Entrevista ao escritor e naturista "Anxo Moure" (2º Ed. Primaria)
Na semana do 14 ao 18 de Marzo tivemos a sorte de pasarmos unha xornada completa co escritor "Anxo Moure" e facermos unha actividade relacionada coa semana da prensa. Vinculando a mesma ao proxecto "Escola Verde" do centro, e por suposto coa conmemoración do día das árbores e a poesía (21 de Marzo).
Non podíamos perder a ocasión de que nos acompañase nos micrófonos de Radio Ramalloseir@∫. Mil grasas Anxo!!
Agradecer enormemente ao "Consorcio Editorial Galego" o seu compromiso con este pedazo de agasallo.
Preme na imaxe para ver toda a informacióne escoitar a entrevista en "Radio Ramalloseir@s"
Vén para quedar!! Esta semana, en concreto, o luns 7 DE MARZO, botamos a andar no centro a nosa primeira edición dos 21 Días co Galego e +. Un programa que dende o ano 2013 busca aumentar e perfeccionar o emprego oral do galego no alumnado dos centros de ensino e, sobre todo, a consideración que temos sobre a nosa lingua. Nos últimos anos a iniciativa non deixou de medrar, dende as primeiras edicións nas que a actividade se limitaba ao IES da Pobra do Caramiñal, ata a actualidade, na que participan unha ducia de centros de todo o país, contando co impulso da Consellería de Cultura a través da Secretaría Xeral de Política Lingüística.
Na edición 2022 de 21 Días co Galego e + participan 4000 alumnos e alumnas de Primaria e Secundaria de 12 centros de ensino!! E nos sumaremos 364 máis!!
Nesta edición, ademais, As Tanxugueiras cobran un especial protagonismo nun programa que este ano ten como lema "Creando en galego no século XXI", como destaca Pilar Ponte, profesora e creadora da iniciativa. "Elas encarnan o espírito dese “creando en galego no século XXI”. Nelas temos os valores da nosa terra, temos creación feita por mulleres e homes galegos/as, temos o orgullo da nosa lingua e cultura... Unha reivindicación a todos os niveis!!
E sabes o porqué deste reto dos 21 días??
Segundo diversos estudos científicos, o cerebro non asimila os cambios de golpe, faino de forma gradual. É por isto polo que algúns especialistas din que debemos repetir o mesmo "xesto" durante 21 días para que o cerebro o asimile na nosa parte consciente, convertindo este nun aprendizaxe e finalmente e facendo del un hábito.
Esta teoría dos 21 días foi descrita en 1960 polo psicólogo “Maxwell Maltz”, soado cirurxián plástico da Universidade de Columbia, e autor de 'A Psicocibernética'.
Tamén é verdade que existen outras teorías que aseguran que necesitariamos 66 días. E outras que din que nin unha cousa nin outra. Pero o caso é que nos parece unha forma divertida de fomentar que usemos un pouquiño máis nosa fermosa lingua nai, o galego.
En todo caso, o obxectivo da actividade é promover especialmente durante estos 21 días, o uso do galego entre os cativos dunha maneira lúdica e positiva. Sen imposicións e ningún tipo de discriminación!! Pero fomentando un maior uso normalizado da nosa lingua e a aceptación da nosa identidade cultural. Que por desgraza ás veces segue a ter connotacións negativas e certos complexos que deberían estar superados. Ou simplemente, o poder das novas tecnoloxías e contidos infantís en español levan á perda do galego como lingua nai.
Aquí vos deixamos unha mensaxe das Tanxugueiras para animarvos ao reto!!
Preme neste enlace para descargar a táboa de control e completar o reto!!
PROBA SUPERADA!! GRAZAS A TOD@S!!
O "Equipo de Dinamización da Lingua Galega", compartimos un video de agradecemento a toda
a comunidade educativa polo éxito na nosa primeira edición de "21 días co Galego+".
Farémosvos a entrega do agasallo hoxe mesmo!! Velaquí unha imaxe do PREMIO-AGASALLO
COMPARTIMOS COMO SEMPRE, ALGUNHAS PROPOSTAS NAS QUE ANDIVEMOS TRABALLANDO:
- EN ED. INAFNTIL, INICIAMOS UNHA ACTIVIDADE QUE SE PROPUXO A NIVEL DE CENTRO DENDE O EQUIPO DE NORMALIZACIÓN LINGÜÍSTICA, PARA DINAMIZAR E FOMENTAR O USO DO GALEGO, DA NOSA LINGUA; "21 PALABRAS EN GALEGO". ESTA INICATIVA XURDIU DA PROPOSTA "21 DÍAS EN GALEGO", IMPULSADA POLO DEPARTAMENTO DE POLÍTICA LINGÜÍSTICA, NO QUE PARTICIPAMOS O CURSO PASADO. NESTA OCASIÓN, CENTRARÉMONOS EN RECOLLER 21 RELACIONADAS CO TEMÁTICA DO TRAXE TRADICIONAL, OS INSTRUMENTOS MUSICAIS E AS FOLIADAS.
Velaquí vos deixamos o vídeo resumo da actividade "Palabras Fermosas do Galego" escollidas polo alumnado do centro durante os 21 días co Galego.
Dende o CEIP Plurilingüe da Ramallosa queremos apoiar explicitamente a candidatura a EUROVISIÓN 2022 das nosas veciñas; AS TANXUGUEIRAS.
Sementando a nosa música, lingua, cultura... Así como a de tantos músic@s coñecidos como; LEILÍA (veciñas e precursoras), Xavier Díaz, Faltriqueira, .... E outros miles que non chegan á difusión que se merecen. Son moitos e moitas!! Algúns espallando a nosa música dende fai décadas!!
Pero as nosas veciñas TANXUGUEIRAS poden darlle unha nova oportunidade ás músicas tradicionais de todos os pobos, e especialmente a da nosa queridiña terra Galega!!
Están a ser unha fonte de motivación extraordinaria para poñer en valor entre @s nen@s a importancia da nosa lingua e cultura. Non podiamos deixar escapar esta oportunidade única!!
Imos Tanxugueiras!!
- Resaltar que debido a circunstancias derivadas do COVID, este mes tivemos que tirar máis do desexable de educación online, para favorecer
que moito alumnado fixese gran parte do traballo coa canción. Por iso, este esforzo, ten o drobre de mérito!! Parabéns a tod@s!! -
O venres pasado tivemos a gran sorte de poder ter con nós ao noso estimado PABLO SEOANE. Músico, docente, Luthier/artesán... E sobre todo, un Ramalloseiro dos pés á cabeza, pois tamén foi alumno do noso centro.
Este polifacético persoeiro do noso Concello ten máis que gañado o seu prestixio a nivel internacional. Un luxo que tivera a deferencia de presentar ao noso alumnado de 6º, o espectacular traballo do seu último libro "O toque pechado". Unha recollida de anos e anos, de aldea en aldea gravando en casetes aos nosos avós músicos. Un proceso árduo que agora se recolle nesta obra de arte do noso patrimonio cultural cun carácter tamén moi pedagóxico!! Un libro indispensable na biblioteca de calquera músico ou amante da nosa cultura.
Na súa presentación falounos entre outras cousas da orixe destoutra forma tradicional de tocar a gaita. Na que, por dicilo dalgunha maneira, mudan as posicións dos dedos para facer as notas, feito que afecta ao propio son!! E que é precisamente, un dos motivos de que nacera esta dixitación. A procura dunha afinación axeitada! Pois non había un punteiro tipo cunhas medidas estándar que reproducisen o mesmo son, polo que os gaiteiros tiñan que ir buscando a afinación en cada nota. Polo que a gaita adquire tamén outra tímbrica!! Tamén se xustifica e reforza esta forma de tocar, probablemente polo feito, de buscar o instrumentista unha maneira de tocar suxeitando mellor o punteiro. Na actividade tamén nos tocou unhas pezas, unha delas acompañado da súa filla Lía, alumna do centro e integrante do Grupo de música tradicional do Centro.
Tamén donou un exemplar do libro á Biblioteca Escolar do Centro e asinou no noso libro de persoeiros ilustres que visitan o centro.
Sen dúbida, aprendemos un montón de cousas co noso querido "Pablo Seoane". Grazas unha vez máis e moita música compañeiro!! (Premede na imaxe para ver máis fotos, videos...)
Aquí vos deixamos os dous contos presentados ao concurso "Tíralle da Lingua".
Felicitar a todo o alumnado participante na proposta! E animarvos incluso, a aumentar a participación en vindeiras convocatorias!
O obxectivo principal desta actividade é fomentar que os discentes empreguen o galego como "lingua vehicular". E contrapesar certas situacións que estamos a vivir que nos parecen negativas para o futuro da nosa lingua. Pois estamos a apreciar, que ano trasano, baixa o número de nen@s galegofalantes e un gran número deles manifesta abertamente unha especie de fobia ou complexo cara o galego que nos parece preocupante. Por outra banda, tamén é verdade que apreciamos a incapacidade de moitos deles para falalo a pesares de formar parte do Currículo Educativo.
Tristemente, estamos a vivir un "bilinguismo mal entendido" que nos está levando á perda do máis grande da nosa identidade como pobo, a nosa Lingua! Por suposto, dende o ámbito educativo, potenciamos que os nen@s teñan a mellor competencia posible no maior número de linguas (español, Inglés...). Pero non debemos esquencer, que se nos non valoramos e empregamos a nosa propia lingua entre nós... Quen o vai facer? Os Madrileños?... Os vascos?... Os cataláns?....
Somos conscientes de que faltan moitísimas políticas de potenciación da nosa lingua. E principalmente cos máis pequechos! Non é normal, por poñer un exemplo, que os nenos non poidan desfrutar dos debuxos animados do momento (Patrulla Canina, Justo a tiempo, Peppa Pig,...) na nosa lingua. Cando noutras comunidades, como Cataluña, isto non pasa! Algo que se podería solucionar aboando o pertinente "canon lingüístico" que incluiría o galego como lingua opcional nás principais plataformas de contidos infantís, etc.
Deixamos aquí un enlace no que podedes seguir dando o voso apoio a esta iniciativa que tantos galeg@s están a demandar dende fai moito tempo. Queremos películas e series en Galego
Aquí vos deixamos a nosa candidatura deste ano ao "Enreguéifate 2021". Unha regueifa con temática COVID á que non lle falta a retranca e sátira propias deste xénero. Un aplauso para "Os Ramalloseir@s"!! E que a sorte nos acompañe
Como unha das actividades para celebraren o día das letras galegas, o Equipo de EDLG do centro, en coordinacións cos demáis Equipos de traballos (Bibliotecas Escolares, Extraescolares, TICs...) Tivo a idea de dobrar un episodio da serie infantil: Patrulla canina.
Xurdiu pola faceta de tradutora da homenaxeadadeste ano, e a preocupación que ten o profesorado do centro pola perda de crianzas galego falantes. Un dos motivos da perda de léxico na nosa lingua e mudanzas na estrutura ao modo castelán prodúcese polo visionado dos deseños animados por parte do alumnado que non ten opción de ver na lingua galega. Especialmente das series de animación actuais máis demandas pola cativada.
Esta actividade está vinculada tamén ao Obradoiro de Radio Teatro que estivemos traballando este ano no centro. Podedes escoitar todo o episodio no Podcast que vos deixamos ao final da publicación.
Ramalloseiros!! Ramalloseiras!! Agardamos que gocedes un montón desta nova misión da Patrulla Canina!!
Premede na imaxe para ver ou descargar o episodio EN VIDEO.
E no seguinte video podedes visionalo directamente na web (comprimido)
Aproveitamos a ocasión para desexarvos que pasedes un bo entroido, a pesares das limitacións que nos trouxo este maldito bichiño. E tamén para dicirvos que en breve teredes á vosa disposición na web, os enlaces para poder ver e descargar as fotos deste entroido 2021. Así como unha montaxe de video que faremos con todo o material gráfico, que este ano, por razóns obvias, non quedará tan traballado como nos gustaría.
Moita música e unha aperta ben grande para tod@s!!
