Skip to Content

Escolares

EXCURSIÓN ALUMNADO DE ECONOMÍA.

Se algo lles gusta ao alumnado de Economía é visitar empresas. Nesta ocasión, os rapaces e rapazas desprazáronse ata a Coruña para visitar as fábricas do xigante téxil Inditex (en Arteixo) e tamén a téxtil Jevaso, no mesmo parque empresarial.

EXPOSICIÓN E OBRADOIRO "CARTAS DE AMOR"

Mirade cono loce un dos claustros do noso instituto coa exposición cedida pola Secretaría de Igualdade 'Cartas de amor. 15 artistas contra a violencia de xénero'. Son 15 láminas con cadansúa unidade didáctica. O noso alumnado disfrutou véndoas e traballándoas a través dun obradoiro didáctico e divertido. 

SAN VALENTÍN

Cupido andou facendo das súas o Día dos Namorados (14 de febreiro) e a través do alumnado de 4° ESO que viaxará a Londres, encheu o Otero Pedraio de poemas, flores e moito, moito amor.

A rapazada de 4° sacou cartos para a viaxe de fin de curso e profesorado e alumnado quedamos encantados cunha iniciativa tan riquiña.

Aí vai algunha das flores que os rapaces e rapazas fixeron e repartiron.

21 DIAS CO GALEGO E MÁIS

O Proxecto dos 21Días co galego e máis segue dando que falar!

O xornal escolar de La Región fíxolle unha ampla reportaxe ao noso alumnado recollendo as súas impresións tras finalizar esta aventura.

Tamén Telemiño, nas noticias do sábado, deu cumprida información sobre este proxecto, con vídeos e entrevistas á nosa rapazada.

VISITA DE LEDICIA COSTAS

Ao alumnado do Otero Pedrayo encántalle coñecer ás e aos escritores dos libros que len nas aulas.

A semana pasada foi Antón Lopo quen nos visitou e esta semana foi Ledicia Costas. Ela é a autora de Unha estrela no vento (lido en 2° ESO) e O corazón de Xúpiter (lectura de 3° ESO).

Foi unha charla amena, divertida e moi participativa.

MÁIS TEATRO NO IES OTERO PEDRAYO!

Asistir a unha representación teatral é unha actividade que sempre lle encanta ao noso alumnado.

Nesta ocasión, foron os rapaces e rapazas de 2°ESO os que se achegaron ao Teatro Principal a ver un dos clásicos da Literatura Española: El Lazarillo de Tormes. 

Saíron preguntando cal sería a próxima representación á que asistirían...

IMOS AO TEATRO!

O xoves, 31 de xaneiro, o alumnado de Francés do IES Otero Pedrayo foi ao teatro. Nesta ocasión, a obra que foron ver os nosos rapaces e rapazas tiña unha peculiaridade: estaba en francés! Le malade imaginaire foi o título da obra e a representación foi no Auditorio de Ourense.

Este tipo de actividades son o complemento perfecto á materia vista nas aulas.

OLIMPÍADA DE BIOLOXÍA.

A olimpíada de Bioloxía celebrouse na Coruña e contou con representación do noso centro. Foron catro os rapaces e rapazas que participaron. A pesar de levala moi preparada, este ano tampouco puido ser. O noso recoñecemento ao traballo de todos eles e elas. Aí vai unha foto dos participantes na olimpíada de Bioloxía. Entre eles, os olímpicos e olímpicas do Otero Pedrayo.

CHARLAS IMPARTIDAS POLA POLICÍA NACIONAL

No IES Otero Pedrayo damos por concluído o ciclo da charla que, desde a Comisaría Provincial de Policía de Ourense, tan amablemente nos viñeron dar ao noso centro. 

EXPOSICIÓN “OUTONO FOTOGRÁFICO: FOTOGRAFÍA CON PÉ EN GALEGO”

Na presente mostra recóllense as fotografías levadas a cabo polo noso alumnado co gallo da celebración da primeira edición do concurso convocado no noso centro polo Equipo de Normalización da Lingua Galega baixo o título “Concurso fotográfico con pé escrito en galego”.

A INTENCIÓN DESTA MOSTRA

O Equipo de Dinamización da Lingua Galega convocou un concurso fotográfico con pé de foto en galego aberto á participación de todo o alumnado do centro.

Distribuir contido


by Dr. Radut