Actos conmemorativos do 50 aniversario
Anduriña (Manuel Patinha)
Agasallo do Concello de Narón polo 50 aniversario do CPI do Feal
08/03/2022
Os actos conmemorativos de onte polo noso 50 aniversario foron con aforo limitado, debido ao coñecido lastre que arrastramos desde hai dous anos, pero esperamos facer algo máis masivo antes de que remate este curso.
Pola mañá, xuntouse unha pequena representación dos diversos sectores da nosa comunidade, e ademais, recibimos a varios invitados/as especiais. Asistiron a alcaldesa de Narón Marián Ferreiro, xunto coa Concelleira de Ensino Mercedes Taibo (antes administrativa do Feal durante tantos anos), o noso inspector Santiago Sobrino... e tamén puidemos reunir aos cinco últimos directores/as do centro: Amelia Conde, Mª Dolores Vizoso, Pedro Abeal, Víctor Novo e Juan Carlos Bedia. Sen esquecer á Banda de gaitas de Narón, que puxo un toque festivo.
Pola tarde, houbo unha reunión especial do Claustro, na que se fixo algunha foto de recordo. Xa é posible ver as imaxes da xornada no álbum "50 aniversario" da nosa Galería. Na foto que abre este artigo, pódese ver o cartel conmemorativo feito a partir dun deseño da alumna de 3º de ESO C Zeltia Dopico.
Adxunto | Tamaño |
---|---|
ANDURINHA_CONCELLO_NARON_50_ANOS_FEAL.JPG | 4.21 MB |
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com