EDLG
Actividades Samaín 2021
Enviado por Anónimo o Xov, 21/10/2021 - 11:49Ola! son Birlo, como xa sabedes a mascota da biblioteca, que ando por aquí argallando cousas un ano máis.
Aquí vos deixo esta carta explicando o que o equipo de dinamización da biblioteca, o EDLG (Equipo de Dinamización da Lingua Galega), a ANPA e máis eu temos pensado para facer esta ano para celebrar un Samaín de medo!!!
Lede a carta atentamente e animádevos a participar!
Moitas grazas! Vémonos!
Que aprendemos... da danza de espadas
Enviado por josean o Xov, 07/10/2021 - 21:47Logo de todo o traballo que se levou a cabo no colexio, pedímoslles aos nenos que nos dixeran unha ou dúas cousas que aprenderan da nosa danza de Espadas. O resultado aquí o tedes:
Dos personaxes da danza e máis cousas
Enviado por josean o Mér, 06/10/2021 - 21:35Amir, Iván, Lía, Marcos, Andrea, Abel, Ramiro, Aylen, Luis e Iria falannos dos personaxes da danza e de certas cousas que se perderon nela. Un a un van esmiuzando quen é quen na Danza de Espadas de Marín.
Recompilación da proposta San Miguel 2021 "A danza de espadas"
Enviado por Anónimo o Mér, 06/10/2021 - 19:23Este curso empezamos traballando unha das tradicións máis arraigadas no nosa vila a festividade de San Miguel e a danza que se baila nesta data "A danza de espadas".
Foi unha proposta que nun principio partiu da ANPA Aidón, con intención de facelo dun xeito informal, pero que nos veu moi ben para empezar a facer noso o lema elexido para as bibliotecas este curso "A biblioteca escolar ten a palabra", poñendo o foco na palabra e na oralidade.
Así que propuxemos ao noso alumnado que preguntase ao que tiña máis preto, ás fontes orais: avós, pais, amigos, veciños... recollendo toda esta información.
Recuperamos deste xeito a utilización da biblioteca, como lugar de encontro, despois do parón do curso pasado derivado da situación producida pola COVID, e de restreno tras as obras que se realizaron a fin de curso.
O noso agradecemento á ANPA pola súa colaboración e implicación no desenvolvemento das actividades.
Deixámosvos a recompilación de como se desenvolveu toda a proposta.
A orixe da festa de San Miguel
Enviado por josean o Ven, 01/10/2021 - 21:27De maneira "extraoficial" a festa púxose en Setembro, porque alí cadraba San Miguel, pero por moitas outras cousas que tiñan que ver co xeito en que os mariñeiros se ganaban a vida, e así nolo contan Kenia, Antón, Aaron e Noa e aos mandos estiveron Uxía e Aitana de 5º
Danza de espadas: entrevista a Lois Dopazo
Enviado por josean o Ven, 01/10/2021 - 07:42A Radio Sequelo ponse en movemento outro ano mais e para conmemorar o día 29 de Setembro, acude ás nosas instalacións o Presidente do Padroado de Mareantes, Lois Dopazo, que nesta instructiva entrevista cóntanos moitas cousas ao redor da orixe, características e formación da danza de festas e da festa onde se integra.
A GAITA MÁIS ANTIGA DE MARÍN
Enviado por josean o Mér, 29/09/2021 - 07:45Hoxe, a Gaita máis antiga de Marín, 200 anos ten enriba, a gaita Marañona, propiedade dunha antiga saga de gaiteiros de Mogor quixo estar connosco para celebrar o día; e para o mesmo, trouxo con ela ao gaiteiro de Picuíña, José Gil Dopazo.
Isto foi o que nos contou:
A danza de Espadas: un exército en movemento
Enviado por josean o Lun, 27/09/2021 - 20:46Es quen de atopar aos "xefes" ou mestres de danza destas danzas de espadas das Rías Baixas e identificar que os diferencia dos demais danzantes?
Aprende ademais o nome do resto dos personaxes que conforman a danza de espadas de Marín.
A Figueira de Newton
Enviado por josean o Ven, 18/06/2021 - 19:31Animación feita con Scratch, idea orixinal de Breixo Vidal e narrado por el mesmo e Daniel Pastoriza Pidre. Unha versión nova do descubrimento da Gravidade por Newton
O Eco do Sequelo
Enviado por josean o Ven, 18/06/2021 - 17:12Que pasaba en 2015, cando os rapaces de 6º entraban no noso Centro? Pois moitas cousas como as que nos contan Candela, Carla, Alexandra, Maroua e Irene.
Todo iso xunto coa entrevista a algún dos mestres que estiveron con elas este ano. Revista feita con maquetas do Scribus.
20 Razóns para falar galego
Enviado por josean o Ven, 18/06/2021 - 07:31Os alumnos de 6º B aportan cadansúa razón para falar galego ou cando menos para non esquecerse da lingua que creamos os habitantes deste pequeno recuncho arriba e a dereita da Península Ibérica.
Entrevista á Profe Mar
Enviado por josean o Ven, 18/06/2021 - 00:53Entrevista moi interesante a que realizaron os alumnos de 6º á profe Mar, centrada na súa próxima despedida do colexio, pero esta vez dende a visión que temos os mestres de tódolos alumnos que ao longo dos anos pasaron polo noso centro.
E logo Zoe que nos conta unha divertida anécdota.
Premios Muralla de Lugo de Redacción
Enviado por josean o Xov, 17/06/2021 - 16:49Logo de moitas participacións sen conseguir outro resultado (que xa dabondo é) que os rapaces se interesasen por un dos monumentos máis interesantes do noso rico patrimonio, este ano volvimos té-la sorte de contar con outro finalista nos premios. Dende Lugo mandounos esta fotografía. Parabéns Xoel Sequeiros.
PRESENTACIÓN DO "BRICORROBOT"
Enviado por Anónimo o Ven, 04/06/2021 - 20:24Hoxe tivemos a oportunidade de observar de preto o "Bricorrobot" xunto ás explicacións que nos dou o seu propio autor, José María Viñas. Que mellor xeito de celebrar o Día Mundial do Medio Ambiente! Nesta actividade, que puido ser seguida por todo o alumnado do colexio no patio exterior cumprindo as normas do protocolo Covid-19, o seu autor explicounos como a partir dunha idea e botando man de materiais destinados ao contedor do lixo, se poden chegar a elaborar interesantes creacións plásticas. Todos, en maior ou menor medida podemos facelo.
Grazas, José María, polas túas expllicacións. Non deixes nunca de buscar formas de expresarte, non deixes nunca de soñar!
LÉ GALEGO
Enviado por josean o Ven, 04/06/2021 - 20:13Mellor explicado non podía estar: se les galego, se te emocionas coa cultura propia da lingua, acabarás usándoa.
CADERNO DE BITÁCORA
Enviado por josean o Ven, 04/06/2021 - 18:21Froito do Taller de Escritura que tódolos anos levamos a cabo en Sexto, este ano coa colaboración moi especial de poetas como Helena Villar Janeiro ou Antonio García Teijeiro xurde este Caderno de Bitácora que recolle moitos dos traballos dos nenos, todo aderezado con cadanseu Haiku (5-7-5)
DÍA MUNDIAL DO MEDIO AMBIENTE
Enviado por Anónimo o Mér, 02/06/2021 - 22:31" REIMAXINA, RECREA, RESTAURA"
O Equipo de Biblioteca e EDLG acordaron celebrar o Día Mundial do Medio Ambiente. Este venres, de 10 a 11.30 horas todos os grupos asistirán por quendas de 15 minutos a unha breve charla explicativa a cargo de José María Viñas, artista de vocación e autor do "BRICORROBOT", feito con material de refugallo. Nas aulas faranse distintas actividades relacionadas co coidado e conservación do noso planeta.
"Semana das Letras Galegas 2021"
Enviado por Anónimo o Sáb, 29/05/2021 - 13:27Deixámosvos esta recompilación das actividades ralizadas na "Semana das Letras Galegas 2021" dedicada a Xela Arias. (Desprazádevos para abaixo na barra lateral dereita para velas todas; clicande no cadrado para velas a pantalla completa.)
I Maratón Poético da Radio Sequelo
Enviado por josean o Ven, 28/05/2021 - 12:00Por mor do día das Letras Galega, dedicadas este ano a Xela Arias, tódalas aulas do centro participaron neste Maratón de Poesía Galega centrado na figura de Xela Arias e así na radio, oíronse poemas da autora, pero tamén de moitos outros autores galegos
1º B: Xela Arias e "O río" de Xoan Neira
1º A: Xela Arias e "O Arco da Vella" de Manuel María
4º: Xela Aria
6º B: "Cantiga de Amigo" de Joao Zorro, "O Alleado" de Manuel María e "Cantigas Populares" de Antón Fraguas Fraguas.
2º: Xela Arias e "A lúa" de Manuel María.
3º: Xela Arias, "Darío a Diarío"
5º A: "Burla Negra" e "Paseante" de Xela Arias
5º B: Xela Arias e "A casa de había unha vez" de Ana Mª Fernández
6º B: "Poema" de Xela Arias na revista Neboeiro
6º A: "Intemperiome" de Xela Arias e "A fala" de Manuel María
- « primeira
- ‹ anterior
- …
- 10
- 11
- 12
- 13
- 14
- 15
- 16
- 17
- 18
- …
- seguinte ›
- última »