biografía do autor e o recitado dunha cantiga popular que aparece recollida no "Cancioneiro de Cotobade".
Andrea (5ºB), Brian (6º B), Cristian (5ºB) e Laura (5º B) mostraron moito interese e preocupación por achegarse ós mais pequenos. Con axuda dos compañeiros de 5º B elaboraron debuxos dos animais que aparecen "No casamento da pulga" título da cantiga.
Foi unha experiencia moi motivadora, enriquecedora e ideal para reforzar a nosa autoestima.
Entrega dos Premios do XX Concurso de Poesía Concello de Marín
Enviado por josean o Dom, 19/05/2019 - 16:50Daniel Graña Portela e Álvaro Pereira Omil premiados no Certame que polo día das Letras Galegas convoca o Concello de Marín len os seus textos.
Entrega de premios do certame "Marín Conta"
Enviado por josean o Dom, 19/05/2019 - 16:06Alumnos e exalumnos entre os premiados no certame que polas Letras galegas convoca o Ateneo Santa Cecilia.
Premiadas na súa categoría Noa Vázquez Feijoo e Ángela Silva Durán (á esquerda da foto)