Skip to Content

Escolares

PREMIOS EXTRAORDINARIOS BACHARELATO: NORABOA FERNANDO

Fernando Apolinar Rodríguez, alumno do IES Otero Pedrayo, foi un dos vinte galardoados nos premios extraordinarios de Bacharelato 2018/ 2019 que a Consellería de Educación concede, Mil parabéns, Fernando! Foi un luxo para o Otero contar cun alumno coma ti. Parabéns, tamén, ao resto dos galardoados

FIN DE CURSO 2018-19!

Sáb, 14/09/2019 - 20:25 — admin

Coas finais deportivas (fútbol sala, rugby-cinta, voleibol e balonmán),  así como co Festival fin de curso desenvolvido no Paraninfo o venres 21 de xuño, damos por finalizado este 2018-19. 
Foron 9 meses cargados de actividades de todo tipo: teatro, cinema, musicais, obradoiros, charlas e conferencias, visitas pictóricas, museos, clubs de lectura, cursos de defensa persoal, exposicións...

VIAXE CULTURAL A ASTURIAS

Sáb, 14/09/2019 - 20:24 — admin

No IES Otero Pedrayo, a viaxe a Asturias de 2º da ESO é todo un clásico.

Desde a primeira visita ás Médulas, os nosos rapaces e rapazas gozaron do casco histórico e catedral de León, o Museo de minería de Asturias, Basílica de Covadonga, subida aos Picos de Europa, visita ao Museo do Jurásico, Xixón, Cudillero e remataron coa visita á praia das Catedrais, Fontemiña, Castro de Viladonga e visita de Lugo.

OLIMPÍADA DE HISTORIA

Unha vez máis, o alumnado do IES Otero Pedrayo estivo presente na Olimpíada de Historia.  Esta nova edición celebrouse o 24 de maio na facultade de Humanidades do Campus ourensán. Non chegaron á final, pero foi unha experiencia moi positiva.

 

 

LETRAS GALEGAS 2019

Antonio Fraguas: "Ser galeguista non é máis que ser amante da nosa terra".

As letras galegas do presente ano están adicadas a Antonio Fraguas. O IES Otero Pedrayo quixo festexalas con diferentes actividades:

TRATA E PROSTITUCIÓN FEMININA

Dentro do Plan de Innovación Educatica Proxecta, Por 365 días de respecto e igualdade, o alumnado de 4º da ESO tivo o privilexio de asistir a unha charla sobre a trata e a prostitución feminina, impartida pola Fundación Amaranta. O fin desta fundación é favorecer a integración persoal e a incorporación social de mulleres afectadas pola prostitución e outras situacións de exclusión. Grazas, Lidia, por mostrarlle esta realidade tan dura ao noso alumnado. Parabéns polo voso traballo.

GRADUACIÓN CURSO 2018-19

A promoción 2018-2019 de 2º BAC xa está graduada! Nun acto académico emotivo e cheo de complicidades coas familias e co profesorado, o noso alumnado recolleu o seu diploma e recordou o paso polo IES Otero Pedrayo.

Noraboa a todas e a todos!

EXCURSIÓN ÁS ILLAS CÍES

Cíes foi outra das viaxes que o alumnado do IES Otero Pedrayo puido disfrutar. Os rapaces e rapazas de 2º da ESO D gozaron deste paraíso natural, cun guía que lle foi explicando flora e fauna da illa. Foi unha excursión ben aproveitada!

Grazas á súa titora, Lourdes, polo magnífico traballo feito co seu alumnado.

Ensino público. Ensino de calidade.

VIAXE CULTURAL A LONDRES

LONDRES. Este foi o destino que o alumnado de 4º da ESO escolleu para celebrar o seu fin de ciclo. Foi unha viaxe cultural do máis completa; foron días nos que gozaron de cada un dos recunchos londinenses; foron días nos que tiveron a oportunidade de practicar a lingua oral inglesa; foron días nos que viviron mil e unha experiencias; foron días que non van esquecer nunca. Grazas a Marga e a Moncho por acompañalos e ser os mellores guías.

Ensino público. Ensino de calidade.

CHARLA SOBRE AGRICULTURA ECOLÓXICA

Dentro do proxecto do Horto Escolar, o alumnado do IES Otero Pedrayo puido disfrutar, o luns 20 de maio, dunha charla interesantísima por parte do CRAEGA (Consello Regulador da agricultura ecolóxica).

Os nosos rapaces e rapazas están moi concienciados da importancia que a agricultura ecolóxica ten que ter na nosa sociedade. No noso centro, os nosos hortos son totalmente ecolóxicos. Teoría e práctica sempre deben ir da man.

Distribuir contido


by Dr. Radut