ESTAMOS DE MEDO
Ao fío da celebración do Samaín, e como nos gusta o medo a rabiar, decidimos adicar unha tempada a falar e escribir sobre o medo, a ler e contar historias que nos dan arrepios, a debuxar personaxes terroríficos para decorar a exposición que titulamos: "ESTAMOS DE MEDO"
Nas aulas falamos dos nosos medos e descubrimos que todos e todas temos medos comúns: á escuridade, a quedar sós, á treboada con tronos e relampos, ao dentista, aos cans ladradores, … Tamén descubrimos que é normal ter medo, é unha forma de protección, pero hai certos medos que é importante esforzarse por superalos.
A zona de exposición da nosa "biblio" acolleu libros e os diversos traballos que se fixeron nas aulas:
- Unha selección de libros da nosa colección, que contan historias de medo, saíron dos seus andeis para contar as súas historias aos que quixeron levalos en préstamo.
- Medo me dás: o alumnado de infantil fixo un gran mural onde aparecen tódolos monstros que levan dentro. Representáronse a si mesmos coma personaxes de terror: bruxas, ogros, demos,…poñendo as caras máis feas e arrepiantes que puideron!!
- Unha selección de libros da nosa colección, que contan historias de medo, saíron dos seus andeis para contar as súas historias aos que quixeron levalos en préstamo.
- Medo me dás: o alumnado de infantil fixo un gran mural onde aparecen tódolos monstros que levan dentro. Representáronse a si mesmos coma personaxes de terror: bruxas, ogros, demos,…poñendo as caras máis feas e arrepiantes que puideron!!
- Ilustración: Debuxamos personaxes e esceas terroríficos para decorar as paredes da nosa exposición. Os infantís pintaron tres enormes personaxes arrepiantes: unha bruxa a cabalo da súa vasoira, un grandísimo dragón verde voando e un monstro redondo cunha fea lingua vermella…que medo!!
- Nun libro titulado “Seres fantásticos” atopamos seres mitolóxicos e escollemos para o noso taboleiro os máis arrepiantes. (Preme aquí para velos)
- Conta, conta, que arrepío!! : preparamos contos de medo, lendo os libros que nos propuxeron dende a "biblio", e os contamos nunha sesión arrepiante...á luz do candil!
- Mamasiña, que medo!!: escribimos anécdotas reais ou pequenos contos co medo como protagonista.
- Nun libro titulado “Seres fantásticos” atopamos seres mitolóxicos e escollemos para o noso taboleiro os máis arrepiantes. (Preme aquí para velos)
- Conta, conta, que arrepío!! : preparamos contos de medo, lendo os libros que nos propuxeron dende a "biblio", e os contamos nunha sesión arrepiante...á luz do candil!
- Mamasiña, que medo!!: escribimos anécdotas reais ou pequenos contos co medo como protagonista.
- "Adiviñas monstruosas" Imitamos o bo facer de Gloria Sánchez no seu libro, compoñendo sinxelas adiviñas.
Que pasada!! Un montón de actividades para poñernos os pelos de puntaaaaaaa!!!!!!
Le algún destes contos, o pasarás de ... medoooooo!!!!
