CEIP Juan Fernández Latorre

Aquí tedes o resultado final, a curtametraxe elaborada ao longo deste curso por un grupo de mestras-es, e o alumnado de 1ºB e 2ºB do Colexio. Trátase de dar vida cinematográfica ao conto da editora OQO, "Non quero ser un polbo". Esperamos que o disfrutedes!!

Comunicamos a todos os interesados que, finalizado o prazo de reclamacións, procedemos a publicar as listaxes definitivas de alumnado admitido para o curso 2014-15. Estas listaxes non sufriron ningunha variación con respeto ás provisionais. Podedes consultalas aquí.

O prazo de matrícula será do 20 ao 30 de xuño na Secretaría do Colexio. Debedes entregar, entón:

1. Folla de matrícula cuberta (a recoller no Centro)
2. Catro fotos tamaño carné
3. Fotocopia da tarxeta sanitaria
4. Certificado médico ou fotocopia do libro de vacinas.

Xa está dispoñible a listaxe coas saídas deste terceiro trimestre, que podedes consultar aquí, ou no taboleiro do Colexio. Lembrade que agunhas poden sufrir cambios dependendo do tempo, e que tamén podería ser que xurdiran novas propostas. En todo caso, a relación de saídas estará actualizada en cada momento.

Aproveitamos para lembrar que o día 2 de maio non haberá clase, xa que foi o día non lectivo elixido polo Centro neste curso.

O día 10 de abril, foi a final do certame de curtas en galego no que participamos o alumnado de 5º e 6º do noso Colexio.

A curta de 5º foi seleccionada, con outras cinco, para presentarse na final que tivo lugar ,na Escola Oficial de Idiomas de A Coruña

Nesta gala, a curtametraxe de quinto "Hipnonenos" foi elixida como gañadora deste certame na categoría infantil.

 Emocionámonos moitisimo, ao saber que eramos os gañadores@ de entre todas as curtas realizadas.

Tania e Carlota 5ºA

O pasado luns 7 de abril, o Consello Escolar referendou as listaxes provisionais que a continuación publicamos. Agora ábrese un periodo - ata o 25 de abril- para que as familias disconformes co resultado poidan presentar recurso na Secretaría do Centro. Pasado este tempo publicaremos as listaxes definitivas, coas instruccións para o proceso de matrícula de novo alumnado.

• Listaxe de 4º de Ed. Infantil 
• Listaxe de 5º de Ed. Infantil
• Listaxe de 6º de Ed. Infantil
• Listaxe de 1º de Ed. Primaria
• Listaxe de 3º de Ed. Primaria
• Listaxe de 4º de Ed. Primaria
• Listaxe de 5º de Ed. Primaria
• Listaxe de 6º de Ed. Primaria

Ata o 10 de abril podedes pedir os campamentos de verán da Xunta de Galicia. Toda a información no seguinte enlace.

O Concello da Coruña ven de publicar no BOP a convocatoria de becas para os comedores escolares de cara ao vindeiro curso 2014-2015.

Clicando na imaxe atoparedes toda a información sobre a convocatoria que remata o 8 de abril.

Aquí está o resultado do traballo realizado no marco da actividade extraescolar de Elaboración dunha curtametraxe en língua galega, desenrolado durante o primeiro trimestre do curso para o alumnado de 5º e 6º de primaria. Noraboa ás novas actrices e actores, e como non aos seus profesores.

)