Aquí tedes un anaco da festa que realizamos un ano máis no colexio, coa participación de toda a comunidade escolar ademais do grupo de fiolleiras que xa son coma se fosen parte do colexio. Non vale rir, haber se sodes capaces???? (Un truco, se facedes click dentro da imaxe podedes ver moitas máis)

No "Sambódromo" do Sequelo houbo de todo un pouco; música, disfraces, paparotas (sería imposible enumeralas todas), pero houbo sobre todo moita diversión, na compaña de pais, avós e demais membros da Comunidade Escolar do Sequelo que  quixeron compartir con nós unha tarde de Entroido. E alí preto de Río (non o de Xaneiro) inda que río tamén cho é, cantamos e bailamos e como vós dicíades pasámolo moi.... pero que moi ben!!!!

Xa nos tardaban en aparecer libros adicados a Valentin Paz Andrade co gallo da súa eleción como autor homenaxeado polo día das Letras Galegas.  Así Xerais vén de editar, a través da sua colección orientada ao público máis novo, Merlín, unha biografía do homenaxeado deste ano.. A vida e deste avogado, empresario, especialista en temas pesqueiros, político, poeta, xornalista… contada de forma amena… pero detallada. O libro ademais completase cunha antoloxía da súa obra poética.

Inda que pareza que estamos na casa, non saímos da India. Estes rapaces da escola María Soliña de Pubai fan unha versión tan estupenda da Xota de Folgoso que non poido menos que afirmar que poucos nenos nativos de onde esta xota surxiu serían capaces de recreala coa mesma mestria . Escoitadeos porque paga a pena ver o respecto que estes nenos tan distantes de nos manifestan pola nosa cultura.

A ONG "Shanga India" con sede en Cangas de Morrazo, leva adiante o desenvolvemento e financiamento da escola María Soliña en Pubai-Orissa (India). Un proxecto que permite a formación e alimentación de nenas e nenos dunha rexión aillada e pobre que sen axuda non tería futuro. "Shanga" que significa amigo no idioma orilla pretende acadar a totalidade do ensino oficial básico que na India comprende 10 cursos escolarizando a 500 nenos e nenas, asumindo todolos gastos incluido o persoal que é todo autóctono.