Celebración do magosto
Despóis de tentar á sorte, conseguimos asar as castañas e celebrar o noso tradicional magosto. A implicación de todas e todos foi unha vez máis garantía de éxito, na realización dunha actividade común. Noraboa.
Tempo de magostos
O Magosto celébrase o venres 14 de novembro máis ou menos sobre as 12 horas no colexio Juan Fernández Latorre. Comeremos castañas e veremos a actuación dos nenos de Donaire que veñen a este colexio. Tamén poden participar os pais, os avós, os tíos, as tías… e moita máis xente. Esta festa celébrase para que non se perda a tradición e tamén para divertirse.
A min encántanme as castañas. E a ti?
Helena
XOGO INFANTIL XOGO PRIMARIA DÍPTICO INFORMATIVO
A Festa do Samaín
Un curso máis celebramos esta festa tradicional. Abraiados pola cantidade e calidade da vosa participación, non queda senón agradecervos o voso interese e colaboración. Permitídeme que especialmente, recoñeza ao Equipo de Dinamización da Língua Galega, a Biblioteca, a APA por impulsar e colaborar na organización e desenvolvemento da actividade.
VOLTA O SAMAÍN
Victoria
O 30 de outubro celebramos o Samaín, no Colexio “Juan Fernández Latorre”.
O Samaín é unha celebración tradicional de Galicia para recordar aos mortos. Esta festa celébrase dende hai moitos anos, porque é unha forma de pasalo ben e á vez de honrar aos que xa non están con nós.
O día 29 deixamos as cabazas decoradas con caras terribles no Colexio. O día 30, pola tarde acenderanse e iremos con elas desfilando ata a praza de Pablo Iglesías, faremos unha paradiña no cemiterio de Oza, onde os gaiteiros da Asociación IAR tocarán unha canción para honrar aos nosos defuntos.
Ao rematar, eu deixo a cabaza na praza que está fronte a miña casa para asustar á xente que pasa; anímaste a deixar a túa?
Javier, Laura N e Nora
As raices do Samaín
O venres 24 de outubro disfrutamos, no Salón de Actos, dunha interesante charla sobre as orixes celtas e galaicas, da celebración do Samain. Para isto contamos coa presenza do profesor cedeirense Rafael López Loureiro, personaxe clave para entender a recuperación desta tradición en Galicia.
Agradecemos tamén a AAVV IAR a súa colaboración co Colexio para organizar este acto, co que iniciamos os festexos do Samaín no Centro.
DÍA DA BIBLIOTECA
En 1997 estableceuse o 24 de outubro como DÍA DA BIBLIOTECA, pensando sobre todo na literatura infantil e xuvenil.
Hoxe, 24 de outubro de 2014, para animar a ler, alumnado de 4º B leu e interpretou un orixinal libro: "O INCRIBLE NENO DEVORADOR DE LIBROS".
Fixérono moi ben e disfrutamos moitísimo coa lectura.
Grazas a todos e todas!
Listen and Speak en 3º e 4º
Aproveitamos este medio para advertir a posibles familias interesadas, que o grupo de Listen and Speak (actividade extraescolar de inglés do Concello) de 3º e 4º non pode comezar ata que sexan doce alumnos. Actualmente apuntáronse 10 alumnos-as. O horario sería de catro a cinco os luns e mércores.
Inicio das actividades extraescolares 2014-15
O mércores 1 de outubro arrancan as actividades extraescolares no Colexio. Nos enlaces de abaixo podedes consultar as circulares enviadas.
Circular de inicio de actividades (26/09/14)
Tabla de horarios das actividades. (26/09/14)
Implantación da LOMCE
Dende o inicio do presente curso implántase a LOMCE en 1º, 3º e 5º de Primaria, deixando para o curso 15/16 a extensión da nova Lei Educativa a toda a etapa de Primaria. Queremos deixar aquí ampla información, por un lado a circular informativa básica do Centro para as familias afectadas, e por outro un enlace a toda a documentación sobre a LOMCE que se atopa no portal educativo da Consellería.
- « primeira
- ‹ anterior
- …
- 58
- 59
- 60
- 61
- 62
- 63
- 64
- 65
- 66
- …
- seguinte ›
- última »