Skip to Content

1º Curso

Festival de Nadal 2016

Mér, 21/12/2016 - 19:50 — admin

O 20 de decembro celebramos o Festival de Nadal no Salón de actos do IES As Lagoas a cuxo equipo directivo e persoal laboral queremos agradecer as atencións que desinteresadamente tiveron connosco.

Tamén é de agradecer a gran afluencia de público que tiveron os nosos alumnos e alumnas así como o seu comportamento ao longo de toda a función. Esperamos que nos perdoaran os posibles erros cometidos no desenvolvemento da mesma.

Nas seguintes ligazón tendes acceso ás diferentes actuacións.

  1. Panxoliña: "O moneco de neve". Ed. Infantil.
  2. Poemas 5º Curso.
  3. Varias panxoliñas e cancións: 3º EP.
  4. Obra de teatro: "Comerei dous". 4º EP.
  5. "Mi burrito Sabanero": 1º e 2º de EP.
  6. "O baile da carrasquiña": 1º e 2º de EP.
  7. Obra teatro: "El milagro del amor". Alumnado de 4º e 6º de EP.
  8. Panxoliña final. 6º, 4º e 3º de EP.

 

Ver a galería de imaxes do Festival de Nadal

Sesión de xogos realizada polo alumnado do CIFP Portovello

Xov, 01/12/2016 - 15:30 — admin

Alumnado do CIFP Portovello, coa coordinación do seu titor Roberto Fdez Cartón, desenvolveu no noso colexio unha sesión de xogos baixo a temática dunha "feira" formada por 5 casetas, cada unha delas cun xogo diferente, polas que foron rotando todos os nenos e nenas de Ed. Primaria do centro. Asemade, o alumnado de Ed. Infantil tamén participou nunha sesión, especialmente deseñada para eles, no patio de xogos do cole.

Os xogos realizados foron os seguintes: tres en raia (dragón); paracaídas (tiovivo); rá e as pontes (tirachinas), e o globo irrompible (rompebolas). No programa da sesión pódese ver en que consistía cada xogo. Todos eles foron do agrado do alumnado, non hai máis que ver as súas caras na galería de imaxes.

Felicitamos ao alumnado do CIFP Portovello e ao seu profesorado por esta actividade e animámolos a repetila nun futuro que esperamos sexa próximo.

Moitos parabéns polo traballo realizado!!

GALERÍA DE IMAXES

Os nosos amigos os cans e os gatos

Xov, 03/11/2016 - 20:28 — admin

O alumnado de 1º e 2º de Ed. Primaria visitou a aula de natureza de Oira para asistir a un obradoiro sobre os nosos amigos os cans e os gatos xa que consideramos importante comezar desde a base, dando charlas a nenos e nenas para resolver in situ as súas dúbidas.

Con esta actividade persíguense os seguintes obxectivos:

  • Concienciar os máis pequenos da casa sobre os coidados e responsabilidades que require unha mascota.
  • Adquirir coñecementos sobre os cans e gatos, para valorar a importancia que teñen como animais de compañia e como fonte constante de alegría e cariño.
  • Inculcar aos máis cativos comportamentos para paliar o abandono.
  • Ser consciente de que un animal non é un xoguete.

Os nenos e nenas, despois de escoitar os consellos dos monitores sobre os cuidados que debemos amosar cos "nosos amigos", participaron activamente das actividades que estes organizaron con varios cans.

Foi unha experiencia moi especial!!

 

A cebra Camila

Mér, 25/05/2016 - 17:10 — admin

O alumnado do CIFP Portovello representou, no teatrillo de guiñol, unha adaptación, feita por eles mesmos, do conto "A cebra Camila", escrito por Marisa Núñez, ilustrado por Ocar Villán i editado por Kalandraka.

O público infantil, e non tan infantil, foi cutivado pola historia que lle aconteceu á cebra Camila, e disfrutou da fantástica posta en escena deste precioso conto.

Camila é unha cebra moi traste que desobedece a súa nai  e non se abriga. Un día, ao saír de casa, o vento levoulle as raias do vestido. Ela chorou bágoas de pena, polas raias perdidas. Nesta historia acumulativa, Camila foi recuperando as súas raias a medida que ía atopando personaxes polo camiño (unha araña, unha serpe, o arco da vella, un pato, un caracol,...) que lle axudaron co que puideron, sen esperar nada a cambio, logrando, con cada agasallo, que Camila chorara menos e esquecera a súa pena...

A cebra Camila é un conto que fala sobre a importancia que teñen na nosa vida o resto de persoas e a axuda, o afecto, o respecto... que nos poden facilitar para ser felices.

Este conto é moi adecuado para traballar as emocións, a solidariedade e a amizade.

Moitos parabéns para o alumnado do CIFP Portovello pola súa elección e  representación.

Galería de imaxes

GALERÍA DE IMAXES

Como remate, desta actividade de animación á lectura, divertímonos bailando e imitando os movementos das personaxes que apareceron na historia...

Pasámolo xenial!!!

24 de febreiro, Día de Rosalía

Lun, 29/02/2016 - 19:44 — admin

Galería de imaxes

O pasado 24 de febreiro conmemoramos o aniversario de Rosalía coa realización de diversas actividades:

  • O alumando de Ed. Infantil traballou a figura de Rosalía ao longo de toda a semana coa elaboración dun gran mural alusivo á escritora.
  • En Ed. Primaria traballouse co material compilado na web do cole e a unidade didáctica elaborda polo Equipo de Dinamización Lingüística.
  • A maioría do alumnado participou na proposta da AELG que este ano consistiu na elaboración dunha postal na que figuraba impreso o poema "Canta paxariño alegre".
  • O alumnado de 1º, 3º e 4º memorizou e recitou o poema.

GALERÍA DE IMAXES

Galería

Xoves de comadres 2016

Xov, 04/02/2016 - 13:46 — admin

O xoves, 4 de febreiro, o alumnado de 1º curso de Ed. Primaria participou na celebración do xoves de comadres que organizou a Concellería de Educación e animou a fabulosa "Sabela". Nas semanas previas, realizamos un obradoiro de elaboración de comadres e compadres que se desenvolveu na biblioteca do centro.

Foi unha mañá moi especial xa que a maioría dos asistentes do noso centro era a 1ª vez que participaban nesta festa que abre o Entroido en Ourense. Pasámolo xenial, a pesar de que ningún de nós conseguiu salvar a súa comadre... todas acabaron escachizadas nas no solo da Praza Maior de Ourense.

A prensa recolleu a nova nas súas edicións:

Para o próximo ano volveremos!!!

Galería

Tres grans de sal

Dom, 06/12/2015 - 20:51 — admin

Poema de Concha Lagos recitado polo alumnado de 1º de Ed. Primaria na Hora de Ler.

 

Exposición de traballos con castañas 2015

Mér, 11/11/2015 - 17:16 — admin

Ao longo do mes de novembro realizamos na entrada do colexio unha exposición con manualidades feitas con castañas na que participaron todos os membros da comunidade educativa que o desexaron.

Os traballos presentados este curso foron dunha gran calidade. Na seguinte galería de imaxes podedes observalos.

GALERÍA DE IMAXES

 

 

GAÑADORES DO CONCURSO

Traballo de María
Ed. Infantil 1º, 2º e 3º de E. Primaria 4º, 5º e 6º de E. Primaria

O 20 de novembro tivo lugar a entrega de agasallos aos mellores traballos de cada grupo. Neste concurso, todos e todas os/as participantes recibiron un fantástico agasallo destinado a fomentar a súa creatividade plástica. Asemade os gañadores de cada categoría recibiron sendos cadernos cos que comezar a plasmar dita creatividade.

Todo o alumnado do centro participou como xurado na elección dos mellores traballos. Os resultados da votación pódense ver nas seguintes ligazóns:

 

Festa Fin de Curso

Dom, 21/06/2015 - 19:30 — admin

O 18 de xuño, en horario de tarde, celebramos a Festa de Fin de curso no colexio coa asistencia da práctica totalidade do alumnado e as súas familias.

Primeiro tivo lugar a ceremonia de clausura do curso coas seguintes actividades:

  • Representación da obra de teatro "Néfele, a raíña das nubes" polo alumnado de sexto. Dita obra foi escrita pola nosa compañeira de sexto Camino Alonso e premiada no concurso "A ciencia que conta" da Fundación Barrié de la Maza. Ao final da representación fíxoselle entrega da edición do libro que inclúe a obra.
  • Varios alumnos e alumnas do centro deleitáronnos con fantásticas interpretacións intrumentais de coñecidas obras de músicais:
    • Gabriel e Estela fixeron soar melodicamente o seu piano.
    • María deleitounos cos sons da súa tuba.
    • Nuría fixo unha emotiva interpretación co seu acordeón.
  • Entre actuación e actuación fixemos entrega dos seguintes agasallos:
    • Agasallo e diploma aos mellores lectores do 3º trimestre.
    • Agasallo e diploma polo comportamento no comedor escolar.
    • Agasallo aos traballos feitos para o Equipo de Dinamización Lingüística.
    • Agasallo e parabéns para os mestres e mestras provisionais do centro.
  • Asemade, tamén fixemos entrega das orlas ao alumnado de sexto curso que remataou os seus estudos no noso centro.
  • Para clausurar o acto, toda a comunidade educativa interpretou o Himno de despedida.

 

Unha vez finalizada a ceremonia de clausura do curso tivo lugar nas instalacións deportivas do centro a Festa de Despedida do curso que organizou a ANPA Limiar do noso centro.

O alumnado e as súas familias puideron disfrutar dunha merendola especial e participar cos seus amigos e compañeiros nas diferentes actividades que lles tiñan preparadas.

FELICES VACACIÓNS para todas e todos!!
Galería de imaxes da celebración

Galería de imaxes

 

 

Obradoiro de apicultura

Lun, 04/05/2015 - 12:57 — admin

O 24 de abril tivemos na biblioteca una actividade moi interesante para todo o alumnado do centro: Contamos cun mestre apicultor que lles ensinou aos rapaces a diferenciar distintos tipos de abellas, como fan os panais, a mel,… a través dunha presentación e un vídeo de Disney para os mais cativos.

Trouxo unhas vitrinas, con cristais, nas que dentro estaban as abellas e os panais feitos por elas.

Tiveron que buscar a abella raíña. Tamén puideron comprobar a temperatura tocando os cristais, xa que a de enriba estaba mais quente ca de abaixo.

Asemade, observaron como a presenza de fume e auga producían cambios no seu hábitat e como as abellas reaccionaban antes estes cambios.

Por último, manipulamos co traxe de apicultor que é preciso poñer para a recolecta da mel e explicounos como o tiñamos que poñer correctamente para non sufrir ningún percance.

Foi unha experiencia que nunca olvidaremos!!

Galería de imaxes

Distribuir contido


by Dr. Radut