Ve a luz un número máis da revista de toda a comunidade educativa do I.E.S. Pazo da mercé. Como o seu nome indica, sae tarde, ao final de cada trimestre e este ano case enriba das datas das vacacións do inverno.
Dende a Dirección e o EDLG, queremos agradecer a participación de todos e todas as colaboradoras que fixeron posible este novo número. Adoitamos imprimir 300 exemplares e están á vosa disposición nunha mesa fronte á Conserxería do centro totalmente gratuita, aínda que facela realidade ten o seu custe económico que minimizamos grazas ao voluntarismo dos e das colaboradores e colaboradoras.
No segundo trimestre sairá outro número. Rogamos a toda a comunidade educativa que faga as súas aportacións e sinta esta revista como súa.
Adiante co Galego! Sempre en Galego!
Este xoves 23 de xaneiro, o xornalista Emilio Varela, que conta cunha longa traxectoria na elaboración de proxectos de divulgación medioambiental, presentounos unha viaxe pola área mediterránea na que, utilizando o vulcanismo como fío condutor, desenvolveu un proxecto transversal no que se entrelazan temas de xeoloxía, historia, filosofía e ecoloxía.
Aquí vos presento ao noso marabilloso equipo de dinamización lingüística do Galego coa nova camiseta que os identifica e do trinqui. Eles e elas escolleron o lema da camiseta "En Galego, Enténdote" escolleron tamén a cor, azul celeste , unha das cores de galiza, e do celtiña de Vigo, por que non dicilo?.Eles e elas van ter unha Misión ( imposible?, non creo) durante o que resta do mes de xaneiro e durante todo o mes de febreiro. A misión consiste en conseguir neofalantes en galego, é dicir, conseguir que compañeiros ou compañeiras que adoitan falar en castelán, comecen a falar o galego de maneira habitual. Difícil reto, xa o sabemos, mais temos que tentalo. Haberá éxitos e fracasos pero , é que a vida é así, ou?
A profesora de filosofía Chis Oliveira ofreceu unha sesión formativa para o Comando igualdade e Diversidade que se está a crear no IES. O primeiro Comando Igualdade creouse no 2009 baixo a batuta desta profesora cando daba aulas no IES Alexandre Bóveda.
O 20 de xaneiro a profesora da Universidade de Vigo Amada Traba e a filósofa Chis Oliveira conversaron co alumnado dos Bacharelatos en torno ao tema do amor.
