O xoves 4 de marzo, alumnado de 3º ESO do IES Pedregal de Irimia participou, xunto con centros de toda Galicia, na I Olimpíada Junior de Xeografía organizada polo Colexio de Xeógrafos de Galicia. María, Diego, Sergio, Kevin, Hugo, Teo e Antón, que quedou clasificado no cuarto posto, deixaron o noso pavillón ben alto.

Hoxe a organización enviounos os diplomas acreditativos da participación, uns agasallos e o premio para o cuarto clasificado.

Parabens!!

Tres técnicos do Parque Eólico Experimental de Sotavento achegáronse o venres, día 9 de abril, para realizar un obradoiro de enerxías renovábeis co alumnado de 3º da ESO (e 2 de Física de 2º de Bacharelato). As actividades, realizadas no interior e no exterior do IES Pedregal de Irimia, constaron dunha parte teórica e dunha práctica na que os/as rapaces/zas puideron observar o funcionamento dunha cociña solar, dunha placa solar térmica e de moitas maquetas relacionadas co mundo das enerxías renovábeis. A actividade, organizada polos departamentos de Tecnoloxía e Física e Química, rematou cun xogo de "Pasapalabra" e cun chocolate "solar" para todos os/as participantes.

Tags:

O luns, 22 de marzo de 2021, contamos coa presenza da ilustradora Bea Lema no IES Pedregal de Irimia. Bea impartiu un obradoiro con alumnado de 1º de Bacharelato dentro do programa "ilustrarNOS" que promove a Área de Cultura da Deputación de Lugo.

A actividade foi promovida polo departamento de EPVA, preme aquí para ter información e ver as imaxes.

Se queredes ver todos os vídeos creados polo alumnado e profesorado participante no proxecto UMBRELLA, aquí tedes esta ligazón.

Distribuir contido