Eventos

Co obxectivo de fomentar a lectura e propiciar un enriquecedor debate cunha autora recoñecida no mundo das letras, o alumnado do Clube de Lectura do Instituto terá un encontro literario coa coñecida escritora Teresa Moure o vindeiro 24 de xaneiro de 2019 na hora posterior ao recreo (11:50 a 12:40). Os cursos nos que se encadra este alumnado son o 3º e 4º da ESO e o 1º de Bacharelato de Ciencias Sociais e Humanidades (afectando polo tanto ás clases que deberían ter nese horario). 

O venres día 8 o 2º Curso do Ciclo Superior de Próteses Dentais, acompañados por Montserrat Pereira e Ana Belén Gómez, visitarán o Laboratorio Elidente entre as 10:30 e as 12:30 da mañá. 

O luns 18 realizarase no Lamas de Abade unha nova actividade de sensibilización coa Seguridade Viaria impartida pola Policía Local de Santiago para o alumnado de 3º ESO A e B no Salón de Actos desde as 10:00 ata as 11:30. 

Xa o mes pasado, na primeira visita da Policía Local ao Centro, fixemos unha presentación dos obxectivos que se querían acadar con esta actividade. Se queres máis información pulsa aquí. 

Charla sobre o proxecto Youtubeir@s o martes 19 de febreiro pola tarde para o alumnado de ESO e 1º de Bacharelato que poida ter interese no proxecto e na IIIª Convocatorio dos Premios Youtubeir@s que teñen aberto o seu prazo de inscrición recentemente.

Deixamos aquí link á web do proxecto. Ánimo e a participar

Os cursos 1º e o 2º do Ciclo Superior de Saúde Ambiental visitarán o vindeiro día 20 de febreiro de 2019 dende as 10:00 da mañá a Estación Depuradora de Augas Residuais e a Estación de Tratamento de Auga Potable de Santiago de Compostela. Boa visita

Os días 21 e 22 de febreiro o alumnado do Lamas de Abade acudirá aos Concertos Didácticos organizados no Auditorio de Galicia pola Real Filharmonía de Galicia e o multiinstrumentalista Abraham Cupeiro.

O día 21 será turno do 2º ESO A e 3º ESO B así como do alumnado de Música de 4º ESO A e B. O día 22 acudirá o alumnado de música de 1º de Bacharelato

Esta previsto a saída do Instituto sobre as 10:20 e o retorno para as 12:40

Se queredes atopar máis información desta interesante actividade musical que propón unir as diferentes partes do planeta mediante a música podedes pulsar neste Link