José Manuel Timiraos, 21/06/2010

Un ano máis disputamos o campionato de fútbol de sala. Este ano o equipo "Non sei" foi o vencedor. Grazas a tod@s @s participantes e ata o vindeiro curso.

José Manuel Timiraos e Juan Carlos Bedia, 11/06/2010

O luns 21 de xuño, antes do festival de fin de curso, disputaremos as esperadas finais dos nosos campionatos de baloncesto 3 x 3 e fútbol sala. Esperamos unha gran festa do deporte para rematar este curso.

Felicidades a tod@s @s participantes e moita sorte para @s finalistas.

Montse Lorenzo, 07/06/2010 

Dende o Departamento de Francés estamos a buscar novos amigos para poñer en práctica dun xeito divertido o francés que ensinamos na aula. Unha selección de vintecatro alumnos de 1º E.S.O. levan a cabo neste terceiro trimestre de curso un intercambio de correspondencia con alumnos que están cursando o seu primeiro ano de español no colexio Jean-Jacques Rousseau situado en Argenteuil, na periferia de París.

Nós xa recibimos as primeiras cartas hai unha semana, nas que os rapaces e rapazas francesas se presentan, falan das súas familias, do seu colexio e dos seus hobbies. Algúns deles inclúen fotos do máis divertido. Os nosos alumnos están afanados redactando as súas respostas e esperamos facer o noso envío de correspondencia nos próximos días. Esta experiencia continuarase ó longo do próximo curso con este grupo de alumnos e se resulta satisfactoria podería materializarse nun intercambio lingüístico entre os dous centros, proxecto que tanto a min como á súa profesora de español, Carmen Anidos-Meizoso, nos parece interesante para motivar a aprendizaxe dos respectivos idiomas por parte dos nosos alumnos.

Así pois, quen sabe, tal vez o  vindeiro curso  teñamos caras novas nas nosas aulas, así que se queredes, podedes ir aprendendo un pouquiño de francés, que sempre está ben practicar linguas, ¿non?

Fai clic para ver máis fotos

01/06/2010

O alumnado de 3º de ESO pasou polo laboratorio con Mª Dolores Vizoso o pasado 28 de maio para diseccionar un corazón de porco. Parece que actividade causou sensación, moi especialmente entre os amantes do gore, que identificaredes con facilidade nas fotos que nos entregou Verónica Fraga e que subimos ao álbum "Ciencias Naturais 2010".

Fai clic para ver máis fotos

Fai clic para ver máis fotos

Víctor Novo, 28/05/2010

O día 10 de maio, estivo no noso centro, o monitor Pablo Pintos da Federación Galega de Loita. Os grupos nos que impartiu clase foron sextos de primaria, primeiros de ESO e terceiros de ESO. Como Xefe do Departamento de Educación Física e solicitante da actividade, non me queda máis que felicitar ó xa nomeado monitor e valorar como moi positiva a actividade, desexando que nun futuro, se poida repetir.

Juan Carlos Bedia, 26/05/2010

Os Chulitos que gañaron 15 a 8 aos Campións, e os Tigres que venceron 19  a 11 aos Lakers, serán os finalistas do noso campionato de baloncesto.

A gran final disputarase un dos últimos días do curso, pero aínda non ten data fixa.

Juan Carlos Bedia 18/05/2010

Xa temos semifinalistas do noso campionato de baloncesto:

Moita sorte a tod@s.

04/05/2010

Aquí tedes unhas fotos da representación da obra de teatro en inglés “Dracula”, que tivo lugar o pasado venres no Pazo da Cultura de Narón. Parte desta actividade foi subvencionada polo Concello de Narón, ao que o Departamento de Inglés quere agradecer a súa colaboración, e que nos coidasen tan ben ofrecéndonos o Pazo da Cultura para a representación.

Tamén vos deixamos unha foto das alumnas de 4º de ESO, cun dos actores da obra, que facía o papel de Jonathan Harker e que xa ten club de fans antes de aparecer na serie “Gavilanes”!!

Podes ver as fotos ampliadas na nosa Galería

04/05/2010

A profesora de inglés Pilar Polo, que fixo unha substitución recentemente no Feal, acaba de enviarnos unha montaxe que fixo con xente moi coñecida de diversas ideoloxías que non domina o inglés. A lista inclúe ao mesmísimo Francisco Franco (aproveitamos que Merchi está de permiso para que non lle dea un subidón de tensión); que non se diga que esta web non é plural. Algúns dos fragmentos non teñen bo son, pero en xeral enténdese bastante ben. Grazas Pilar!!