"A importancia da estética facial no proceso non verbal de comunicación entre os seres humanos".
Conferencia que será impartida polo Profesor José María Suárez Quintanilla do Departamento de Cirurxía e Especialidades Médico-Cirúrxicas da Facultade de Medicina e Odontoloxía da Universidade de Santiago de Compostela. Terá lugar no Salón de Actos do centro para o alumnado de Ciclos Formativos e estará coordinada polo Departamento de FOL.
O vindeiro luns 21 de xaneiro o Departamento de Imaxe Persoal ten programado unha actividade desas que producen envexa nada máis oir falar delas. Montse Veiras, unha das mellores profesionais do Ramo da Estética e Benestar, procederá a facer unha "Demostración de Masaxe con Pedras Quentes". A actividade terá un horario de 9:00 a 11:30 e será realizada para 1º e 2º ciclo de Estética e Benestar no Taller 2 de Estética. Os profesores afectados pola actividade son Isabel Rodríguez e María Victoria Nores. Un quédase coa inquedanza de se aceptarán voluntarios para a demostración...
Co obxectivo de fomentar a lectura e propiciar un enriquecedor debate cunha autora recoñecida no mundo das letras, o alumnado do Clube de Lectura do Instituto terá un encontro literario coa coñecida escritora Teresa Moure o vindeiro 24 de xaneiro de 2019 na hora posterior ao recreo (11:50 a 12:40). Os cursos nos que se encadra este alumnado son o 3º e 4º da ESO e o 1º de Bacharelato de Ciencias Sociais e Humanidades (afectando polo tanto ás clases que deberían ter nese horario).
O venres día 8 o 2º Curso do Ciclo Superior de Próteses Dentais, acompañados por Montserrat Pereira e Ana Belén Gómez, visitarán o Laboratorio Elidente entre as 10:30 e as 12:30 da mañá.
O luns 18 realizarase no Lamas de Abade unha nova actividade de sensibilización coa Seguridade Viaria impartida pola Policía Local de Santiago para o alumnado de 3º ESO A e B no Salón de Actos desde as 10:00 ata as 11:30.
Xa o mes pasado, na primeira visita da Policía Local ao Centro, fixemos unha presentación dos obxectivos que se querían acadar con esta actividade. Se queres máis información pulsa aquí.
Charla sobre o proxecto Youtubeir@s o martes 19 de febreiro pola tarde para o alumnado de ESO e 1º de Bacharelato que poida ter interese no proxecto e na IIIª Convocatorio dos Premios Youtubeir@s que teñen aberto o seu prazo de inscrición recentemente.
Deixamos aquí link á web do proxecto. Ánimo e a participar
Theme by Danetsoft and Danang Probo Sayekti inspired by Maksimer