IES de Melide

Este venres 26 de outubro, o alumnado que cursa a materia de TIC en 1º de BACH, acompañado dos seus profesores Nieves Martínez e Xan García realizou unha visita á empresa Dinahosting e ao CESGA (centro de supercomputación de galicia). Dinahosting é unha empresa privada que centra a súa actividade no campo da xestión de dominios e aloxamento web. Está a piques de cumplir 18 anos e é unha empresa punteira a nivel estatal.

 Por outra banda, o CESGA é un centro de supercomputación dependente da Xunta de galicia e da Universidade que da soporte e servizo a múltiples equipos de investigación e institucións como por exemplo, METEOGALICIA ofrecendo a súa enorme capacidade de cálculo para poder realizar as predicións do tempo para varios días. Votou a andar alá polos primeiros anos 90 e na actualidade conta co supercomputador Finisterrae de recente adquisición.

#Zeroadiccións No marco do programa sobre prevencións de adiccións da área de Acción Social da Deputación da Coruña tivo lugar no IES Melide un conxunto de actividades formativas e informativas para informar e debater sobre as adiccións, a súa prevención e os riscos e perigos que ocasiona padecer algún tipo de adicción. 

    Algún dos obxectivos a acadar foron: promover a educación en valores e a convivencia, promover a resolución de conflitos mediante a mediación e o desenvolvemento de habilidade socias, previr os consumos de toda índole dende idades temperás, previr as condutas de risco e aditivas de toda índole dende idades máis temperás, integrar os modelos de vida saudables nos momentos claves do ciclo vital en termos de consumo e adición.

LISTADO DE LIBROS DE TEXTO POR CURSOS - CURSO 2019/20

Información

LIÑAS DE AUTOBÚS - CURSO 2019/20 

Información

A solicitude de novas paradas remata o 5 de xullo.

O IES de Melide está situado ás aforas do casco urbano do Concello, nunha zona húmida rodeada de grandes prados sen urbanizar. Aproveitando esta ubicación, a finais do pasado curso 2016-2017 construíuse unha charca nunha ampla área verde situada no patio do instituto.

Durante o curso, aproveitamos para estudar distintos conceptos ecolóxicos na propia zona verde. Identificáronse distintas especies animais que habitan a charca, axundándonos dun trueiro para a súa captura. Plantáronse plantas (lirios amarelos, xuncos, menta acuática, etc.) no seu arredor para dotar a dita charca dun aspecto o máis natural posible.

Na mesma área temos situado un hotel de insectos (a súa construción enmarcouse dentro das actividades levadas a cabo polo club de ciencia), debido a que a súa colocación foi recente, todavía non hai "inquilinos" para poder identificar, pero a actividade serviu para que o alumnado reflexione sobre a importancia dos insectos nos ecosistemas. 

Memoria do Club de Ciencia

Tedes a continuación as fotos do acto de despedida de 2º BAC e das orlas.

-Ligazón ás fotos das ORLAS

-Ligazón ás fotos do acto de despedida.

Alumnado do noso centro participou no concurso COOPERATIVISMO NO ENSINO 2018, coa obra "Asemeblea xeral", no que resultou gañador na modalidae de actividades cooperativizadas e recibiu o premio da man de Patricia Rodríguez Franco, secretaria territorial da Xunta de Galicia na Coruña.

"Asemblea xeral" é unha adaptación para monicreques e teatro negro da obra homónima do valdeorrés Louro Olmo. A posta en escea e a adaptaciónd esta obra son o froito dun traballo de meses do alumnado de diferentes materias e niveis que traballaron conxuntamente para sacar adiante un proxecto de aprendizaxe cooperativa.

O vindeiro día 26 de xuño haberá unha nova representación dentro do programa de festas do Barrio de San Pedro en Santiago de Compostela, no centro Don Bosco ás 19:00H.

Tersa Ron Casa, alumna de 3º ESO, é unha das gañadoras do IX concurso de viñetas "Donas" Mulleres da historia de Galicia" co seu traballo "Elas abriron o camiño".

Este concurso está organizado pola área de igualdade da Deputación da Coruña para animar ós adolescentes a reflexionar sobre o papel das mulleres na historia galega co obxectivo de visibilizar o empoderamento e o seu papel no desenvolvemento da sociedade.

Como cada ano por estas datas recibimos a visita do alumnado dos CIPS adscritos (Nº1, Martagona, Pastor Barral, Toques e Arcediago).

O alumnado que de 1º de ESO capitaneou un acto informativo, flexible e interactivo no que se presentaron cuestións de interese relativas á nova etapa educativa que o alumnado iniciará en setembro. 

No acto, no que tamén participou o equipo directivo e a orientadora do centro, tratáronse tamén cuestións que atinxen á organización e funcionamento do IES de Melide e á liña de traballo que se segue.

Finalizou o acto cun percorrido polas instalacións do IES.

Vémonos en setembro!

O departamento de Educación Física organizou en para o alumnado de 1º ESO un Itinerario Ambiental navegando en kaiak polas augas da Ría de Ares. 

Ofertouse esta actividade co obxectivo de fomentar e espertar o interese pola práctica físico-deportiva na natureza e como  programa de educación ambiental onde o ecosistema do litoral mariño foi o protagonista, sen esquecer os importantes aspectos socioculturais da zona.

O Club Náutico Firrete de Pontedeume foi a entidade concertada para desenvolver a actividade. 

   Un ano máis o IES de Melide organizou o “Corremelide”, unha actividade lúdico-deportiva que ten como principal obxectivo o fomento da lingua galega nun día de convivencia entre os rapaces e rapazas dos centros educativios de Melide.

   Máis de seiscentos nenos e nenas dos centros educativos de Melide (CEIP nº1, CEIP Martagona e CEIP Mestre Pastor Barral, CEIP Martagona, CEIP de Toques e IES de Melide) participaron neste evento cultural e deportivo que cumpría a súa décimo oitava edición.

   O IES de MELIDE agradece a colaboración na organización do Concello de Melide, Policía Local, Protección Civil e da empresa JIM Sport.

CADRO DE ACTIVIDADES