Francés

Despois de pasar o primeiro cuadrimestre no Otero Pedrayo, con moito pesar, tocounos despedir á nosa auxiliar de conversa, Salomé Martín.

Grazas, Salomé, por todo o regalado ao noso alumnado: por esas prácticas de conversa, por ser para el un modelo de corrección lingúística, por achegarlle un pouquiño máis a cultura do teu país..., pero tamén pola túa dozura, a túa adicación e o teu bo pracer. Foi unha experiencia moi enriquecedora.

 

 

O alumnado de Francés de 3º de ESO viaxou a Francia no marco do programa de intercambio Galimiens (7 días), que se viu complementado coa visita cultural e turística a París (3 últimos días).

Foi toda unha experiencia de convivencia e aprendizaxe, con asistencia ás aulas cos compañeiros e compañeiras franceses, actividades diversas (como a entrevista co campión do mundo de baloncesto Javier Beirán) e visitas guiadas da vila de Saint-Quentin, considerada un referente do estilo Art-Déco e punto estratéxico de relevancia tanto na Primeira coma na Segunda Guerra Mundial.

Ademais de mellorar as súas competencias en lingua francesa, este intercambio permitiulle ao noso alumnado coñecer modos de vida diferentes dos propios (horarios, costumes, gastronomía, vida escolar...) e tamén disfrutar dos lugares máis emblemáticos da fermosa Cidade da Luz.

A segunda parte desta actividade terá lugar entre o 23 e o 30 de maio, datas nas que as familias do noso alumnado acollerán nas súas casas aos seus "correspondants" franceses. Todos nós estaremos tamén encantados de recibilos no Instituto.

 

 

La tour Eiffel, les Invalides, la Madeleine, la Place Vendôme, le Palais Garnier, la Sainte Chapelle, la Place des Vosges, la Place de la Bastille, Montmartre, Versailles, les Ponts de Paris, le Palais du Louvre, Concorde, , les Champs Élysées, les Arcs de Triomphe... e moito máis gozou o noso alumnado na cidade da luz. E é que Paris NUNCA defrauda... Que viaxe tan bonita tiveron os rapaces e rapazas de Francés de 1º BAC! Grazas, Departamento de Francés.