Proxecto Iniciado no curso escolar 2020_21, adicado á realización de; Obradoiros de Radio, teatro radiofónico, dobraxe, edición e gravación de música e vídeo...
Contacto: radioescolar@ramallosa.org
Velaquí vos deixamos as nosas propostas para esta edición do "Enreguéifate"!!
Desta volta, unha delas en formato de programa de radio, da man do alumnado de 6ºB e realizado tamén para o Proxecto Didáctico Antonio Fraguas, para poñer en valor o noso patrimonio cultural e lingüístico.
A outra proposta é un traballo realizado para a anterior edición do Enreguéifate, e que por motivos de "loxística dixital" non puido entrar na fase de concurso. Con esta regueifa lembramos o vivido durante a pandemia co COVID.
Agardamos que desfrutedes escoitando aos nos@s regueifeir@s! E que a sorte nos acompañe no certame
Preme na radio para escoitar o programa na canle de radio
Hoxe foi un día moi especial para "Radio Ramalloseir@s". Celebramos o "Día mundial da radio", dunha manera moi especial grazas ao traballo de "Ponte nas Ondas".
Como centro integrante deste fermoso e recentemente recoñecido proxecto educativo, declarado "exemplo de boas prácticas educativas dentro do Patrimonio Cultural Inmaterial da UNESCO, fomos convidados a participar no programa en directo que fixeron dende diferentes espazos de Galicia e Portugal.
No noso caso, gravamos o directo na "Facultade de Xornalismo" de Santiago. Cun programa adicado ao noso patrimonio musical, non que non faltou por suposto, a música en directo dos ramalloseir@s.
No primeiro bloque do programa actuou o "Grupo tradicional do cole" e no segundo as "Tanxugueiriñas troupe". Desta volta foi o alumnado de 6ºC o encargado de representarnos, xunto cunha escolma de músicos dos diferentes grupos de 5º e 6º de Ed. Primaria. Un traballo elaborado baixo a batuta d@s profes Laura, Fran e Óscar.
Podedes ver todo o programa no seguinte vídeo!!
Para escoitar os outros directos que se fixeron ao longo de toda a comunidade galega podedes entrar na escolma dos programas na web de "Escolas nas Ondas".
Programa gravado polos profes Manuel e Óscar, co alumnado de 4ºA de Ed. Primaria, con motivo da conmemoración desta efeméride. O 30 de xaneiro "celebramos" a importancia da paz no mundo, pero tamén incidimos noutros aspectos educativos relacionados con esta temática. Aspectos como a tolerancia, a empatía e o respecto e axuda aos nosos semellantes. Desta volta queremos dar conta tamén de persoeiros cruciais na procura da paz e nos motivos e circunstancias que propiciaron esta efeméride a nivel mundial.
Actividade encadrada dentro do "Proxecto de Radio Escolar"/ "Radio na biblio" do centro e vinculada aos diferentes equipos docentes; EDLG, Biblioteca escolar, TIC´s, Extraescolares, Convivencia,...
Músicas:
KAREYC "Te Wa Vouan Ne Ma"
ANDERSON "La máquina de escribir"
JOHN LENNON "Imagine". Adaptación musical ao galego con ukelele. Unha proposta da Área de Ed. Musical e o EDLG do centro.
Preme na imaxe para escoitar o programa / Non esquenzas facerte seguidor e darlle a "me gusta"
Programa de Nadal adicado ás nosas personas maiores. Avós, avoas, tíos... Aos que conviven con nós, pero tamén especialmente aos que por motivos de saúde teñen que pasar estas festas ao coidado dos traballadores e traballadoras das diferentes residencias do noso Concello. Para tod@s eles compartimos este programa con todo o noso cariño.
Muitos bicos e boas festas!!
(Un traballo do alumnado de 5º de Ed. Primaria, co acompañamento da súa titora, a profe Cruz, e o profe Óscar (mestre de Ed. Musical).
- Canta "Buscando unha estrela" o alumnado de 1º de Ed. Primaria.
- Canta "Unha pouca roupiña" o alumnado que gravou o programa (5º E.P.)
Con este programa, o alumnado de 5ºC, da profe Cruz, queremos poner en valor o recoñecemento obtido por parte da UNESCO ao proxecto "Ponte nas Ondas" do que nos sentimos orgullosos/as de formar parte.
Coñeceremos que é a UNESCO, como nace e os obxectivos que persigue. E por suposto falaremos tamén do que significa para "Ponte nas Ondas" e para nós ter a mención de Rexistro de boas prácticas do Patrimonio Cultural Inmaterial Galego-Portugués. Agradecemos á UNESCO este importantísimo recoñecemento.
As nenas e nenos de sexto prepararon un programa de radio para dar a coñecer as súas impresións deste comezo de curso. Clica na imaxe para escoitar o programa.
Podedes consultar toda a información sobre os premiados e o material entregado na propia web de Ponte nas Ondas.
Tamén podedes ver todo o traballo que presentamos coas fotos que nos enviástedes as familias do centro aquí.
Mil grazas ao xurado e a Ponte nas Ondas por este recoñecemento ao noso traballo. Cando sementas e a colleita da froitos, o sentemento de satisfacción é inigualable.
Moitísimas grazas tamén a vós, ás familias, pola vosa participación. Especialmente a Yoel Ares Gómez, o gañador no apartado de fotografía e a Carolina Veiga Blanco , Gael Atrio Montes e Icía García Chouciño, alumnado que participaron na gravación do programa xunto coa súa titora Carmen Midón e un servidor, o profe Óscar.
Pero se alguén foi importante, foron os nosos entrevistados! Otilia e Javier, avós de Nico e Brais (alumnado do centro) e colaboradores do noso comedor escolar. Fixeron un progama excepcional! Cargado de emocións e aprendizaxes. A verdade é que nos deixaron sorprendidos, pois semella que levaran facendo entrevistas de radio toda a vida. Foi máxico! E convidámosvos a escoitalo premendo no enlace arriba ou na imaxe.
Como xa sabedes, este domingo 13 de febreiro, celébrase o Día Mundial da Radio!! Proclamada pola UNESCO no ano 2011.
Dende "Radio Ramalloseir@s" non podiamos deixar pasar esta efeméride.
A sorpresa deste ano é que... ESTREAMOS o novo e fermoso estudo de gravación que poderedes visitar en primicia a vindeira semana. Ademais dalgunha sorpresiña máis!!
Publicaremos unha reportaxe gráfica máis adiante, para que todo o mundo poida ver que chusquiño é o noso estudo de Radio!!
Como xa sabedes, puxemos en marcha este Proxecto educativo a finais do curso pasado. Co obxectivo principal de empregar aRadio Escolar como ferramenta de ensino-aprendizaxe.
Como sabedes, as obras son tediosas e este momento dilatouse no tempo máis do que nos gustaría.
Agardamos que vos guste e desfrutedes de toda a experiencia!!
Entrevista á pintora "Noe Aragundi", encargada de facer o mural do comedor escolar do centro. Unha iniciativa da nosa xefa de cociña e o noso director, Rafa Vilar, responsable do comedor escolar do centro xunto coa mestra de Inglés Janet.
Estamos felices deste agasallo para a nosa vista!! E non podiamos deixar escapar a oportunidade de entrevistar á artista e ao noso dire.
Entrevista ao escritor e naturista "Anxo Moure" (2º Ed. Primaria)
Na semana do 14 ao 18 de Marzo tivemos a sorte de pasarmos unha xornada completa co escritor "Anxo Moure" e facermos unha actividade relacionada coa semana da prensa. Vinculando a mesma ao proxecto "Escola Verde" do centro, e por suposto coa conmemoración do día das árbores e a poesía (21 de Marzo).
Non podíamos perder a ocasión de que nos acompañase nos micrófonos de Radio Ramalloseir@∫. Mil grasas Anxo!!
Agradecer enormemente ao "Consorcio Editorial Galego" o seu compromiso con este pedazo de agasallo.
Entrevista a Benjamín Salgado, "Benxa".
Profe e director do centro!!
Un gran docente e mellor persoa, que se vai este curso!!
Cunha máis que merecida xubilación despois de moitas horiñas traballando a prol da educación e o futuro dos nosos discentes.
Grazas Benxa!! Por ser como eres.
Ramalloseiro para sempreeeee!!
Entrevista a Francisco Javier Sánchez, "Fico"!!
Outro dos nosos súper profes que se xubilan!!
Francisco Javier Sánchez(FICO)
Curtido, querido e admirado en mil batallas, ten máis que merecida esta xubilación.
Grazas Fico!! Por concedernos esta entrevista e ser unha persoa, docente e Ramalloseiro de 10!!
Entrevista a Cristina Sanmartín, "Cris".
Ao igual que os profes Benxa e Fico, chega ao final da súa etapa como docente.
Despois de moitos anos de esforzo e adicación á educación, ten máis que gañada esta xubilación!!
Chegou o momento de descansar e adicarte con máis tempo a todas esas fermosas afecciones que tanto gozas!! Cantar, ler, viaxar ...
Grazas por todo o teu traballo Ramalloseira!! Querémoste!!
LETRAS GALEGAS!!
"A PATRULLA CANINA SALVA A LINGUA GALEGA":
Como unha das actividades para celebraren o día das letras galegas, o Equipo de EDLG do centro, en coordinacións cos demáis Equipos de traballos (Bibliotecas Escolares, Extraescolares, TICs...) Tivo a idea de dobrar un episodio da serie infantil: Patrulla canina.
Xurdiu pola faceta de tradutora da homenaxeada deste ano, e a preocupación que ten o profesorado do centro pola perda de crianzas galego falantes. Un dos motivos da perda de léxico na nosa lingua e mudanzas na estrutura ao modo castelán prodúcese polo visionado dos deseños animados por parte do alumnado que non ten opción de ver na lingua galega. Especialmente das series de animación actuais máis demandas pola cativada.
Esta actividade está vinculada tamén ao Obradoiro de Radio Teatro que estivemos traballando este ano no centro. Podedes escoitar todo o episodio no Podcastque vos deixamos ao final da publicación.
Ramalloseiros!! Ramalloseiras!! Agardamos que gocedes un montón desta nova misión da Patrulla Canina!!
Premede na imaxe para ver ou descargar o episodio EN VIDEO.
E no seguinte video podedes visionalo directamente na web (comprimido)
ESCOITA O PROGRAMA DE RADIO PREMENDO NA IMAXE!!
"ESPECIAL MANUEL MARÍA; "A FALA" (Poesía na Escola)":
Programa adicado ao traballo presentado na semana das Letras Galegas polo alumnado de 1ºB da profe Vane.
Unha actividade que xira entorno ao poema "A Fala" de Manuel María.
Un fermoso xeito de achegar aos máis cativos o amor e respecto cara a nosa lingua e cultura.
Podedes escoitar o programa de radio premendo na seguinte imaxe:
O alumnado da aula de 4 anos traballou no "Proxecto dos contos clásicos", para coñecer a súa estructura, personaxes e estilo. Utilizaron as técnicas de RODARI para inventar un novo. Todas as nenas e nenos participaron na actividade, achegando ideas que foron escollendo entre tod@s. Despois de crearmos a historia, comezaron co proceso de ilustración. Deseñando protagonistas e escenarios, que montamos para compor as páxinas do conto. Os materiais empregados foron ceras brandas e acuarela.
O título orixinal era CABRITIÑA ROSA, máis unha nena dixo: " SE É A CARAPUCHIÑA E UNHA CABRA... MELLOR SERÍA CABRAPUCHIÑA". A idea pareceulles moi moi divertida e decidiron modificar o título inicial.
Desexamos que gostedes do nosos conto!
Podedes gozar xa da videocreación e do podcast deste fermoso conto.
