Os mecos do Manuel Sueiro volveron tomar protagonismo na semana do entroido no cole. Todos os días publicaron puntalmente as súas mandas...
...non nos esquecemos de visitalos para poder cumprilas.
Luns | Martes | Mércores | Xoves | Venres |
GALERÍA DE IMAXES
Xa falta pouco para o Día da Paz. Ao longo destes días imos preparar esta canción de Paco Nogueiras.
APERTAS QUE VOAN
Mans brancas e cara negra
teño os beizos vermellos.
Teño sentimentos novos,
teño sentimentos vellos.
Mans negras e cara branca
teño o meu peito cheo
de bicos e de sorrisos
de apertas que voan no vento.
RETROUSO:
Porque ti es o meu amigo,
porque nos levamos ben,
porque ti es o meu amigo
distinto e igual á vez.
Porque ti es a miña amiga,
porque nos levamos ben,
porque ti es a miña amiga
distinta e igual á vez.
Eu non quero ver fronteiras,
sempre me poño a pensar
en dixar a xanela aberta,
así pode entrar o ar.
Pintar o vento de cores,
deixar as palabras medrar
sen dar máis razoamentos
e así poder cantar.
(RETROUSO)
Un camiño faise a pasiños,
un pasiño comigo has de dar,
ha de ser un camiño bonito
se imos xuntiños da man.
Non hai grandes nin pequenos,
e de feros non imos falar,
dáme unha man, compañeira,
que pouco nos ha de importar.
(RETROUSO)
Paco Nogueiras
RECURSOS
Na festa de Nadal, previa ás vacacións, fixemos a entrega dos diplomas aos mellores lectores do primeiro trimestre que nesta ocasión foron os seguintes alumnos e alumnas:
O mércores 20 de novembro relizamos o Festival de Nadal no Salón de Actos do IES As Lagoas. Este ano tivemos unha gran afluencia de familiares e amigos dos nosos estupedos artistas, os cales asistiron para presenciar, en directo, os fabulosos espectáculos que estiveron preparando ao longo deste trimestre.
O programa de actuacións foi o seguinte: (Preme para ver os vídeos)
Agradecemos ao Equipo Directivo e ao persoal laboral do IES As Lagoas a colaboración mostrada, cara o noso centro, para que fose posible a realización desta actividade.
No mes de outubre creamos un novo recanto de lectura para o alumnado máis cativo co material que solicitamos á Consellería de Educación e que nesta ocasión nos foi facilitado.
Agora, o alumnado dispón de novo mobiliario preto dos andeis onde se atopan os fondos destinados aos primeiros lectores.
Ao longo do mes de novembro a nosa castañeira fixo garda na entrada da biblioteca para repartir o conto de "A castaña que rebentou de risa" a todo o alumnado do cole. Un conto en formato minilibro para colorear co que descubrimos por que a castaña ten dúas cores.
O alumnado de 2º de Ed. Primaria participou no concurso de animación á lectura que, cunha metodoloxía lúdica, pretende avaliar os resultados da lectura realizada no mes de outubro durante a Hora de ler.
O título traballado nesta ocasión foi "¿Quién recoge las cacas del perro?" de Ricardo Alcántara e Gusti e publicado por Edelvives.
"Pablo e seu pai queren ter un can, pero non están dispostos a limpar as súas cacas. Terán que elixir entre a responsabilidade ou a indiferenza do animal."
Os membros do equipo gañador recibiu como agasallo un exemplar do próximo libro que traballaremos: "El zorro y la maestra" de Manuel Rivas.
O alumnado da aula de apoio e de 2º, 3º de Ed. Primaria dentro do proxecto “Aprendendo a través de mitos” realizou un traballo de documentación sobre o mito de “Dédalo e Ícaro”.
Primeiro, buscamos na rede as versións existentes deste mito. Entre todos elaboramos unha nova versión que foi coa que traballamos na Hora de ler durante o primeiro trimestre.
Con esta versión final, fixemos un reparto de escenas entre todos os participantes e cada un encargouse de debuxala en tamaño A4.
Posteriormente escaneamos todas as imaxes que elaboramos do mito de Dédalo e Ícaro e montamos unha curta con el. Nos mesmos nos encargamos de pórlle voz á curta, empregando o programa de Audacity. Asemade, con ditas voces tamén elaboramos un podcast co mito que subimos á nosa conta en Soundcloud.
Nas seguintes ligazóns podedes observar os produtos obtidos:
O alumnado de 4º, 5º e 6º asistiu, o 25 de outubro, á proxección da película de animación "El techo del mundo" que tivo lugar no Auditorio de Ourense.
"1882, San Peterburgo. Sasha é unha nena aristócrata Rusa que creceu escoitando as marabillosas aventuras do seu avó, Olukin. Este famosos explorador é coñecido por inventar o "Davai", un gran barco creado co fin de emprender unha viaxe para conquistar o Polo Norte, pero que por desgraza, supuxo a súa desaparición.
Este feito provocou que a reputación da familia de Sasha e o nome do seu avó se vexan desacreditados pola poboación rusa. Para recuperar o honor da súa familia, a protagonista decide seguir os pasos do seu avó e reúne toda a valentía necesaria para ir na súa procura".
O alumnado disfrutou moito co visionado desta película de animación.
Ao longo das semana do Samaín o EDL do centro, en colaboración co equipo de biblioteca, organizou unha unha exposición de cabazas que elaboraron os nenos e nenas do colexio, coa axuda das súas familias.
Os traballos presentados amosaron unha calidade espectacular. Cada ano melloraramos en cantidade e calidade.
Parabéns para todos os participantes!!
PREMIADOS