IES Pazo da Mercé |

Datos de convivencia. Curso 2017/2018

Achéganse os datos de convivencia durante este curso académico.

A análise reflicte que é a Formación Básica ! a que presenta unha porcentaxe máis elevada de incidencias. Este grupo formado por 17 alumnos/as representa o 6% do alumnado do centro e acumula o 45% das incidencias.

En canto á ESO, congrega ao 65% do alumnado do centro e as incidencias concéntranse nos grupos de 1º e 2º ESO.

Ler máis

Resultados académicos do curso 2016/2017

Achéganse os datos dos resultados académicos do curso 2016/2017 na avaliación ordinaria.

Ler máis

Propostas de tarefas para o verán

Nos seguintes enlaces podedes atopar as tarefas propostas para o verán polo profesorado:

Inglés 3º ESO 4º ESO 1º BAC FPB: facer de novo os exercicios e temas dados ao longo do curso utilizando o mesmo material que utilizamos durante o curso. A maiores, de maneira voluntaria, en 3º e 4º da ESO, podedes mercar os libros que aparecen nas seguintes imaxes. Queda un solucionario en conserxería para que o poidades fotocopiar e levar para casa. O alumnado de 4º da ESO co inglés pendente de 3º, deberá obrigatóriamente mercar este libro e fotocopiar o solucionario.

Revista O Serodio

Actividades no centro

Aquí vos deixamos a revista O SERODIO do curso 2016/17. Como ben indica o seu nome, sae tarde, pero sae. Grazas a todo o profesorado e alumnado que se implicou na súa elaboración. Esperamos que vos guste e que sigamos a recuperar tradicións do I.E.S. Pazo da Mercé que merecen ser recuperadas. Feliz verán a todos e todas!

Fin de curso

Saídas extraescolares

O venres 23 demos por rematadas as aulas. O noso alumnado e profesorado acompañante, celebraron durante a mañá a despedida lectiva asistindo a un festival no Auditorio do Concello das Neves. Foi un espectáculo moi bonito, cheo de alegría, sentido do humor e música. Deleitáronnos co seu bo facer o grupo Odaiko, e tamén participou cos seus instrumentos, canto e baile alumnado do centro, a quen felicitamos pola súa actuación. Parabéns que se estenden ao profesor Anxo Abalde por argallar un evento tan gratificante e axeitado, para este remate de curso. Agradecemos ao Concello das Neves que, coma sempre que se lle pide, nos cedese as instalacións do Auditorio. E, sobre todo, transmitimos a todas e todos o desexo dun feliz verán. Volveremos atoparnos o 15 de setembro!!!!

Ler máis

Acto co alumnado de 2º de Bacharelato e 2º de Ciclo

Actividades no centro

Este luns 19 celebramos o acto de homenaxe ao alumnado que remata 2º de Bacharelato e de Ciclo. Por primeira vez no noso instituto compartimos todo este alumnado e todo o persoal do centro, xunto coas familias, un evento tan emotivo e especial. Nun salón de actos cheo, abriu a sesión o director dando a benvida a todas as persoas presentes. A continuación falaron o titor de 2º Ciclo e un representante deste alumnado, e logo a titora de 2º Bacharelato e un alumno do grupo, para evocaren momentos vividos, situacións, algunha anécdota... e seren conscientes da nova etapa que se abre, sempre con ilusión e esperanza.