Responder ao comentario

E MÁIS COUSIÑAS NO 1º TRIMESTRE. 

No medio das actividades realizadas para coñecer, saber, aprender e experimentar sobre o Surrealismo, tamén fixemos outras ben interesantes para seguir fomentando a nosa imaxinación e fantasía e cumprindo como ten que ser este ano, de traballo por mesas estables. Aquí volas presentamos.

Acuareleando.

Realizamos debuxos libres nos nosos cadernos utilizando as nosas acuarelas. Mirade aquí  ou na foto, algúns dos exemplos. 

Construímos.

Traballamos as tres dimensións cos nosos xogos de construcións e pezas, deixando voar a imaxinación. Aquí ou na fotografía, podédelo comprobar. 

Experimentamos nas mesas de luz.

Manipulamos, experimentamos e creamos cos obxectos e pezas translúcidos que temos para tal fin. Aquí ou na imaxe, quédanvos os resultados.  

Debuxamos o nadal

Aquí ou premendo na foto. podedes ver, estes chamativos debuxos sobre fondo escuro e realizados con rotuladores prateados e dourados, tan típicos desta data.  

Ilustrámonos.

Como en calquera proceso de aprendizaxe, cómpre documentarse e ter referentes para poder seguir avanzando. Neste caso, é moi importante que vexamos referencias plásticas e artísticas existentes de distintos tipos e estilos, para seguir a medrar artísticamente. Xa veredes aquí ou na foto como nos gusta aprender!