Skip to Content

"A SAGA DO BACALHAU" NO MUSEO MAREA

12/10/2017

Alumnos e alumnas de 4º de ESO e 1º de Bacharelato visitaron a semana pasada a exposición "A saga do bacalhau"" no Museo Marea. Organizada polo profesor Raúl Soutelo, do departamento de Xeografía e Historia, enmárcase nun proxecto didáctico de fomento entre o alumnado do "coñecemento empírico da importancia da pesca e das actividades derivadas dela nas sociedades costeiras na época contemporánea". A exposición que pertence ao Museo Marítimo de Ílhavo, en Portugal, está a percorrer varios puntos de Galicia no marco do proxecto Morada Atlántica.

Como ben sabedes, o bacallau é un dos referentes gastronómicos de Portugal. Destrás desta tradición hai unha dimensión económica, política e cultural da que dá conta a mostra. Formada por obxectos relacionados con esta actividade que levou a moitos mariñeiros a Terra Nova e Groenlandia e polo testemuño do xornalista australiano Alan Villiers -un libro, un filme e unha reportaxe fotográfica de 1951-, fálannos dun duro traballo non moi afastado da nosa propia historia. 

 



EQUIPO DE DINAMIZACIÓN DA LINGUA GALEGA

story | by Dr. Radut