Skip to Content

6º Curso

Proba de Campo a Través

Xov, 15/12/2022 - 17:29 — admin

O xoves 15 de decembro participamos, un ano máis, na proba previa de Campo a través que tivo lugar nas instalacións de Monterrei e que foron organizadas pola Secretaría Xeral para o Deporte de Ourense contando coa colaboración do alumnado e profesorado do Tafad de Ourense.

A xornada ameazou con choiva, pero a verdade é que tivemos un tempo espectacular para o desenvolvemento das probas, xa que a humidade ambiental permitiu que a temperatura fora idónea para o desenvolvemento das diferentes carreiras.

Despois de dous cursos sen celebrarse esta proba, eran moitas as ganas que as nosas corredoras e corredores tiñan de demostrar o seu nivel de forma física, e así o fixeron, acadando unha satisfacción moi especial cos resultados obtidos.

Xa estamos esperando a celebración da proba da final comarcal que se celebrará en xaneiro e na que voltaremos a estar presentes.

RESULTADOS

 

Visita á fábrica de Aceites Abril

Ven, 25/11/2022 - 19:34 — admin

O 25 de novembro, o alumnado de 5º e 6º de Educación Primaria visitou a empresa ourensá Aceites Abril, situada no Polígono Industrial San Ciprián de Viñas, Calle 6, nº 18, en Ourense.

O obxectivo da visita era coñecer o proceso de elaboración e distribución do aceite destacando a importancia da sostenibilidade e reciclaxe da empresa Aceites Abril.

A nosa visita pola fábrica foi moi interesante, xa que nos amosaron diversas máquinas nas que puidemos observar os procesos de envasado, embotellado, etiquetado, almacenaxe e distribución.

Antes de percorrer a fábrica, ensináronos a sección de calidade no que deixamos as nosas pertenzas e nos puxemos a batas e gorros. Nesta visita non hai fotografías, soamente esta de grupo que amosamos na páxina web xa que por motivos de seguridade non está permitido facer fotografías dentro das instalacións.

A visita foi guiada por Javier Martínez, responsable de exportación e por Marta Pérez, responsable de RRHH.

Dende o CEIP Plurilingüe Manuel Sueiro agradecemos a visita así como o magnífico trato recibido, cando nos inviten voltaremos porque quedaron moitas preguntas sen facer.

Plan director

Mar, 11/10/2022 - 01:50 — admin

O xoves 6 de outubro, visitou o noso centro un axente do Corpo Nacional de Policía para traballar co alumnado de 5º e 6º de Educación Primaria sobre a temática recollida no “Plan Director”.

A exposición estivo centrada en dous temas, como son as redes sociais e o acoso escolar. Temáticas de plena actualidade na nosa sociedade e que ao noso alumnado interesoules moito, póndose de manifesto na gran cantidade de preguntas que realizaron sobre o uso dos teléfonos móbiles, vídeo xogos e plataformas de redes sociais.

Agardamos repetir a actividade co alumnado no curso que ven, debido ao interese mostrado, tanto polos docentes como polo alumnado.

Formación inicial alumnado de meteoescolas

Lun, 03/10/2022 - 04:09 — admin

O luns 3 de outubro comezamos o rexistro de datos meteorolóxicos da nosa estación sita no patio do CEIP Plurilingüe Manuel Sueiro. Antes de comezar o rexistro de datos realizamos unha formación inicial aos meteorólogos e meteorólogas. A formación inicial corre a cargo do coordinador do programa Meteoescola.

A formación consta de dúas partes.
1º) Datos de temperatura e rexistro dos mesmos. 

Dentro da estación meteorolóxica atópase o termómetro. Para o seu correcto uso e imporante ter en conta os seguintes aspectos.

  • Para a recollida axeitada dos datos de temperatura o termómetro non se pode coller coa man xa que a temperatura sube xa que lle estamos a dar calor coas nosas mans.
  • Anotar a temperatura máxima, actual e mínima.
  • Comprobar que temos os datos anotados no libro de rexistro.
  • Pulsar clear.

2º) Datos de chuvia e rexistro dos mesmos. 

Na parte posterior da estación meteorolóxica atópase o pluviómetro. Para o seu correcto uso e imporante ter en conta os seguintes aspectos.

  • Para a recollida axeitada dos datos de chuvia e preciso retirar dos soportes a tapa do pluviómetro.
  • Coller a probeta que se atopa no interior.
  • Comprobar que non hai auga no recipiente metálico. No caso de que haxa auga facer a medición da auga da probeta. Baleirar e engadir auga na probeta. Sumar as dúas cantidades.
  • Anotar a choiva no libro de rexistro.
  • Colocar o probeta no pluviómetro.  
  • Pechar poñendo a tapa do pluviómetro nos soportes.

3º) Realizas a fotografía.  

Na parte dianteira da estación meteorolóxica realizaremos a fotografía do noso traballo. Na fotografía debe saír a estación meteorolóxica e o ceo para poder observar o tempo do día

Equipos de meteoroloxía do curso 2022/2023

Sáb, 01/10/2022 - 04:54 — admin

O venres 30 de setembro de 2022 constituímos 4 grupos de meteorólogos e meteorólogas que se encargarán do rexistro das temperaturas (máximas e mínimas) e os datos das precipitacións do CEIP Plurilingüe Manuel Sueiro levando o seu rexistro no caderno de rexistro diario.

Listado de material escolar para curso 2022/2023

Mér, 24/08/2022 - 19:42 — admin

Nas seguintes ligazóns podedes descargar o material escolar que cada persoa titora solicita para o seu alumnado no curso 2022/2023:

Orlas do curso 2021/2022

Mér, 22/06/2022 - 19:15 — admin

Orlas do alumnado que rematou etapa educativa no curso 2021/2022:

EDUCACIÓN INFANTIL

 

SEXTO DE EDUCACIÓN PRIMARIA

Festa de Fin de Curso nas aulas

Mér, 22/06/2022 - 19:00 — admin

O último día de clase fixemos festas de despedida en todas as aulas do cole. Se premedes nas imaxes de máis abaixo podedes ver o ven que o pasamos ese día.

Educación Infantil

Terceiro de Ed. Primaira

 

 SEXTO CURSO DE EDUCACIÓN PRIMARIA

PREMIDOS NO CONCURSO DE LOGO PARA A BIBLIOTECA

Excursión á praia de Samil

Xov, 16/06/2022 - 18:21 — admin

O 16 de xuño o alumnado de Ed. Primaria realizou unha excursión á costa de Vigo para gozar dunha xornada de praia nos areeiros de Samil.

Unha vez instalados na praia, e coa crema ben repartida polo corpo, xogamos no espazo que a baixa marea nos deixou ao descuberto. Despois de realizar impresionantes obras de enxeñería, e de xogar con todos os artiluxios que desprazamos  desde o cole, chegou o momento tan esperado e desexado de meterse na auga.

O almorzo fixémolo no piñeiral que está a carón da praia.

Mágoa de que a xornada festiva a tivésemos que rematar, antes do previsto, por mor das pingueiras que comezaron a caer a media tarde.

Visita as túas institucións

Xov, 09/06/2022 - 12:27 — admin

O 8 de xuño, o alumnado de 5º e 6º de Educación Primaria realizou a actividade “Coñece as túas institucións” realizando a visita ao Parlamento de Galicia e as dependencias da Xunta de Galicia en San Caetano.

Na visita ao Parlamento de Galicia puidemos ver as obras de arte que están expostas ao longo dos corredores, a biblioteca e o salón de Plenos así como ver en directo unha comisión de traballo dos deputados e deputadas.

Na visita á Xunta de Galicia ensináronnos o edificio no que se pode existe un xardín interior, sala de secretarios e a sala onde traballan os conselleiros e conselleiras.

Para rematar a visita fomos a xantar á Cidade da Cultura.

Foi un día interesante e moi proveitoso... pero sobre todo poder xogar nas instalacións da Cidade da Cultura.

Distribuir contido


by Dr. Radut