Skip to Content

Escolares

VIOLENCIA DE XÉNERO NA PUBLICIDADE E NOS MEDIOS DE COMUNICACIÓN

VIOLENCIA DE XÉNERO NA PUBLICIDADE E NOS MEDIOS DE COMUNICACIÓN é o título da charla- obradoiro á que asistiu hoxe o noso alumnado de 1° da ESO, aínda dentro da programación do 8M, DÍA INTERNACIONAL DA MULLER. 

 

O obxectivo principal é proporcionarlles ás nosas mozas e mozos ferramentas que lles permitan coñecer e recoñecer calquera tipo de violencia, por moi sutil que esta sexa, nun mundo tan poderoso como é o da publicidade e os medios de comunicación. 

Grazas ao plan de innovación educativa, plan proxecta "Por 365 días de respecto e igualdade" por ofrecernos charlas tan interesantes e tan necesarias.


IES OTERO PEDRAYO. ENSINO PÚBLICO. ENSINO DE CALIDADE.

8M, DÍA INTERNACIONAL DA MULLER

8M, DÍA INTERNACIONAL DA MULLER

 

Un ano máis, o IES Otero Pedrayo está a desenvolver unhas novas xornadas "Pola igualdade", arredor da data do 8 de marzo. Charlas, obradoiros, confección de presentacións, lectura do manifesto, música pola igualdade, exposición de mulleres científicas... son algunhas das actividades que conforman estas xornadas.

 

NO OTERO, SEMPRE POLA IGUALDADE.

 

 

IES OTERO PEDRAYO. ENSINO PÚBLICO. ENSINO DE CALIDADE.

MULLERES NA CIENCIA

MULLERES NA CIENCIA é o nome da exposición que xa loce no IES Otero Pedrayo.

Grazas a EXXPERIMENTA EN FEMININO, da Universidade de Vigo (Campus de Ourense) por ofrecernos a posibilidade de coñecer a historia destas mulleres que fixeron unha contribución tan relevante ao mundo científico.

 

 


8M, DÍA INTERNACIONAL DA MULLER 


IES OTERO PEDRAYO. ENSINO PÚBLICO. ENSINO DE CALIDADE.

VIOLENCIA DE XÉNERO E O NOVO CONTEXTO DIXITAL

VIOLENCIA DE XÉNERO E O NOVO CONTEXTO DIXITAL é o título da charla, enmarcada dentro da programación do 8M, DÍA DA MULLER, á que hoxe asistiu o alumnado de 2° da ESO.

Grazas a Pantallas amigas e, en concreto, a Íñigo Zaballos por impartir estes obradoiros tan necesarios na actualidade.

 

 


IES OTERO PEDRAYO. ENSINO PÚBLICO. ENSINO DE CALIDADE

CHARLA: " A violencia nas relacións de parella adolescentes"

" A violencia nas relacións de parella adolescentes" é o título da charla coa que onte botamos a andar as III xornadas NO OTERO, POLA IGUALDADE, enmarcadas dentro do 8M, DÍA DA MULLER. 

Grazas ao Centro Integral de Recuperación de Mulleres maltratadas de Santiago por ofrecerlle ao noso alumnado a vosa experiencia.

 

 

IES OTERO PEDRAYO. ENSINO PÚBLICO. ENSINO DE CALIDAD

VERSOS NA RUA

24 de febreiro, DÍA de ROSALÍA 

 

 

Así locen os versos de Rosalía no paso de peóns entrambos edificios do IES Otero Pedrayo. Traballo magnífico da nosa rapazada! 

 


IES OTERO PEDRAYO. ENSINO PÚBLICO. ENSINO DE CALIDADE.

ENTROIDO 2021

 
 
Aínda que a situación actual non permitiu facer desfile de Entroido, a cor, a ilusión, as risas, a alegría... non faltaron hoxe no Otero Pedrayo. Houbo moitísima participación no concurso de disfraz-aula e o xurado non o tivo nada fácil. Parabéns aos gañadores (DYSNEY, de 2° BAC e HAI VODA!, de 3° ESO) e... QUE VIVA O ENTROIDO!
 
IES OTERO PEDRAYO. ENSINO PÚBLICO. ENSINO DE CALIDADE.

Día Internacional da Muller e da Nena na Ciencia

Un ano máis, no Otero Pedrayo conmemoramos o Día Internacional da Muller e da Nena na Ciencia.  Fixémolo coa lectura dunha Declaración, coa elaboración de murais e presentacións sobre mulleres científicas pero, sobre todo, fixémolo e facémolo todos os días co fomento de vocacións científicas a través de prácticas no laboratorio,  presentación de mulleres referentes no mundo das ciencias (Sonia Villapol, desde Houston, foi a última que coñeceu o noso alumnado), participación en todas as olimpíadas de carácter científico...

Contamos,  ademais, cun bacharelato STEM ( ciencia, tecnoloxía, enxeñería e matemáticas) nas que as rapazas son maioría. 

Acadar unha xusta e necesaria igualdade de xénero e empoderamento das mulleres neste campo é o noso obxectivo. 

Grazas ás profes científicas do Otero Pedrayo polo magnífico labor que desenvolven.

 

IES OTERO PEDRAYO.  ENSINO PÚBLICO.  ENSINO DE CALIDADE.

EXPOSICIÓNS 15 VISIÓNS: UNHA PERSPECTIVA DE DIFERENTES REALIDADES DESDE O PUNTO DE VISTA DA ARTE.

Grazas ao Plan de Innovación Educativa, Plan Proxecta "Por 365 días de respecto e igualdade", xa loce no claustro do noso instituto a exposición 15 VISIÓNS: UNHA PERSPECTIVA DE DIFERENTES REALIDADES DESDE O PUNTO DE VISTA DA ARTE.
É unha exposición de fotofrafía que aborda a arte baixo o prisma do xénero. Quince mulleres vítimas de violencia de xénero versionan obras de arte moi populares, como "La maja vestida" de Goya ou a "Gioconda" de Leonardo da Vinci.
 
IES OTERO PEDRAYO. ENSINO PÚBLICO. ENSINO DE CALIDADE

SUPERBACTERIAS: JOSÉ RAMOS VIVAS

"Superbacterias resistentes aos antibióticos. Como chegamos ata aquí?". Este foi o título da charla que un dos microbiólogos de maior prestixio do panorama actual, investigador científico da Universidade de Cantabria e ex-alumno do Otero Pedrayo, JOSÉ RAMOS VIVAS, veu dar hoxe ao alumnado do noso centro. Afortunados e agradecidos nos sentimos por poder contar con actividades desta calidade. Grazas a Mari Carmen Cid Manzano, antiga profesora de Ramos Vivas no Otero, pola súa presentación, e grazas tamén a Beatriz Valiñas, profesora na actualidade, por organizar conferencias tan brillantes como estas.
 
 
IES OTERO PEDRAYO. ENSINO PÚBLICO. ENSINO DE CALIDADE.
Distribuir contido


by Dr. Radut