Ciencias Naturais, Ciencias Sociais, Cultura Clásica, Economía, Educación Física, Educación Plástica, Filosofía, Física e Química, Grego, Latín, Lingua Española, Lingua Francesa, Lingua Galega, Lingua Inglesa, Lingua Portuguesa, Linguas clásicas, Madeira, Matemáticas, Música, Orientación, Relixión, Tecnoloxía, Xeografia e historia

Curso 2012-2013

O departamento de Física de Partículas da Universidade de Santiago de Compostela en colaboración coa Sociedade Europea de Física e o CERN (Organización Europea para a Investigación Nuclear), organizou un ano máis unha nova xornada ou "Masterclass" de actividades relacionadas coa Física de Partículas destinada a estudantes de bacharelato. Nesta nova edición participaron 6 alumnos e alumnas acompañados do profesor de física e consistiu na asistencia a dúas conferencias pola mañá e a realización dunha práctica con ordenadores sobre a detección de partículas nos experimentos que se levan a cabo no CERN. Unha vez rematada a práctica tivo lugar unha posta en común mediante videoconferencia con outros dous centros de investigación de Alemania nos que partipaba tamén alumnado de Bac realizando a mesma experiencia.

Velaí o vídeo realizado por Jessica Barreiro, de 1º de BAC B, na materia de TICs sobre a viaxe a Mérida e Andalucía, organizada polo departamento de grego do 23 ao 29 de marzo de 2012, na que participaron 42 alumnas e alumnos do IES de Melide.

O IES de Melide e a empresa Ferretería Noguerol formalizan un acordó de colaboración bianual, que compromete á empresa local a aportar 800 euros en material de uso para o taller do noso Ciclo de Grao Medio de Fabricación e Instalación de Carpintería e Moble.

Pequeno resumo da viaxe a Grecia que realizaron os alumnos e alumnas do IES de Melide, xunto cos dos IES de Ames e Pontepedriña (Santiago) do 23 ao 31 de abril.

Como en anos anteriores, o departamento de Grego está aorganizar a viaxe a Grecia, preferentemente para alumn@s e exalumn@s de grego, cultura clásica e latín. Bota unha ollada

O pasado 3 de maio, un super equipo de alumnas e alumnos de cultura clásica, latín e grego do IES de Melide impartiu na Facultade de Filoloxía un obradoiro de moda clásica e outro de escritura antiga, nesta primeira edición de Obradoiros de Cultura Clásica, organizados pola sección Galega da SEEC. Esta actividade, que pretende ter continuidade e consolidatrese, foi bautizada como Ludi Compostellani, como recoñecemento aos veteranos Ludi Saguntini, evento imprescindible na comunidade educativa das clásicas. Aínda que a idea inicial era facer unha xornada festiva que acompañase a entrega de premios da II Olimpíada de Tradución, os obradoiros adquiriron un protagonismo capaz de servir de reclamo a uns 20 centros que acudiron con arredor de 200 alumnos e alumnas, que ademais dos obradoiros de moda e escritura, participaron nun obradoiro de cociña, a cargo do alumnado do IES Xelmírez II, e nun obradoiro de xogos e outro de música a cargo do alumnado de filoloxía clásica da USC. O alumnado do IES de Ames encargouse de facer un precioso fotocoll que representaba ao deus Dioniso co seu séquito de sátiros e ménades. Estas actividades completábanse cun Itinerario Mitolóxico dunha hora de duración polo casco histórico compostelán, que partía da Praza do Obradoiro guiado por alumnas da USC e pola profesora Ana Suárez. Para ser a primeira edición, a xornada festiva foi todo un éxito grazas ao traballo de todos os centros que participaron e da directiva da SEEC, en especial de Teresa Amado, alma mater do proxecto que estivo en todo momento apoiando e animando aos centros, pendente de que non faltase nada. Grazas, Teresa! Pola nosa parte, no IES de Melide estivemos traballando nas aulas duramente ao longo do mes de abril, preparamos o material, distribuímos o traballo e velaí o resultado. É certo que hai algunhas cousas que debemos mellorar: ensaiar mellor a exposición, coordinarnos máis, ser máis responsables co traballo individual... que tentaremos levar á práctica o próximo curso se conseguimos que esta actividade teña continuidade. Quen se apunta para o curso que vén? Sabedes que agora podedes volver a escoller cultura clásica en 4º de ESO?