Esta mañá ás 11:30 horas o alumnado do centro e mais o profesorado e persoal non docente concentrouse durante 5 minutos para facer público o seu rexeitamento polos incendios que afectaron durante esta fin de semana a toda Galicia e Portugal, e máis cando o concello das Neves foi un dos máis afectados e o propio centro, do cal ardeu toda a horta e mais os xardíns. Cómpre destacar que gran parte do noso alumnado sufriu as consecuencias do lume e veu como ardían plantacións, terras, xardíns, ferramentas de traballo, animais... Por todo o acontecido, nos concentramos e logo gardamos un minuto de silencio na escalinata do centro.
LUMES NUNCA MÁIS
