A través deste enlace teredes acceso á páxina do proxecto Euro-vision: Visions of Europe no que mostramos escenas primaverais en distintas partes de Europa.

05/06/2019 13:45

No ano 2019 do calendario terrícola, os humanos tiveron o primeiro contacto extraterrestre. Sete habitantes do Planeta Amarelo visitáronnos durante sete semanas. Esta é a historia da súa experiencia na Terra.

 

A Consellería de Educación, Universidade e Formación Profesional  publicou a seguinte ORDE do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20.

 

Estamos na primavera, tempo de traballar a horta: sachar,  quitar herbas, transplantar, regar....; os meses de maio e xuño é tempo para sementar (leitugas, pementos, tomates, coles de Bruxelas...). Por iso o alumnado de 2º de ESO do noso centro que cursa ARMN (Aproveitamento de Recursos do Medio Natural), xunto co seu profesor, Mario Outeiro, dispóñense a traballar no invernadoiro do centro, e poñer en práctica os seus coñecementos.

Aquí nos queda a proba do seu esforzo!

O pasado 16 de maio o alumnado de segundo de Bacharelato do IES Pedregal de Irimia, celebrou no Centro Sociocultural de Meira a súa festa de graduación. Tanto co video proxectado coma coas intervencións de varias alumnas ou da titora, agromaron lembranzas, agradecementos e moitas emocións, que continuaron durante os petiscos cos que esta promoción quixo agasallar ao profesorado e familiares. A continuación tivo lugar unha cea nun establecemento da vila, preludio dunha longa noite de festa. 

As 32 persoas que integraron o grupo tomarán agora camiños distintos, dende a incorporación a ciclos formativos ata a preparación das probas da ABAU, coa ollada posta nos estudos universitarios.

Distribuir contido