Blogue de Mónica

BO DÍA, NESTE LUNS 25 DE MAIO

ESTA SERÁ A SEMANA DA LUZ,

     QUE VOS PARECE?

AS RAZÓNS POLAS QUE VOS PROPOÑO XOGAR COA LUZ, SON VARIAS:

  - PORQUE SE PODE XOGAR DENTRO E FÓRA DA CASA

  - PORQUE PERMITE @ NEN@ OBSERVAR DETALLES

  - PORQUE PERMITE DARSE CONTA QUE AS SOMBRAS SON DISTINTAS SEGUNDO O MOMENTO DO DÍA

  - PORQUE EXPERIMENTA E INTERIORIZA COÑECEMENTOS 

           ACTIVIDADES:

COLOCA OBXECTOS FRONTE Á LUZ DO SOL E OBSERVA QUE PASA

   * BUSCA OBXECTOS TRANSLÚCIDOS, QUE DEIXEN PASAR A LUZ; VASOS DE CORES, CANICAS, PEZAS CON PLÁSTICO TRANSPARENTE,...

    E OBXECTOS OPACOS, QUE NON DEIXAN PASAR A LUZ; PEZAS DE CONSTRUCCIÓN, FIGURAS DE ANIMAIS,...

   * COLÓCAOS FRONTE A UNHA ENTRADA DE LUZ OU SE PODES FÓRA AO AIRE LIBRE E OBSERVA:

         - COMO É A SOMBRA QUE PROXECTA

         - SE A SOMBRA É LONGA OU CURTA

         - COMPARA A SOMBRA DOS OBXECTOS TRANSLÚCIDOS E OPACOS

         - COLOCA EN DISTINTAS POSICIÓNS E ESPAZOS E COMPROBA SE A SOMBRA PROXECTADA É IGUAL

         - POR QUE SE FAN AS SOMBRAS

         - CAMBIARÁ A SOMBRA AO LONGO DO DÍA?. SERÁ IGUAL POLA MAÑÁ, AO MEDIODÍA OU Á TARDIÑA? SE QUERES COMPROBALO PON O OBXECTO NO MESMO SITIO EN DISTINTOS MOMENTOS DO DÍA E OBSERVA

   * PON UN FOLIO E TRAZA A SOMBRA QUE PROXECTAN ALGÚNS OBXECTOS PEQUENOS. LOGO PODES DARLLE COR E POÑERLLE O NOME

    SE ESTÁS NO EXTERIOR PODES TRAZAR A SOMBRA NO CHAN CUN XIZ (TIZA), OU SE ESTÁS SOBRE TERRA CUN PAU.

   * PROBA A POÑERTE TI DE COSTAS AO SOL, MIRA COMO SE PROXECTA A SOMBRA DO TEU CORPO.

PIDE A ALGUÉN QUE TRAZE A TÚA SILUETA E LOGO PODES POÑERLLE UNHA EXPRESIÓN (LEDICIA, TRISTEZA, SORPRESA,..) NA CARA E COMPLETAR O RESTO DO CORPO. OU PODES TRAZAR TI A SILUETA DOUTRA PERSOA.

IMAXES EXEMPLOS:

 EXPERIMENTA, DESFRUTA, OBSERVA!!!

E SE QUERES COMPARTE AS TÚAS CREACIÓNS OU EXPERIENCIAS

MÉRCORES 20 MAIO

CON ESTES DÍAS DE CALOR, APETECE ALGO REFRESCANTE!!!

   ASÍ QUE SEGUIMOS XOGANDO CON AUGA,

         PERO IMOS DARLLE ALGO DE COR E DE FRESCOR!!!

A SUXESTIÓN DE HOXE É FACER XEO DE CORES:

        GOZA E EXPERIMENTA!!!

EXPERIMENTA MISTURANDO CORES

   QUE COR SAIRÁ SE MISTURAMOS AZUL CON AMARELO?

                        E AMARELO CON VERMELLO? ....

                               PENSA E COMPROBA A TÚA HIPÓTESE

OBSERVA QUE ACONTECE

   QUE PASA SE POÑEMOS XEO AO SOL E NA SOMBRA, CAL SE DERRETE PRIMEIRO?

  QUE PASARÁ SE POÑEMOS XEO EN AUGA FRÍA E EN AUGA QUENTE, CAL SE DERRETE ANTES?

  QUE PASA SE PINTAMOS NO CHAN E LOGO SE SECA?

  SEGUE O DEBUXO PINTADO NO CHAN OU DESAPARECEU PORQUE SE EVAPOROU A AUGA?

             ESPERO AS TÚAS FOTOS OU OPINIÓNS

BO DÍA A TOD@S,

COMEZAMOS UNHA NOVA SEMANA QUE ADICAREMOS Á AUGA

PRIMEIRO VEREMOS OS VIDEOS SEGUINTES PARA SABER UN POUCO MÁIS DA IMPORTANCIA DESTE BEN TAN NECESARIO

QUE CHE PARECERON ESTES VIDEOS?

DESCUBRICHES ALGO QUE NON SABÍAS?

PROPOSTAS:

PRESTA ATENCIÓN NAS ACCIÓNS QUE LEVADES A CABO NA CASA, 

   OBSERVA PARA QUE USADES A AUGA

      ANOTA, DEBUXA OU GRAVA PARA QUE EMPREGADES A AUGA

E INCLUSO PENSANDO EN COIDAR O NOSO PLANETA

      ¿QUE PODERIADES FACER PARA AFORRAR AUGA?

                        ¡¡ A PESCUDAR DETECTIVES!!!

VENRES 15 MAIO

XA REMATA UNHA SEMANA MÁIS E CHEGA OUTRA FIN DE SEMANA

AH!, O DOMINGO É DÍA 17 DE MAIO,

DATA NA QUE SE CONMEMORA O DÍA DAS LETRAS GALEGAS,

QUE XA SABEDES QUE NESTE ANO 2020 SE LLE ADICA A

RICARDO CARVALHO CALERO.

HOXE PROPÓÑOCHE VARIOS XOGOS SOBRE ESTE ESCRITOR, MAESTRO, FILÓLOGO, LINGÜISTA.

ENTRE AS SÚAS OBRAS PODEMOS ATOPAR LIBROS DE POESÍA, NARRATIVA, ENSAIO E TEATRO.

EL CONSIDERABA QUE O GALEGO E O PORTUGUÉS ERAN COMO LINGUAS IRMÁS E TIÑAN QUE TER A MESMA NORMATIVA, ESTA IDEA É A QUE DEFENDE O MOVEMENTO REINTEGRACIONISTA DO QUE CARVALHO CALERO FOI O SEU IDEARIO, FEITO POLO QUE FOI MARXINADO NOS ÚLTIMOS ANOS DA SÚA VIDA.

PARA SABER MÁIS VISITA O BLOGUE DE NORMALIZACIÓN LINGÚÏSTICA OU DE BIBLIOTECA.

- XOGOS SOBRE VIDA E OBRA:

   * XOGO DE PISTAS: (clica na imaxe)

   * GRAZAS AO TRABALLO DA NOSA COMPAÑEIRA A MESTRA LAURA:

      MEMORI (clicar na imaxe)

     UNIR VOZ E IMAXE  (clica na imaxe )

- MÚSICA

UXÍA SENLLE NOS AGASALLA CUNHA FERMOSA CANTIGA

"A CARVALHO CALERO! UNHA COROA DE VIOLETAS"

MÉRCORES 13 DE MAIO

RICARDO CARVAHLO CALERO, ESCRITOR, FILÓLOGO E MESTRE.

FOI O 1º CATEDRÁTICO DE LINGÜÍSTICA E LITERATURA GALEGA DA UNIVERSIDADE DE SANTIAGO. 

A EDITORIAL EMBORA, PUBLICOU O RELATO "AS PITAS BAIXO A CHOIVA", QUE NARRA UN FEITO ANECDÓTICO DA SÚA INFANCIA, CANDO "VE POLA FIESTRA DA CASA AS PITAS QUE SE ESTÁN MOLLANDO E....."

A PROPOSTA DE HOXE É:

- FACER UN LISTADO DE ANIMAIS DOMÉSTICOS, COMO SON AS PITAS.

   PARA AXUDAR AO NEN@ A NOMEAR POSIBLES ANIMAIS QUE SE PODEN ATOPAR NAS CASAS, NAS GRANXAS, QUE PRECISAN DO COIDADO DOS HUMANOS, PODEDES DARLLE PISTAS: FACENDO O SON QUE EMITE, DICINDO ALGO DO QUE COME OU ACCIÓNS QUE PODEN FACER,... PARA AXUDARLLE A IR ADIVIÑANDO E FACENDO A SÚA LISTAXE.

   QUE @ NEN@ DECIDA CANTOS QUERE ESCRIBIR ( 3, 4, 5; O QUE ACORDEDES)

   RESPETAR A ETAPA DE ESCRITURA NA QUE SE ATOPA CADA NEN@.

PRONUNCIAR CON CLARIDADE PARA QUE VAIA ESCRIBINDO AS LETRAS QUE RECOÑEZA OU SAIBA- VALORAR O SEU ESFORZO- TRANSCRIBIR DEBAIXO CO MESMO MATERIAL A PALABRA/ SÍLABA CORRECTA PARA QUE SE ENTENDA

   SE QUEREN PODEN DEBUXAR ALGÚN DESES ANIMAIS DO LISTADO.

SE TEÑEN ANIMAIS DE XOGUETE POLA CASA, TAMÉN PODEN XOGAR A IDENTIFICAR E AGRUPAR OS DOMÉSTICOS E LOGO POÑELO AO LADO DA PALABRA QUE ESCRIBIU, QUE DA NOME AO ANIMAL,

   SACA FOTO DO TEU TRABALLO E ENVÍAMA

- DEIXÓVOS UN ENLACE ONDE PODEREDES ESCOITAR E GOZAR O CONTO "AS PITAS BAIXO A AUGA", ADAPTADO PARA ETAPA INFANTIL

Clicar na imaxe 

E TAMÉN COMPARTO ESTOUTROS ENLACES CEDIDOS POLA EDITORIAL EMBORA;

NESTE PODEDES VER TODO O CONTO 

  https://issuu.com/bucle/docs/as_pitas

E NESTOUTRO OUTRO 4 CANCIÓNS (PODES CLICAR NA IMAXE OU COPIAR O ENLACE NO NAVEGADOR)

https://aspitasbaixoachoiva.bandcamp.com/album/as-pitas-baixo-a-choiva