EDLG
Ladróns Parvos: revista de humor gráfico do CEP Sequelo
Enviado por josean o Mar, 16/06/2020 - 21:59Por fin xa esta aquï!! Xa saíron á rúa esta "Ladróns parvos", a revista de humor gráfico do Cep Sequelo, volvendo ás pesetas.
Para realizar esta revista os nenos de 5º utilizaron unha multitude de ferramentas tanto offline como online. Unhas para corear e escribir os diálogos (Gimp), outras para unicamente escribir (o PdfEscape) e outras, maiormente apps para crear as propias tiras gráficas (ComicStrip) ou propiamente páxinas (MakeComixBeliefs). Con esta morea de ferramentas montamos o número I.
Romancillo de Maio: Poemas dende a casa (34)
Enviado por josean o Mar, 16/06/2020 - 17:28Xa hai un tempo que chegou Maio a nós, e coma nós, celebran a súa chegada en toda a Península Ibérica, cada quen ao seu xeito. O poeta Miguel Hernández coñecía de primeira man a tradición en Castela-A Mancha, pois el traballara de pastor en pleno contacto coa natureza e así neste Romacillo de Mayo retrata o que son os Maios da Mancha.
O fondo musical son os Maios de Albarracín en Teruel
Caminante no hay camino: Poemas dende a casa (33)
Enviado por josean o Mar, 16/06/2020 - 17:16Martín e Irene recrearon este curto e coñecido poema de Antonio Machado que é en si mesmo unha gran lección de vida. O camiño faise andando e o que queda detrás son ronseis que duran o que dura o paso do barco.
Animation Desk
Enviado por josean o Mar, 16/06/2020 - 09:51Animation Desk é unha app que inda dixital funciona dun xeito moi tradicional no mundo da animación, traballando con capas superpostas. Como se usases papel cebola vas poder ver a anterior posición dos teus debuxos e logo cambialos para crear movemento. E si, como moitas outras, na súa versión máis básica é gratuita.
Os rapaces atrevéronse con ela, malia que nos viña recomendada por Luz Beloso, que é mestra de secundaria e a emprega cos seus alumnos, e algo sacaron.
A primavera
Tamén houbo quen como Breixo Sanjorge probou con outra ferramenta como Stick Draw que nas súas palabras: "É un programa de animación no que inclúe: inserir imaxes, facer poligonos perfectos, alta variedade de cores, papel de cebolla, ... Recomendollo ás persoas que estan empezando a facer animacions porque é moi facil traballar nel e é moi facil exportar os traballos."
Por se alguen se anima aquí tedes un titorial da primeira ferramenta de man da propia Luz Beloso.
Manualidades dende a casa: "Recompilación de manualidades dende a casa"
Enviado por Anónimo o Dom, 14/06/2020 - 12:17Mulleres de mar e de terra
Enviado por Menchi o Sáb, 13/06/2020 - 19:36Como ben sabedes ao longo do curso viñeron moitos avós a contarnos as súas experiencias como mariñeiros, nesta semana os nenos/as convertíronse en xornalistas para entrevistar as súas avoas, tías...A maioría delas mulleres do mar: mariscadoras, mulleres de mariñeiros, vendedoras de peixe na praza ou traballando en conserveiras...tamén atopamos xornaleiras;tratábase de saber como vivían estas mulleres. De tódalas entrevistas quédome co que nos conta Mario que aprendeu coa entrevista a súa avoa: "As mulleres relacionadas co mundo do mar son moi traballadoras, sufridas e que para elas o primeiro é a familia"
El Monte y el Rio: Poemas dende a casa (32)
Enviado por josean o Ven, 12/06/2020 - 23:47Xa o traballaramos no cole e só foi preciso que Dani Quintana lembrase este precioso poema de Pablo Neruda. Ven comigo ao reino da poesía. Pablo Neruda invitate a entrar.
COLOCA OS PRONOMES CON AMOR
Enviado por josean o Ven, 12/06/2020 - 08:42A que cando falas en inglés, non se che ocurre deixar unha oración afirmativa sen suxeito, ou colocalo ao final da frase?
En galego unha das cousas que máis renxe cando un se bota a falar, fóra dos tempos compostos que tamén renxen de seu, é a colocación inapropiada dos PRONOMES. Neste vídeo explícannos a todos como colocalos con AMOR.
E para que sexas un experto en colocar os pronomes se non é con amor, a xeito, deixámosvos unha recolleita de frases que fomos procurando nos medios. Dicimos o pecado pero non o pecador, porque na nosa autonomía dende o Presidente ata o último cidadán se trabucan. Tratade os pronomes con amor e dicídenos nos comentarios onde están os erros
1. Aos políticos os critica todo o mundo.
2. A esta coma aos outros lle convén continuar.
3. Lle vou contar a verdade, señoría.
4. O fago así desde hai moito tempo.
5. Mo levo porque me gusta
Dez: Poemas dende a Casa (31)
Enviado por josean o Mér, 10/06/2020 - 19:08A nova poesía galega, representada neste poema de María Lado, que recitan Roberto Armada e Xoel Sequeiros. O poema que leva por subtítulo (con lualdao) atopase no "Poetízate. Antoloxía da poesía galega (Xerais, 2006)"
Recompilación "Hoxe aplaudimos a..."
Enviado por Anónimo o Mar, 09/06/2020 - 10:28Entrevista a Stephan Dohr
Enviado por josean o Dom, 07/06/2020 - 22:02A petición de Laura Arribas López, contactamos cun dos máis grandes interpretes actuais de trompa, o músico alemán Stephan Dohr, que amablemente, se deixou entrevistar pola nosa alumna, que ademáis toca o mesmo instrumento. Stephan contestou dende Alemania ás catro preguntas que Laura lle fixo.
Contos desde a casa (40): Recompilación de "Contos dende a casa"
Enviado por Anónimo o Mér, 03/06/2020 - 17:42Entramos na recta final deste curso tan raro que tivemos, por iso imos botar unha ollada cara atrás a través de varias recompilacións que fixemos con moitos dos traballos que mandastes ao longo deste tempo de confinamento.
Iniciamos esta serie de recompilacións coa primeira das actividades "Dende a casa" que vos propuxemos "Contos dende a casa". Aquí están reunidos todos os contos que nos enviastes.
A bandeira e o escudo de Galicia
Enviado por Anónimo o Ven, 22/05/2020 - 09:02Ola alumnas e alumnos!
Aquí vos deixamos o resultado final de tódolos traballos sobre a bandeira e o escudo de Galicia, unha das propostas que nos deixou a profesora Inés co gallo de conmemorar o "Día das Letras Galegas".
Queremos agradecer a vosa participación! Unha forte aperta!
Entrevista a Xose Iglesias Lamela, patrón da Costa da Morte
Enviado por josean o Lun, 18/05/2020 - 23:19Dentro do proxecto que eliximos este ano se engloba esta entrevista que dende a nosa radio fixemos ao patrón, mariñeiro e poeta Xose Iglesias Lamela. Máis aló da triste realidade do Coronavirus, contanos moitas máis cousa dun traballo que ata hai nada era o dos nosos pais e avós, un traballo coa presenza constante das marés e en perpetuo cambio; e como nos conta Xosé máis agora polo cambio climático que se está notando xa nos mares: especies como as salpas enchen o mar...Teremos como di Xosé que investigar que son....
Caricaturas de Ricardo Carvalho Calero (III)
Enviado por Anónimo o Lun, 18/05/2020 - 22:39Caricaturas Ricardo Carvalho Calero (II)
Enviado por josean o Lun, 18/05/2020 - 22:19Os alumnos de 5º A traen moitas máis visións da personaxe, Ricardo Carvalho Calero retratado coa maestría da que só son quen os nenos e nenas do Sequelo.
Biografía de Ricardo Carvalho Calero polos nenos de 4º
Enviado por Menchi o Dom, 17/05/2020 - 21:46Os nenos de 4º estivemos coñecendo un pouco a vida e obra do autor das letras galegas do 2020 Ricardo Carvalho Calero e fixemos a biografía, caricaturas e un rap como homenaxe. Pincha nos enlaces se queres ler a biografía, ver as caricaturas, ler a letra do rap ou ver os nenos rapeando.
UNS ARTISTAS!!!
Caricaturas Ricardo Carvalho Calero (I)
Enviado por josean o Dom, 17/05/2020 - 21:20Tanto de xeito "artesanal" como ao xeito 2.0 os alumnos de 5º animáronse a deixarnos algunhas das súas recreacións da figura de Carvalho Calero, de máis mozo e de vello.
Poemas dende a casa (30): A dorna vai e ven
Enviado por josean o Dom, 17/05/2020 - 19:14Clara Lamas Seijo de 5º A, caracterizada para a ocasión, deixanos este marabilloso poema que Álvaro Cunqueiro trobou ao estilo das nosas cantigas medievais
Poemas dende a casa (29): Dramatizando a Carballo Calero
Enviado por josean o Dom, 17/05/2020 - 19:04Esperemos que non sexa verdade o título do poema de Carvalho Calero, inda que o seu significado fose moi outro. Breixo, Carlota, Laura e Alexandra logo de traballar este soneto do autor, recítanno para todos.
- « primeira
- ‹ anterior
- …
- 16
- 17
- 18
- 19
- 20
- 21
- 22
- 23
- 24
- …
- seguinte ›
- última »
![RSS - EDLG Distribuir contido](/centros/cepsequelomarin/misc/feed.png)