Skip to Content

Eventos

Select event terms to filter by
Select event type to filter by
Martes Outubro 10, 2017
Start: 09/10/2017
End: 10/10/2017

Se falamos de COMUNICACIÓN no ámbito científico, non podemos esquecer a importancia da divulgación como medio para facer accesible a ciencia a todo tipo de público. O papel que veñen desenvolvendo dende o Observatorio Astronómico Ramón María Aller, da USC neste eido nos últimos anos, fai posible que dende moitos recunchos de Galicia todos aqueles que estean interesados poidan  ver dende un telescopio planetas, nebulosas, estrelas...

O programa Todocosmos, financiado pola Fundación Española para a Ciencia e a Tecnoloxía (FECYT), achegou tamén a astronomía ao noso IES. O 10 de outubro, ao solpor, os alumnos do ciclo e de 2º de bacharelato recibiron unha charla sobre orientación a través do ceo nocturno e sobre a vida das estrelas. A conferencia foi organizada polo departemento de Física e Química e impartida polo investigador Pedro Pablo Campo. Tras un paseo por buratos negros, estrelas de neutróns, xigantes vermellas..., os nosos alumnos e alumnas aproveitaron para preguntar a un experto moitas desas cuestións que nos facemos a miúdo sobre os misterios do Universo.

A continuación observamos Saturno e os seus aneis, a nebulosa do anel e algún cúmulo de estrelas.

Agradecemos á USC e á FECYT esta xornada tan interesante!

Xoves Outubro 12, 2017

Alumnos e alumnas de 4º de ESO e 1º de Bacharelato visitaron a semana pasada a exposición "A saga do bacalhau"" no Museo Marea. Organizada polo profesor Raúl Soutelo, do departamento de Xeografía e Historia, enmárcase nun proxecto didáctico de fomento entre o alumnado do "coñecemento empírico da importancia da pesca e das actividades derivadas dela nas sociedades costeiras na época contemporánea". A exposición que pertence ao Museo Marítimo de Ílhavo, en Portugal, está a percorrer varios puntos de Galicia no marco do proxecto Morada Atlántica.

Como ben sabedes, o bacallau é un dos referentes gastronómicos de Portugal. Destrás desta tradición hai unha dimensión económica, política e cultural da que dá conta a mostra. Formada por obxectos relacionados con esta actividade que levou a moitos mariñeiros a Terra Nova e Groenlandia e polo testemuño do xornalista australiano Alan Villiers -un libro, un filme e unha reportaxe fotográfica de 1951-, fálannos dun duro traballo non moi afastado da nosa propia historia. 

 

Luns Outubro 16, 2017
Start: 16/10/2017 14:04

FOLLETO INFORMATIVO

DE COMEZO DE CURSO

 

Información para nais e pais sobre:

Estrutura orgánica do IES.

Normas xerais de convivencia.

Asociacións e representación de pais e alumnos.

Claustro de profesores.

Representantes do Consello Escolar.

Actividades que se realizan no IES.

Horario académico do centro.

Horario de visitas e oficina.

Plan de estudos: ESO

Plan de estudos: Bacharelato.

Formación profesional: Ciclo.

Calendario de avaliacións.

 

 

Start: 16/10/2017 23:49

Xa hai uns anos Fanfarra de soños estivo connosco para levarnos ao mundo do teatro na radio. Este ano traballaremos o tema interdisciplinar da COMUNICACIÓN e da súa man veñen xa os nosos primeiros pasos, grazas a esta actividade ofrecida dende a Área de Xuventude do Concello. O blog da biblioteca recolle este obradoiro no que o alumnado creo a peza Unha noite de Samaín. Ficamos á espera de poder escoitala!

Podedes ler máis nesta entrada do blog da biblioteca:

Venres Outubro 20, 2017
Start: 20/10/2017 19:44

Esta mañá a chuvia non foi quen de estropear a xornada de acollida para os rapaces e rapazas de 1º de ESO que organizou o alumnado de Artes Escénicas de 4º de ESO, coordinado por Ánxela Doval, profesora do departamento de Filosofía. Estes preparáronlles xogos en diferentes espazos do centro. Trátase dunha actividade que forma parte do Plan de Acción Titorial que ten como obxectivo darlles a benvida ao centro e crear un sentimento de grupo que favoreza a convivencia ao longo do curso. Esta complementarase coa "Ruta da auga" que realizarán o luns que vén na que asentarán os primeiros chanzos para o traballo por proxectos. Este ano: COMUNICACIÓN  (convivencia, diálogo, respecto...).

É un pracer velos felices!!! Un ano máis, o esforzo dos mozos e mozas de Artes Escénicas fíxoo posible!!! Moitas grazas!!!!!!!

 

Luns Outubro 23, 2017

O alumnado de 1º ESO sairá a facer un roteiro desde o IES ata a ponte de Cans.

Coñecer o entorno é coñecernos a nós mesmos.

Iniciamos o curso 2017-18, un ano máis, coa Ruta da Auga. Supón o inicio do traballo por proxectos en 1º de ESO, poñer os primeiros chanzos da convivencia desta nova xeración, crear conciencia de grupo, fomentar no alumnado o interese por coñecer o entorno e respectalo, transformar o concello de Porto do Son nunha aula, abrir as portas do centro a todo o que pode estimular o interese pola formación e transformar os mozos e mozas que pasan polo IES de Porto do Son nos seus mellores embaixadores. 

Foron guiados polos alumnos e alumnas do Ciclo de Condución de Grupos no Medio Natural. Unha primeira práctica para a maioría, e unha oportunidade de demostrar o aprendido para algúns deles. Teñen no propio centro unha recreación do que puideran ser os seus primeiros "clientes": 60 rapaces novos e os seus profesores! E FIXÉRONO MOI BEN! Podedes velo neste vídeo:

 

Venres Outubro 27, 2017
Start: 27/10/2017 19:13

O alumnado de 1º de ESO tivo esta semana unha lección especial de lingua castelá. Rocío, a nosa compañeira do departamento de Orientación, ensinoulles como comunicarse coas mans. Podedes ver a entrada no blog da biblio.

 

Martes Outubro 31, 2017
Start: 31/10/2017 12:00

APROBACIÓN DO PROGRAMA DE ACTIVIDADES COMPLEMENTARIAS E EXTRAESCOLARES

Xa hai uns anos Fanfarra de soños estivo connosco para levarnos ao mundo do teatro na radio. Este ano traballaremos o tema interdisciplinar da COMUNICACIÓN e da súa man veñen xa os nosos primeiros pasos, grazas a esta actividade ofrecida dende a Área de Xuventude do Concello. No blog da biblioteca podedes ver máis imaxes deste obradoiro no que o alumnado creou a peza Unha noite de Samaín: 

UNHA NOITE DO SAMAÍN

Mércores Novembro 01, 2017
Xoves Novembro 02, 2017

Actividade do Ciclo. Samaín. De 18:30h a 24:00h 

Venres Novembro 03, 2017

O alumnado de 2º de ESO asistirá á XVIII Mostra de Curtas Vila de Noia no Coliseo Noela. De 10:50h a 13:10h. 

O alumnado de 4º de ES  visitará o museo das Minas de San Finx. Complementa a lectura da obra Febre, de Héctor Carré. Departamentos de Lingua Galega e Xeografía e Historia. 

Domingo Novembro 05, 2017

Educación para a saúde, charlas da Asociación Farasa para 1º de ESO, 2º de ESO e 4º de ESO dentro do Plan de Acción Titorial.

Educación para a saúde, charlas da Asociación Faraxa para 1º de ESO, 2º de ESO e 4º de ESO dentro do Plan de Acción Titorial.

A biblioteca do centro celebra o Samaín sacando os fondos aos corredores, con curtas de medo e cun concurso de relatos de medo

 

Noia está estes días engalanada para recibir a sétima arte e nós asistimos o venres pasado como convidados á sección “Curta Cativa”, no Coliseo Noela. En colaboración con "Aldeas Infantís", que celebra este ano o seu 50 aniversario, proxectaron as curtametraxes DistintosVuelta al mundoPrincesa de hielo, e Pez, que se enmarcan dentro do programa  que permite levar a cabo a loita polos dereitos infantís “Yo también cuento”. Na mesma liña, The Box, que nos emocionou lembrándonos o problema dos nenos refuxiados que foxen da guerra de Siria. O alumnado de 2º de ESO disfrutou unha mañá de cine e valores. A saída insírese no tema interdisciplinar da Comunicación e ten especial interese para os mozos e mozas que cursan a materia de ITI, centrada neste nivel no tratamento da alfabetización audiovisual.

 

 

O alumnado de 4º de ESO visitou o venres pasado as minas de San Finx. Foi unha saída interdisciplinar organizada polos departamentos de Lingua Galega e Xeografía e Historia que complementa o traballo realizado a partir da lectura da obra Febre, de Hector Carré, ambientada na zona de Noia e Lousame na época da "febre do wolframio". Os guías mostráronlles os diferentes espazos da zona, a sala do museo e déronlles unha charla sobre a historia da mina. Hai uns anos o autor estivera no centro e, daquela, o alumnado, que tamén se desprazara a Noia e á mina, fixéralle unha entrevista ao autor na nosa biblioteca. 

 

Martes Novembro 07, 2017

 

Onte pola mañá o alumnado de Artes Escénicas foi entrevistado na radio municipal. Falaron do proceso de creación da súa peza A noite de Samaín, creada con Fanfarra de Soños no obradoiro de radioteatro que nos ofreceu o Concello. Estes mozos e mozas, e a súa profesora, Ánxela Doval, salientaron a importancia da dinámica creada, da estimulación... Aprenderon a importancia de comunicar nun medio no que a expresividade se basea principalmente na voz. A valoración da actividade foi moi positiva, tanto por parte do alumnado como do profesorado. Repetiremos!!!

Achegámosvos o podcast do programa:

Na prensa sacaron a nova: 

Mércores Novembro 08, 2017

Para o alumnado de BACH. Prestade atención ás

NOTAS DE CORTE do 2017/2018 e aos

PARÁMETROS DE PONDERACIÓN

das materias ABAU 2018/2019.

Xoves Novembro 09, 2017
Distribuir contido


by Dr. Radut