O mércores 24 de novembro un grupo de alumnos e alumnas achegáronse coas profesoras Pilar Barros e Carolina Fernández a Porto do Son, para participar nunha carreira de orientación organizada polo Programa Xogade. A carreira desenvolveuse no Campamento Virxe de Loreto, cunha organización que merece os nosos parabéns e nunha paraxe do máis axeitada. O noso alumnado puxo en práctica as súas habilidades e todos e todas foron quen de completar a proba. Pasaron unha mañán estupenda ao aire libre e activándose. Agardamos a seguinte convocatoria do programa con moitas ganas.
