Escolares

O xoves, 31 de xaneiro, o alumnado de Francés do IES Otero Pedrayo foi ao teatro. Nesta ocasión, a obra que foron ver os nosos rapaces e rapazas tiña unha peculiaridade: estaba en francés! Le malade imaginaire foi o título da obra e a representación foi no Auditorio de Ourense.

Este tipo de actividades son o complemento perfecto á materia vista nas aulas.

No IES Otero Pedrayo damos por concluído o ciclo da charla que, desde a Comisaría Provincial de Policía de Ourense, tan amablemente nos viñeron dar ao noso centro. 

O alumnado do IES Otero Pedrayo sempre está a descubrir "novos mundos". Neste caso, e dentro do marco do OUFF, a nosa rapazada de 4° ESO tivo a sorte de poder asistir a un taller de dobraxe no Centro Cultural Marcos Valcárcel. Foi magnífico! Despois dunha parte introdutoria en clave humorística, eles mesmos tiveron a oportunidade de poder dobrar un fragmento (tamén en clave de humor) dun dos seus filmes favoritos. Canto aprendemos e canto nos rimos! Aí van algunhas fotos da sesión: 

Como non podía ser doutro xeito, o IES Otero Pedrayo non quixo deixar pasar de largo unha data destas características,  na q hai tanto aínda por reivindicar.  Foron moitas as actividades q xiraron arredor dela: 

- O primeiro que quixemos foi visibilizala e, para iso, colocamos varios paneis na entrada con siluetas de muller a frases alusivas ao tema. Tamén, con este obxectivo, fixemos cartelería na que destacamos unha idea: as nosas aulas, os nosos laboratorios, a nosa biblioteca, a nosa sala de profes; en definitiva, o noso IES está libre de violencia.

A Real Academia Galega escolleu o noso centro para conmemorar os 150 anos da publicación da primeira gramática galega científica:  a Gramática Gallega,  de Juan Antonio Saco e Arce. Desde hoxe, xoves 22 de novembro, loce no claustro do noso instituto unha exposición completa que enmarca ao crego de Alongos no seu tempo.