Recoñecementos

Campións do mundo de vídeo submarino

Dende o IES Praia Barraña queremos felicitar á nosa querida compañeira Pilar Barros, profesora de Educación Física do noso IES, e á súa parella de mergullo, o tamén aprezado e recoñecido videógrafo submarino Jorge J. Candán, por acadar o primeiro posto do Campionato Mundial de fotografía e vídeo submarino CMAS 2019, na modalidade de vídeo submarino, celebrado entre os días 17 e 21 de setembro nas Illas Canarias. Parabéns, campións, por este novo éxito deportivo do que estamos moi orgullosos no IES.

*Premendo na imaxe pode verse o video gañador do Mundial de Jorge e Pilar.

ATA SEMPRE COMPAÑEIROS.

Este fin de curso tocou dicir ata sempre a algúns docentes do noso Instituto.

Os nosos compañeriros Ramón, Manuela e Isabel fan un punto e aparte na súa carreira profesional despois de moitos anos no IES Praia Barraña. Cada ún deles co seu estilo propio e sempre mostrando vocación é entusiasmo.

Por outra lado, tamén nos despedimos de Estrella, que traballou once anos no centro e que continuará en primeira linea noutro destino.

A todos eles, lle desexamos moita sorte e nos despedimos cun ATA SEMPRE!

O IES Praia Barraña sempre será a vosa casa.

colage xuvilacións.jpg

Alumnado de 2º de Bacharelato do noso IES participa na LV Olimpíada Matemática

Miranda Carou Laíño, Jorge Hermo González, Pablo Manuel Piñeiro Insua e Marina Ramallo Blanco, alumnos de 2º de bacharelato do IES Praia Barraña de Boiro participaron o pasado venres 18 de xaneiro na fase galega da LV edición da Olimpíada Matemática Española.

A proba celebrouse na facultade de Matemáticas de Santiago de Compostela. 107 alumnos e alumnas de centros de toda Galicia enfrontáronse a seis problemas repartidos en dúas sesións de 3 horas e media, unha pola mañá e outra pola tarde. Os tres mellores pasan a formar parte do equipo galego na fase estatal.

O gran labor da organización, co profesor Felipe Gago Couso, permitiu que os premios se entregasen esa mesma noite. Marina Ramallo Blanco, quen cursou a ESO no IES A Cachada, recibiu unha das dez mencións de honra e Pablo Manuel Piñeiro Insua acadou o 3º premio nesta edición da fase galega.

Este 3º premio supón a súa partipación na LV Olimpiada Matemática Española formando parte do equipo galego xunto con Júlia Misaki Anguera Zemba do IES Eduardo Blanco Amor de Culleredo e Roi Vence Nogueira do IES Eduardo Pondal de Santiago de Compostela. Este ano, a fase estatal da Olimpíada Matemática terá lugar en Ourense do 21 a 24 de marzo.

Pode atoparse máis información da olimpíada en http://www.usc.es/olympia/news.htm

XIII Bolsa Juan Lampón

A nosa alumna de 2º de ESO Sandra Folgar Martínez gañadora dunha das Bolsas Juan Lampón 2018. Os nosos parabén a Sandra e a todas as persoas premiadas en esta XIII convocatoria.

II Premio Concurso de Murais

(La Voz de Galicia, 13 de junio 2016)

Enlace á noticia aquí

XI edición Bolsas Juan Lampón: Lucía Da Costa Piñeiro

A alumna de 1º de ESO do IES Praia Barraña Lucía Da Costa Piñeiro ven de acadar unha das 6 Bolsas para deportistas Juan Lampón. Estas bolsas-homenaxe teñen por obxectivo recordar a memoria de Juan Lampón, un alumno moi ben querido do IES da Pobra do Caramiñal, e motivar a todas e todos a seguir un modo de vida apaixonado polo deporte e responsable cas obrigas académicas e persoais. Desde esta plataforma queremos dar a noraboa a Lucía e animar a todos e todas a que os esforcedes día a día no voso camiño.

eTwinning 2015: 1º Premio

V Concurso Europeo de Marcapáxinas- Letras Galegas 2015

O xurado do V Concurso Europeo de Marcapáxinas acordou conceder os seguintes premios:

1º premio (100 €): Ainoa García-Puertas Pérez – IES Praia Barraña, Boiro, Galiza, España
2º premio (75 €): Lisa Topi – Liceo Classico S. C. Calasanzio, Italia
3º premio (50 €): Héctor Oanes Ferrín – IES San Clemente, Santiago de Compostela, Galiza, España
Accésit (30 €): Ana – Escola secundaria Carlos Amarante, Braga, Portugal

Ao concurso, no que participaron 16 institutos de Portugal, Italia, Francia e España, presentáronse case 300 marcapáxinas a través do proxecto eTwinning Letras Galegas 2015 – Rosalía de Castro, que ten outras actividades como gravación de vídeos, curso de galego, cronoloxía e tradución de obras de Rosalía e de outros autores como o portugués Fernando Pessoa e o xenovés Edoardo Firpo.

Enlace aos outros premios aquí.


1º Premio: Ainoa García-Puertas Pérez – IES Praia Barraña, Boiro, Galiza, España

2 adxuntos

Primeiro Premio do VI Concurso de Murais de Azulexos da Costa da Morte co mural “Explotación-Conservación: Navalla e Longueirón”

O pasado xoves 5 de xuño tivo lugar en Cee o acto de entrega de premios do VI Concurso de Murais da Costa da Morte, patrocinado por Suministros LAR S.A.

Alumnos de 4º de ESO do IES Praia Barraña de Boiro participaron dende a asignatura de Educación Plástica e Visual, impartida por D. Pascual Vidal González.

O tema proposto nesta sexta edición eran os mariscos da Costa da Morte. Sendo que ao IES Praia Barraña tocoulles por sorteo ante notario representar “navallas” e “longueiróns”.

Preme a seguinte LIGAZÓN se queres visitar a galería completa de fotos

eTwinning 2014: IV Concurso Europeo de Marcapáxinas- IV European competition of Bookmarks

O xurado do IV Concurso Europeo de Marcapáxinas acordou conceder os seguintes premios:

1º premio (100 €): Sarai Outeiral Ces – IES Praia Barraña, Boiro, España
2º premio (75 €): Mariana Pinto e Rita Vieira – Escola secundaria Carlos Amarante, Braga, Portugal
3º premio (50 €): Raúl Cañas Sáez- IES Rey Don García, Nájera, España
Accésit (30 €): Reverdito- Liceo Classico S. C. Calasanzio, Italia
Accésit (30 €): Pereira Grille, Junior- IES Maximino Romero de Lema, Zas, España
Accésit (30 €): Ilona Kolbyko- Gimnazjum nr 3 w Lublini, Polonia
Accésit (30 €): Marialnés Mirás Otero, IES San Clemente, Santiago de Compostela, España
Accésit (30 €): Adriana Rodríguez Meniño, IES Pontepedriña, Santiago de compostela, España

Ao concurso presentáronse 367 marcapáxinas a través do proxecto etwinning “Letras Galegas 2014- Xosé María Díaz Castro”. Os traballos premiados poden verse na seguinte ligazón

Prizes of the fourth European competition of bookmarks:

1º premio (100 €): Sarai Outeiral Ces – IES Praia Barraña, Boiro, Spain

Euroscola 2013: TicBoiro equipo gañador

O IES Praia Barraña de Boiro gaña o concurso "Euroscola".

O equipo TicBoiro deste instituto é un dos dez finalistas de España, o que permitirá aos seus compoñentes converterse en eurodeputados por un día na sede do Parlamento Europeo en Estrasburgo. Os alumnos compartirán esta experiencia con outros mozos seleccionados dos outros estados membros da Unión Europea. A viaxe terá lugar en febreiro do 2014. Todo o traballo realizado está no blogue TicBoiro.